1, 2. a) Eska na arhijka Efesu 6:16, ¿andichisï uétarhinchajki mintsikani Tata Diosïni enga ísï terukuntajka eska ma kuájpikuarhitarakua? b) ¿Náki kurhamarhikuechanchi mókuantaua?

¿MINTSIKASÏNCHI Tata Diosïni enga ísï terukuntajka komueska tarhatakuarhini ma kuájpikuarhitarakua? Jo (arhinta je Efesu 6:16). Ísï eska kʼéri kuájpikuarhitarakua ma na kuájchakujka sáno iámindu kuerpuni, mintsikani Jeobani, kuájchakusïndijtsïni ini parhakpiniri anapu ambe jimbo, komu ísku jándikueri, atajperakueri ambe, o máteru amberi enga no terukuntajka Tata Diosïri juramukuecha jingoni.

² Peruchi irekaxaka “últimu jurhiatikuechani jimbo” ka seguirinchi jauaka xarhatani na engachi xáni mintsikajka Jeobani (2 Tim. 3:1). Ísï jimbo, ¿nénachi uá míteni eskachi seguirixaka mintsikani Jeobani enga ísï terukuntajka eska tarhatakuarhini ma kuájpikuarhitarakuani? Ka ¿ambechi uá parachi uinhamu jupikatini jarhani kuájpikuarhitarakuani? Ju je mókuantani ini kurhamarhikuechani.

3. ¿Ambeksï úsïreni soldaduecha paraksï imecheri kuájpikuarhitarakuani kuidarini ka andi?

³ Bibliaeri jurhiatikuecha jimbo, kuájpikuarhitarakuechaksï sïkuiri táparhasïrendi. Soldaduechaksï tamakua atarhisïrendi sïkuirini para ióni marhuani ka para tiámu no iarhatsinharhini. Enga soldadu ma exepiringa eska jatsipiringa para imeri kuájpikuarhitarakuani arreglarini, jánguarhintasïrendi ísï úni ka ísï listu jarhasïrendia para ménderu nirani uarhipeni. Peru, ¿néna terukuntasïni i ambe na engachi mintsikajka Tata Diosïni?

4. ¿Andichisï jatsi para kuidarini jarhani juchari kuájpikuarhitarakuani ka nénachi uá úni?

⁴ Ísï eska ióntki anapu soldaduecha, juchajtuchi jatsiska para méntkisï kuidarini juchari kuájpikuarhitarakuani ka seguirini jarhani mintsikani Jeobani. Ka ini ambe no nema uáti úni juchantsïni  jimbo. Engachi ísï úska, méntkisïchi listu jauaka para uarhipini jimbokachi uarhipixaka noambakitiri espirituecha jingoni (Efes. 6:10-12). ¿Nénachi uá listu jarhani para orhepani uérakuani tsʼéjkukuechani? Orheta, ju je kurhakuni Tata Diosïni eskajtsïni jarhuataaka. Tátsekua, arhintani imeri Karakatani parachi ísï exekuarhini eskajtsïni ima na exejka (Ebr. 4:12). Biblia arhisïndi: “Mintsika Jeobani iámindu chíti mintsitani jingoni, ka asï mintsika chíti eratsikuani” (Prov. 3:5, 6). Míteparini ini ambe, ju je miántani ambe engachi úka arini nótki xáni ióni. Por ejemplu, engachi kʼéri uandanhiata ma jatsipka tumina jimbo, ¿miáspichi ambe engajtsïni aiachijka Jeoba ixú Ebreu 13:5? Jimini arhisïndi: “Jíkini no méni késtakuchiaka ka níjtukini méni jurajkuni jandiajku”. ¿Úspiksï i uandakuecha eskachi mintsikapiringa eskajtsïni Jeoba jarhuatapiringa? Engachi ísï úka, arhikuekasïndi eska juchari kuájpikuarhitarakua sési jarhaska enga jindeka mintsikani Tata Diosïni.

5. ¿Amberichi kuenta íntskukuarhia engachi exeska na engachi xántku mintsikajka Jeobani?

⁵ Jamberichi ísku pakaraaka engachi kuenta íntskukuarhiaka na engachi xántku mintsikajka Tata Diosïni. Uákachi niárani exeni eskachi úxapka máru ambe engachi no mítipka eskachi no sési úxapka. Por ejemplu, uákachi kuenta íntskukuarhini eskachi nóteru xáni mintsikasïnguia Tata Diosïni jimbokachi jukari uandanhiasïnga, chkuanderakua ambe jimbo ochi ísï pʼikuarherani enajkichi nóteru uáia orhepani uérani. Enga ísïka, ¿ambechi uá úni parachi seguirini jarhani mintsikani Tata Diosïni?

6. ¿Ambe ka ambe jimbo sési jarhaski uandanhiani?

⁶ No no sési jarhasti engachi uandanhiajka máru ambe jimbo, por ejemplu, engachi uéjka eskajtsïni Jeoba ka Jesusi jaiapanhintaaka (1 Kor. 7:32). Ka engachi no sési ambe niátaka, kánikuachi uandanhiasïnga parachi ménderu úni jatsini ambakiti pájperakua ma Jeoba jingoni (Sal. 38:18). Ístu sési jarhasti eskaksï temungurhiricha uékaaka sési pʼikuastani imeri acheetini o uarhiitini, ka iáminduechachi uékasïnga eska juchari familia ka ístu erachicha sési jauaka (1 Kor. 7:33; 2 Kor. 11:28).

7. Míteparini ambe enga uandajka Proverbios 29:25, ¿andichisï no jatsi para chérhini kʼuiripuni?

⁷ Peru jukari uandanhiani, uáti eskachi nóteru xáni mintsikaakia Tata Diosïni. Ma ambe engajtsïni uáka jukari uandanhiatani, jindesti eskajtsïni no kuératachiaka tʼirekua ka xukuparhakua (Mat. 6:31, 32). Ísï uandanhiani, uáti eskachi solu uékaaka jatsikuarhikuekani ka asta niárani sánderu tsitini tuminani. Enga i ambe úkuarhiska, nóteruchi xáni mintsikaakia Jeobani ka ístuchi nóteru ambakiti pájperakua ma jatsinia imani jingoni (Mar. 4:19; 1 Tim. 6:10). Ístujtsïni úpirindi kánikua uandanhiatani ambe engaksï eratsijka máteruecha juchari ambe. Inde ambe úpirindi úni eskachi nóteru chépiringuia no sési pʼikuastani Jeobani ka sánderuchi chéni na engajtsïni máteruecha arhinchajka o no sési kámani. ¿Nénachi uá kuájchakukuarhini inderi ambe? Kómarhiparini Jeobani parachi sánderu mintsikani ka balori kurhakuni parachi úni orhepani uérani (arhinta je Proverbios 29:25; Luk. 17:5).

8. ¿Ambechi jatsiski para úni enga nema chkuanderakua ambe uandaska Jeobaeri ka juchari erachicheri ambe?

⁸ Noambakiti enga jindeka “táti jemba chkuaderaricheri”, imechani úraasïndi enga imeri jájki jimbo jatsiaka paraksï chkuanderakua ambe uandani Jeobaeri ka juchari erachicheri ambe (Juanu 8:44). Por ejemplu, apostatechaksï úrasïndi Internetini, telebisioni o máteru ambe paraksï chkuanderakua ambe uandani Jeobaeri kúnguarhikueri. Íksï chkuanderakuecha ístu jindesti Noambakitiri ‘lansecha engaksï chpiririka’ (Efes. 6:16). ¿Ambechi jatsiski para  úni engajtsïni nema uénaska chkuanderakua ambe aianguni? Nóchi jatsiska para indeni ambe kurhaani. ¿Andi? Jimbokachi mintsikasïnga Jeobani ka juchari erachichani. Nóchi jatsiska para apostatecheri ambe exeni o kurhaani. Ju je no jurajkuni eska nema o ambe ma uáka parachi uékani imecha jingoni uandontskuarheni, ni sikiera para sáni ambe míteni imecheri ambe.

9. ¿Nénajtsïni uá no sési úcheni ísï pʼikuarherani enajkichi nóteru uáia orhepani uérani?

⁹ Ísï pʼikuarherani enajkichi nóteru uáia orhepani uérani uáti eskachi nóteru xáni mintsikaakia Jeobani. Ménisïjtsïni uandanhiatecha no sési pʼikuastasïndi, ísï jimbo, jatsiskachi para úni ambe ma. Jimboka ístu no sési japirindi engachi no ma ambe úska. Ambe engachi kʼóru no jatsika para úni, jindesti méntku eratsini jarhani ambe engajtsïni uandanhiatajka, engachi ísï úpiringa, niárapiringachi mirikurhini ambakiti aiatsperakuani engajtsïni Jeoba úchika (Jaŋ. 21:3, 4). Xáni no sési pʼikuarherani, uáti eskachi nóteru marhuakuakia Jeobani (Prov. 24:10). Peruchi no jatsiska para indeni ambe nitamakuarhini.

10. ¿Ambechi jorhenguarhisïni ambe enga uandapka pirenchi ma?

¹⁰ Estados Unidos anapu pirenchi ma enga uámbani kuidarijka enga kánikua pʼamenchani jaka, seguirixati mintsikani Jeobani, ju je exeni ambe enga újka para ísï úni. Karta ma axaspti Beteli de Estados Unidos, ka arhisïrendi: “Ambe engachi nitamakuarhini jaka, ménisïjtsïni niárasïndi kuatajkuni ka no sési pʼikuastani, peruchi sánderu mintsikasïnga ambe enga úkuarhiaka sánderu orhepani. Kánikua jukaparharasïnga iámindu ambe engajtsïni Jeoba íntskujka parachi seguirini mintsikani ka parachi no kuatantani. Meruchi uétarhinchaasïnga ini konsejuechani. Jarhuatasïndijtsïni parachi seguirini tekaantani ka jánguarhintani orhepani uérakuani Noambakitiri tsʼéjkukuechani”. Ambe enga i pirenchi uandajka, jorhendasïndijtsïni eskachi uáka tekaantani. ¿Néna? Engachi ísï exeaska uandanhiatechani komueska Noambakitiri tsʼéjkukuecha, mintsikaparini eskajtsïni Jeoba sési pʼikuastantaaka ka kánikua jukaparharani iámindu ambe enga xáni újka parajtsïni imeri ambe jorhendani.

11. ¿Ambechi jatsiski para kurhamarhikuarhini parachi míteni sinchi seguirixaki mintsikani Jeobani?

¹¹ ¿Exesïnchi eskachi kueratanchasïnga sánderu mintsikani Jeobani? Ju je eratsini ambe engachi úka arini últimu kutsïchani jimbo: “¿Jánguarhintaski no xáni uandanhiani ambe ma  jimbo?, ¿no uékaspi kurhaani apostatecheri chkuanderakuechani ni uandontskuarheni imecha jingoni? ka ¿jánguarhintaxaki uinhapikuarhintani parani orhepani uérani?”. Enga ísïka, arhikuekasïndi eskachi seguirixaka mintsikani Jeobani. Peruchi jatsiska para méntkisï jingontku jarhani jimboka Noambakiti ístu máteru ambe úrasïnga parajtsïni no sési úchini. Ju je exeni máru ambe.

12. ¿Ambe uá úkuarhini engachi sánderu jukaparharaska jatsikuarhikua ambe?

¹² Jatsikuarhikuekani, uáti eskachi nóteru xáni jukaparharaakia mintsikani Jeobani ka eskachi nóteru xáni marhuakuakia. Apostuli Pablu uandaspti: ‘No ma soldadu jámasïndi máteru ambe ánchikuarhini’, “sino solu úni jarhasïndi ambe enga jeiapanhintajka ima enga pʼirajka para soldadueni” (2 Tim. 2:4). Roma anapu soldaduechaksï no jurajkunhasïrendi negosiu ambe jatsini. ¿Ambe úkuarhisïreni enga soldadu ma no kumpliriuenga indeni juramukuani?

13. ¿Soldaduechaksï andisï no jatsiaueni negosiuechani?

¹³ Eranhaska je arini ejempluni. Iámindu ma grupu soldaduecheri, ma tsípaksï pásïndi paraksï sánderu sési úrani espadani, peru máechakua nómbe, iretarhu tienda ma uénaxati mítani para tʼirekua ambe íntspikuarhini. Inchatiru, soldaduechaksï uarhipetarakuarhu anapu xukuparhakuani exexati eska sési jarhaska ka espadechanksï uarhomukuaxati. Peru ima enga tienda jatsika, sánderu tʼirekua ambe prepararixati para pauandikua atarantani. Ísï pauandikua, imecheri ikiatspiti sïpataasïndi para no sési úkuani. ¿Náki soldadu sési uá imeri ánchikuarhitani ka eska imeri komandanti jaiapanhintaaka? Ka ¿náki soldadu jingonchi uékapirini jarhani? ¿Ima jingoni enga sési prepararikuarhini japka para uarhipeni o imani jingoni enga masi arhini japka imeri negosiueri ambe exeni?

14. ¿Ambechi sánderu jukaparharasïni jucha engachi Kristueri soldadueka?

¹⁴ Ísï eska ambakiti soldadu ma, juchajtuchi májkueni jánguarhintasïnga eskajtsïni jaiapanhintaaka juchari komandanticha engaksï jindeka Jeoba ka Kristu. Sánderuchi jukaparharasïnga ini ambe ka eska ambe uéjkini enga jaka Noambakitiri parhakpinirhu. Jánguarhintasïngachi sési úrani juchari tiempuni ka uinhapikuani parachi Jeobani marhuakuni  ka parachi kuidarini juchari kuájpikuarhitarakuani ka iámindu uarhipetarakuarhu anapu xukuparhakuani enga Tata Diosïrika.

15. ¿Ambe uandaspi apostuli Pablu, ka andi?

¹⁵ Jatsiskachi para méntkisï jingontku jarhani. ¿Andi? Apostuli Pablu uandaspti eska “imecha engaksï jatsikuarhikuekajka”, niáraakaksï támu pérani “jakajkukuani”, o nóteruksï mintsikania Jeobani (1 Tim. 6:9, 10, Táta Diósïri Uandakua Tata Jesukristueri Aiatsperakua). Uandakua ‘támu pérani’, arhikuekasïndi eskachi uáka nóteru mintsikania Jeobani engachi sánhani arhiska sánderu jukaparharani jatsikuarhikua ambe. Juchari mintsita úpirindi uénani tsitini mámaru ambe enga no marhuajka ka ístu enga no sési útspijka. Ísï jimbo ju je no jurajkuni eska juchari mintsita uénaka jatsikuarhikua ambe tsitini. Ju je no mirikurhini eska Noambakiti uékasïnga eskachi tsitiaka jatsikuarhikua ambe para úni eskachi nóteru xáni mintsikakia Jeobani.

16. Arhintaparini ambe enga Lukasʌ 18:18-23 arhijka, ¿náki kurhamarhikuechanchi jatsiski para eratsiantani?

¹⁶ Peru ju je eranhaskani eskachi jatsiska tumina para uánikua ambe piákuarhini. ¿No sésichi úni jaua engachi piáska ambe engachi tsitijka nájkirukachi no meru uétarhinchajka? Jamberi nómbe. Peru ju je eratsiantani arini kurhamarhikuechani: Nájkirukachi uáka piáni ambe ma, ¿jatsiskichi tiempu ka uinhapikua para úrani ka kuidarini jarhani? ¿Ístuchi úpirini kánikua pʼinderhini jatsikuarhikua ambe? Xáni pʼindeni jatsikuarhikua ambe jingoni, ¿úpirintsïni májkueni  ójkutani eska imani tumbini enga no jiókuarhipka Jesusiri pʼimarperakuani para sánderu marhuakuni Tata Diosïni? (arhinta je Lukasʌ 18:18-23). Sánderu sésisti arisku sáni irekani ka úrani juchari tiempu ka uinhapikua para úni ambe enga Jeoba uéjka.

17. ¿Ambechi no méni jatsiska para mirikurhini?

¹⁷ Nóchi méni jatsiska para mirikurhini eskachi uarhipexaka ka eskachi jatsiska para pauani pauani jingontku jarhani (Jaŋ. 12:17). Juchari erachichajtsïni no uáti páchini juchari kuájpikuarhitarakuani. Juchachisï jatsika para uinhamu jupikatini páni o kánikua mintsikani Jeobani.

18. ¿Andiksïsï ióntki anapu soldaduecha jánguarhinteni uinhamu jupikatini páni imecheri kuájpikuarhitarakuani guerrarhu?

¹⁸ Ióntki, soldadu ma kʼéri ambe exenhasïrendi enga no chénga guerrarhu. Peru kʼuratsekua máesïrendi guerrarhu jurajkuni kuájpikuarhitarakuani. Roma anapu Tácito enga istorieri ambe exenga, karaspti: “Kánikua kʼuratsekua ambespti guerrarhu jurajkuni kuájpikuarhitarakuani”. Jimboksïsï soldaduecha jánguarhintendi uinhamu jupikatini kámani.

19. ¿Ambechi jatsiski para úni parachi méntkisï mintsikani Jeobani?

¹⁹ Parachi úni méntkisï mintsikani Jeobani, jatsiskachi para no kueratani tánguarhikuecharhu ka aianguani kʼuiripuechani Tata Diosïri nombriri ambe ka imeri Reinueri (Ebr. 10:23-25). Ístu, jatsiskachi para pauani pauani arhintani Bibliani ka kómarhini Jeobani eskajtsïni jarhuataaka úni ambe engajtsïni ima jorhendajka ka ístu eskachi méntkisï úrauaka imeri konsejuechani (2 Tim. 3:16, 17). Engachi ini ambe úska, Noambakitijtsïni no uáti no sési úchini para méntkisï (Is. 54:17). Kánikua mintsikani Jeobani, kuájchakuatijtsïni. Nóchi chéparini marhuakuaka Jeobani juchari erachicha jingoni. Ka nóchi solu uáka pauani pauani orhepani uérakuani tsʼéjkukuechani, ístuchi jatsiaka kʼéri kóntperata parachi Jesusi jingonini jiáni enga ima méntku kʼamajkuaka Noambakitini ka imechani engaksï imani jingonika (Jaŋ. 17:14; 20:10).