BIBLIAERI jurhiatikuecha jimbo, maiordomu ma, orhejtsïkusïrendi máteru kʼuiripueri kʼumanchikuarhu o ambe enga xáni kʼuiripu jatsikuarhipiringa.

Enga Jose, Jakobu uájpa, Ejiptu jántspiripka, imeri patroni arhispti eska maiordomuepiringa imeri kʼumanchikuarhu. I achamasï Ejiptu anapu, Joseni jurajkukuspti iámindu ambe enga xáni jatsikuarhipka (Gén. 39:2-6). Ísï tátsekua, enga Jose niárapka kánikua juramukua jatsini jini Ejiptu, imajtu niáraspti jatsini maiordomuni ma imeri kʼumanchikuarhu (Gén. 44:4).

Jiáni enga Jesusi Echerirhu irekani japka, jatsikuarhirichaksï kʼéri iretarhu irekasïrendi ka uéramani ísïksï jatsiasïrendi echerichani. Ísï jimbo, patronichaksï maiordomuechani erakuasïrendi paraksï pauani pauani orhejtsïkuani ánchikuarhirichani imecheri echericha jimbo.

¿Na jásï ma kʼuiripu uétarhisïreni jindeni maiordomu ma? Columela, Roma anapu karari ma enga primeru sigluni anapuepka, uandaspti eska jántspiri enga maiordomueni erakunhapiringa, imáepiringa enga jorhenapiringuia indeni ánchikuarhita úni. Jántspiri máepirindi enga mítepiringa orhejtsïkuani ánchikuarhirichani ka enga no no sési kaapiringa. Columela ístu uandaspti: “Ambe enga sánderu jatsienga para xarhatani ima enga maiordomuepiringa, jindespti no eratsini eska iámindu ambe mítesïrenguia ka jini no ísïini ka eska méntkisï jánguarhintani japiringa jorhenguarhini ambe enga no mítepiringa”.

Biblia, úrasïndi komu ejemplu maiordomueri ánchikuarhitani para xarhatani máru ambe enga Tata Diosïri kúnguarhikuarhu úkuarhijka. Por ejemplu, apostuli Pedru arhiasïndi kristianuechani paraksï úrani imani ambe enga Tata Diosï jorhendaaka paraksï “iáminduechani jarhuataani komueska ambarhati jántspiricha engaksï sési etsakujka Diosïri kóntperatani” (1 Ped. 4:10).

Ístu Jesusi úraspti komu ejemplu maiordomueri ánchikuarhitani enga uandantapka ilustrasionini enga Lukasʌ 16:1-8 jimbo jaka. Ka ístu enga profesiani uandapka enga xarhatajka ambe enga úkuarhipiringa jiáni enga ima janonguapiringa komu Rei, arhiaspti imeri chúxapatichani eska maiordomuni ma erakupiringa o jántspirini ma enga mintsinharhikueka ka jánhastiini (Mat. 24:45-47; Luk. 12:42). Kánikuachi agradesidu jarhaska enga jántspiri enga mintsinharhikueka ka jánhastiini, petaajka publikasionichani para interu parhakpini anapuecha ka úni eskachi sánderu mintsikaaka Jeobani.