1. ¿Andisï kurhakupi Jesusi, Jeobani eska kuájchakuapiringa imeri chúxapatichani?

ÚLTIMU chúrikua jimbo enga Jesusi Echerirhu japka, eratsespti iámindu uandanhiatechani engaksï úpiringa jatsiani imeri chúxapaticha. Jimboka xénchasïrenga, kurhakuspti Táti jémbani eska kuájchakuapiringa Noambakitiri (Juanu 17:14, 15). Mítespti eska enga ima nintapiringa auandarhu, Noambakiti seguirini japiringa no sési kaani né uéjkini enga uékapiringa Jeobani marhuakuni. Ísï jimbo, Jeobaeri ireta uétarhinchasïndi eska kuájchakunhaaka.

2. ¿Andichisï uá seguru jarhani eska Jeoba mókuantauaka juchari kómarhikuechani?

² Jimboka Jeoba xénchasïrenga imeri Uájpani mókukuntaspti imeri kómarhikuani. Májkueni, engachi juchajtu jánguarhintaska jaiapanherantani imajtsïni xénchaati ka mókuchintaatijtsïni kómarhikuechani engachi kurhakuaka eskajtsïni jarhuataaka ka kuájchakuni. Jeoba, Táti máesti enga xénchpetiika ka méntkisï kuidariuauati imeri uájpechani. Enga no ísï úpiringa no úni japirindi ambe enga imeri nombri arhikuekajka ka no sési mítekatepirindi.

3. ¿Andichisï uétarhinchajki eskajtsïni Jeoba kuájchakuaka?

³ Iásï sánderuchi uétarhinchasïnga eskajtsïni Jeoba kuájchakuaka, jimboka Noambakiti petanhantaska auandarhu uératini ka “kánikua ikiaxati” (Jaŋ. 12:12). Noambakiti úsïndi eskaksï máru eratseaka eskaksï Tata Diosïni marhuakuxaka engajtsïni no sési kámajka (Juanu 16:2). Ka imecha engaksï no jakajkujka Tata Diosïni, no sésijtsïni kámasïndi jimbokachi no úsïnga imani ambe engaksï i parhakpini anapuecha újka. Ambe uéjki jimbo engajtsïni no sési kámajka kʼuiripuecha nóchi chésïnga, jimboka Biblia arhisïnga: “Mintsinharhikuesti juchari Tata engaksïni uinhaperantaaka ka kuájpinksïni para Noambakitini jingoni” (2 Tes. 3:3). Ju je exeni tsimani ambe enga úrajka Jeoba parajtsïni kuájchakuni.

4. Eska na arhijka Efesu 6:13-17, ¿ambejtsïni íntskuski Jeoba parajtsïni kuájchakuni?

⁴ Jeobajtsïni íntskusïndi xukuparhakua ma uarhiperakueri engajtsïni uáka kuájchakuni engajtsïni Noambakiti uékaaka no sési úchini (arhinta je Efesu 6:13-17). I xukuparhakua uiuinhaxesti ka marhuasïndi, joperujtsïni solu jiáni uáti kuájchakuni engachi iámindu ambe jukarini jauaka i xukuparhakueri. Ju je exeni ambe arhikuekasïni mándani parti i xukuparhakueri.

5. ¿Ambe arhikuekasïni sinturoni jurhimbikueri ka andichisï jatsi para jukantani?

⁵ Jónguarhikua o sinturoni jurhimbikueri arhikuekasïndi jurhimbikua ambe enga Tata Diosïri Karakatarhu jaka, Bibliarhu. Jatsiskachi para ini sinturonini jukarini jarhani, jimboka Noambakiti jindeeska “tátemba chkuanderaricheri” (Juanu 8:44). Desde iónisïa Noambakiti chkuanderastia ka támisï jánhastaxati “iámindu parhakpini anapuechani” (Jaŋ. 12:9). Joperu jurhimbikua ambe enga Biblia jorhentpijka uátijtsïni kuájchakuni Noambakitiri chkuanderakuecheri. Engachi jorhenguarhiska jurhimbikua ambe Jeobaeri, mintsita jingoni ka jurhimbikua jingonchi kómarhini ka engachi iámindu ambe jimbo jurhimbitku jámaska, ísïsti komu eska sinturonini jukantani jarhani (Juanu 4:24; Efes. 4:25; Ebr. 13:18).

6. ¿Ambe arhikuekasïni korasa jurhimbikueri ka andichisï jatsi para jukantani?

⁶ Korasa jurhimbikueri arhikuekasïndi Jeobaeri juramukuechani. ¿Andichisï jatsi para jukantani? Jimboka ísï eska korasa ma na kuájchakujka soldadueri mintsitani, májkueni korasa jurhimbikueri kuájchakusïndi juchari mintsitani parajtsïni i parhakpini no támisï páni (Prov. 4:23). Jeobajtsïni juramuchisïndi eskachi jatsiska para xénchani ka marhuakuni iámu juchari mintsita jingoni (Mat. 22:36, 37). Ísï jimbo, Noambakiti jánguarhintasïndi parachi ini parhakpini anapu ambe tsitini enga Jeoba kurhunhijka, ka nóteruchi iámu mintsita jingoni marhuakunia Jeobani (Sant. 4:4; 1 Juanu 2:15, 16). Ka enga Noambakiti no újka ísï úni, seguiriuati jirinhakuntani máteru ambe.

7. ¿Nénachi jukantasïni korasa jurhimbikuerini?

⁷ Engachi ísï irekajka eskajtsïni Jeoba na arhijka, ísïsïndi enajkichi jukantani jarhajki korasa jurhimbikuerini (Sal. 97:10). Joperu jamberi máru kʼuiripuechaksï uáti ísï eratseni eskajtsïni Jeobaeri juramukuecha no jurajkusïnga iámindu ambe úni. Joperu engachi no ísï újka eskaksï Bibliaeri Karakatecha na arhijka, ísïuakachi komu eska ima sondadu enga pʼíntajka korasani jiáni enga uarhipeni jarhajka, jimboka eratsesïnga eska jukari kʼuetsapeska. ¿A no eska inde ambe kánikua no sési japiringa? Joperu para imecha engaksï xénchajka Jeobani, imeri juramukuechaksï “no k’uetsapiti ambesti”, sánderu sési kuájchakusïndijtsïni (1 Juanu 5:3).

8. ¿Ambe arhikuekasïni sapatu jukantatini jarhani ka listu jarhani para aianhpini ambakiti aianhperakuani?

⁸ Pablu ístu uandaspti eskachi jatsiska para sapatu jukantatini jarhani ka listu jarhani para aianhpini ambakiti aianhperakuani pínandikueri. I ambe arhikuekasïndi eskachi méntkisï listu jauaka para aianhpini Tata Diosïri Reinueri ambe. Jiáni engachi máteruechani aianguaka Bibliaeri ambe, juchari jakajkukua sánderu uinhapiti jarhasïndi. Kánikuajtsïni uinhaperantasïndi exeani Jeobaeri marhuarichani iápuru parhakpini anapuechani engaksï jánguarhintani jaka aianhpini ini ambakiti aianhperakuani. Por ejemplu, aianhpisïndiksï imecheri ánchikuarhitarhu, eskuelarhu, jimesïsï engaksï negosiuecha ambe jaka, kʼumanchikuecharhu, engaksï nirajka piántani ambe, jiáni engaksï pʼorhembiajka familiarichani engaksï no Testigueka, engaksï uandontskuarhejka imecha jingoni engaksï ima míteaka, asta jiáni jamberi engaksï no újka uérani imecheri kʼumanchikuecharhu.  Engachi nóteru aianhpipiringia jimbokachi chésïnga, i ambejtsïni kánikua no sési úchipirindi. Ísïpiringachi eska soldadu ma enga pʼíuantajka sapatuechani jiáni enga uarhipeni jarhajka, kánikua no sési úkurhinchapirindi, úpirindi atakuarhini ka sánderu úkua jukapirindi para kuájchakukuarhini ka nóteru úpirindia úni ambe enga imeri komandanti arhipiringa.

9. ¿Andichisï jatsi para páni kʼéri kuájpitarakuani jakajkukuerini?

⁹ Kʼéri kuájpitarakua o eskudu jakajkukueri arhikuekasïndi juchari jakajkukua Jeobani jimbo. Mintsikasïngachi eska ima kumpliriuaka iámindu imani ambe engajtsï aiachijka. Inde jakajkukua jarhuataatijtsïni “párhukuani Noambakitiri lansechani engaksï chpiririika”. Jatsiskachi para méntkisï páni ini eskuduni, jimbokajtsïni kuájchakusïnga apostatecheri chkuanderakuecheri ambe jingoni ka engajtsïni kʼuiripuecha teresmarhujka ka arhinchani imani ambe jimbo engachi jakajkujka. Engachi no mintsikaska Jeobani, nóchi uáka kurhajchani jiáni engajtsïni nema arhiaka eskachi imani ambe uáka enga no sési jaka. Joperu méni engachi no uáka imani ambe enga Tata Diosï no jaiapanhentajka ánchikuarhitarhu o eskuelarhu, juchari jakajkukuajtsïni kuájchakuni jarhasïndi (1 Ped. 3:15). Méni engachi no jiókuarhijka ánchikuarhitani ma nani engajtsïni sánderu maiamupiringa, joperu enga úpiringa eskachi nóteru  sési marhuakupiringia Jeobani, juchari jakajkukuajtsïni kuájchakuni jarhasïndi (Ebr. 13:5, 6). Ka engachi no jurajkujka Jeobani nájkirukachi no sési kánhajka, juchari jakajkukuajtsïni kuájchakuni jarhasïndi (1 Tes. 2:2).

10. ¿Ambe arhikuekasïni kasku pʼímutantskueri ka andichisï jatsi para jukantani?

¹⁰ Kasku p’ímutantskueri arhikuekasïndi ambe enga uáka Jeoba sánderu orhepani juchantsïni jimbo, engachi uáka ambe enga ima uéjka ka nájkirukachi uarhiaka imajtsïni tsítantaati (1 Tes. 5:8; 1 Tim. 4:10; Titu 1:1, 2). Ísï eska kasku na kuájchakujka soldadueri éjpuni, erokuarhikua pʼímutantskueri, májkueni kuájchakusïndi juchari eratsekuani. ¿Néna? Jarhuatasïndijtsïni parachi imani ambe eratseni ambe enga uáka Tata Diosï ka no jukari uandanhiani jarhani problemecha jimbo. Engachi jánguarhintajka ísï eratseni eska Jeoba, ísïsïndi enajkichi jukantani jarhani kasku p’ímutantskueri. Por ejemplu, nóchi mintsikasïnga jatsikuarhekuani enga sóntku kʼamarajka, sino Tata Diosïni (Sal. 26:2; 104:34; 1 Tim. 6:17).

11. ¿Ambe arhikuekasïni espiritu santueri espada ka andichisï jatsi para úrani?

¹¹ Espiritu santueri espada arhikuekasïndi Tata Diosïri Karakata, Biblia. I espada jatsisti uinhapikua para jorhendani máteru kʼuiripuechani jurhimbikua ambe ka paraksï nóteru chkuanderakua ambe jakajkunia ka imani ambe enga no ma ambe marhuajka (2 Kor. 10:4, 5; 2 Tim. 3:16, 17; Ebr. 4:12). Jiánchi jorhenguarhisïnga sési úrani Bibliani engachi jandiajku jorhenguarhijka Bibliani ka engajtsïni Tata Diosïri kúnguarhikua jorhendajka (2 Tim. 2:15). Joperujtsïni Jeoba no solu ini jarhuajperata íntskusïndi.

12. ¿Ambe máteru ambechi uétarhinchasïni ka andi?

¹² Soldadu ma enga sési mítekukia uarhipeni mítesti eska no uáka jandiajku ejersituni ma andani; uétarhinchasïndi jarhuajperata máteru sondaduecheri. Májkueni, juchajtuchi no uáka jandiajku andani Noambakitini ka imechani engaksï imani jingoniika, Jeobajtsïni íntskusti interu parhakpini anapu erachichani engajtsïni uáka jarhuatani (1 Ped. 2:17).

13. Eska na arhijka Ebreu 10:24, 25, ¿nénajtsïni jarhuatasïni tánguarhikuecha?

¹³ Engachi nirajka tánguarhikuecharhu erachichajtsïni uinhaperantasïndi (arhinta je Ebreu 10:24, 25). Iáminduechachi ménisï no sési pʼikuarherani jarhasïnga. Joperu, ¿a no eskachi kánikua sési pʼikuarherasïnga engachi nirajka tánguarhikuecharhu? Kánikuajtsïni uinhaperantasïndi erachicheri komentariuecha ka particha engaksï nitamataranhajka, ka arhijtsïkperatecha engaksï Bibliarhu pʼitakata jaka ístujtsïni uinhaperantasïndi parachi seguirini jarhani marhuakuni Jeobani. Ístu, engachi uandontskuarhejka erachicha jingoni antede tánguarhikua uénani ka ístu enga na kʼamarajkia uinhaperantasïndijtsïni (1 Tes. 5:14). Ístu, tánguarhikuecharhu úsïngachi jarhuatani máteruechani ka inde ambejtsïni kánikua sési pʼikuastasïndi (Uku. 20:35; Rom. 1:11, 12). Ístuchi, jorhenguarhisïnga sánderu sési aianhpini ka jorhentpini. Por ejemplu, jorhendasïndijtsïni sánderu sési úrani publikasionichani ka bideuechani engachi úrajka para jorhentpini. Ísï jimbo, sésichi prepararikurhiaka para tánguarhikuecha ka jingontku kurhaani ambe enga uandanhaaka jima ka tátsekua úni ambe engachi jorhenguarhiaka. Engachi iámu i ambe ísï úska, mándani arhini jucha sésichi preparadu jauaka parachi jindeeni “ambakiti soldadu ma Kristueri” (2 Tim. 2:3).

14. ¿Náki máteru jarhuajperatachi jatsiski?

¹⁴ Ístuchi míteska eskaksï uánikua ánjelicha jarhaska engajtsïni uáka jarhuatani. Míteskachia ambe enga uáka úni máechakua ánjeli, ¿úpirinchi eranhaskani ambe enga uáka úni ma ejersitu ánjelicheri? (Is. 37:36). No ma kʼuiripu jarhasti ni demoniu enga xáni uinhapitika eska Jeobaeri ejersitu. Jeoba kánikua uinhapitisti, ka  enga ima juchantsïni jingoni jauaka sánderuchi uinhapitiuaka eska juchari ikiatspiticha no arhiparini na engaksï xániuaka (Juec. 6:16). ¡I ambe meru ísïsti! Ju je miáni i ambe jiáni engajtsïni úchiaka o arhiaka ambe ma engajtsïni no sési pʼikuastaaka ánchikuarhitarhu o eskuelarhu anapu kompanieru ma o familiari ma enga no Testigueka. Ju je miáni eskachi no jandiajku jarhaska, Jeobajtsïni jarhuataxati jimbokachi úxaka ambe engajtsïni ima arhijka.

15. Eska na arhijka Isaías 54:15, 17, ¿andisï no nema uá pʼínguni Tata Diosïri iretani para nóteru aianhpinia?

¹⁵ Kʼuiripuecha engaksï Noambakitiri jájki jimbo jaka uánikua ambeksï jatsisti engajtsïni jimbo ikiachejka. Nóchi inchamukusïnga politikarhisï, nichi nirajki guerrecharhisï, aianhpisïngachi Tata Diosïri nombrini ka eska solu imeri Reinujkusï uáka eska jauaka pínandikua ka kurhajchaasïngachi imeri juramukuechani. Aianhpisïngachi eska i parhakpini anapu juramuti chkuanderari máeska ka uándikpiti ma enga no sáni pʼamojpijka (Juanu 8:44). Ka aianhpisïngachi eska i parhakpini nóteru ióndani kʼamajkunhaakia. Joperu Noambakiti ka engaksï imani jingonika nójtsïni uáti pʼínguni parachi ini ambe aianhpini. Sánderu sési úraakachi ambe engachi xáni uáka parachi seguirini jarhani k’éri ambe arhini Jeobani. Nájkiruka Noambakiti kánikua uinhapikua jatsika no úsïndi eskachi nóteru aianguauakia interu parhakpini anapu kʼuiripuechani Reinueri ambe. I ambe xarhatasïndi eskajtsïni Jeoba kuájchakuxaka (arhinta je Isaías 54:15, 17).

16. ¿Néna pʼímutantaa Jeoba imeri iretani k’éri mískuarhitarhu?

¹⁶ ¿Ambe úkuarhia sánderu orhepani? K’éri mískuarhitarhu, Jeoba tsimani ambe úraati parajtsïni pʼímutantani. Orheta, pʼímutantauati imeri ambakiti marhuarichani, jiáni enga uáka eskaksï parhakpini anapu reicha kʼamajkuaka k’éri Babiloniani, engaksï jindeeka iámindu relijioni no jurhimbiticha (Jaŋ. 17:16-18; 18:2, 4). Ka máteru, pʼímutantaati imeri iretani jiáni enga kʼamajkuaka Armajedonirhu iámindu Noambakitiri ambe (Jaŋ. 7:9, 10; 16:14, 16).

17. ¿Nénajtsïni jarhuatasïni no jurajkuni Jeobani?

¹⁷ Engachi no jurajkuska Jeobani, Noambakitijtsïni no uáti imani ambe úchini enga Jeoba no uáka sési peentani. Jeoba kʼamajkuati Noambakitini para méntkisï (Rom. 16:20). Ísï jimbo, ju je jukantani iámindu ambe uarhipetarakueri anapu xukuparhakuani ka ju je no méni pʼíntani. Ju je arhiani erachichani eskajtsïni jarhuataaka ka úni ambe engajtsïni Jeoba arhijka ka no jandiajku uékani orhepani uérani. Engachi ísï úska, uákachi seguru jarhani eska juchari Táti auandarhu anapu enga xáni uékpitiika uinhaperantakajtsïni ka kuájchakuni (Is. 41:10).