Antede kʼamaranksïni aianguni ambe engani xáni nitamakuarhipka, arhiakaksïni andisï ueenapi marhuani tiempu kompletueri.

Uéxurhini 1942 jimbo andajpenuspka sési jásï islarhu jini Curazao. Juchiiti taati Surinam andajpenuspti, joperu Curazao mótsispti ánchikuarhini. Tsimani uéxurhini antede ji andajpenuni, itsï atakuarhispti. Ima jindeespti primeru Jeobaeri testigu Curazao anapu. a Mándani semana Biblieri ambe jorhenguarhisïreendi imeeri sinku uájpeecha jingoni, nájkirukachi no iáminduecha uékeenga ísï úni. Engani 14 jatiriipkia, juchiiti taati uandaspti eskachi Surinam mótsipiringa parachi imeeri amambani exeni, enga kánikua jatiriipkia.

Engani Surinam irekani japka, niáraspka amiguechani jatsiani engaksï tumbiipka ka engaksï tsípikua jingoni marhuakuenga Tata Diosï Jeobani. Sánititu sánderuksï kʼéraspti eskani ji ka prekursori regulariisptiksï. Kánikua tsípikua jingonksï uandantasïreendi na enga nikuauenga aianhpikuarhu. Engaksï na kʼamarengia tánguarhikuecha, tsitisïreengachi Biblieri ambe uandontskuarheni ka ménichani chúrikuechanchi ísï úsïreenga. Indeni amiguecha jimbo úspka exeni ambe engani uékeenga úni juchiiti tsípikuani jingoni: uékasïreenga Tata Diosï Jeobani marhuakuni. Ísï jimbo, itsï atakuarhispka engani 16 jatiriipkia ka engani 18 andangutapka, ueenaspka prekursori regulariini.

Engani prekursoriipka, uánikua ambe jorhenguarhiska engareni kánikua marhuacheka engani xáni ióni tiempu kompletueri marhuakia. Ambe ma engani oretku jorhenguarhika jindeesti na enga xáni jukaparhakueka jorhendaani máteru erachiichani. Engani prekursori úkuarhipka, misioneru ma enga arhinhajka Willem van Seijl kánikuarini jarhuatasti. b Imani jingoni jorhenguarhispka kúnguarhikuarhu anapu ánchikuarhiteechani uaani. Jiáni no mítespka na engani xáni uétarhinchapiringa  indeni ambe. Ma uéxurhini tátsekua, prekursori espesiali únhaspka ka ísï tátsekua jatsispka parani jarhuataani grupuechani engaksï Surinam selbarhisï japka. ¡Kánikua jukaparharasïnga imani jorhentperakuani engajtsïni erachiicha íntskupka! Desde jiáni uératini jánguarhintasïnga arhutani tiempu para jorhendaani máteruechani ísï eskaksï imeecha na ueenga.

Máteru ambe engani jorhenguarhika jindeespti eska kánikua sésiiska arisku sáni irekuarhini ka sési organisarikuarhini. Enga ueeneenga mesi, máteru prekursori espesiali ka ji, exesïreengachi ambe engachi uétarhinchapiringa máteru semana jimbo. Tátsekua, ma iretarhu nirasïreendi enga iauani japka para tʼirekuani piántani. Jatsisïrengachi para sési exeni na engachi xántku tʼirekua úrapiringa mándani jurhiatikua paraka andangupiringa ma mesi. Engachi kʼamajkupiringa ambe ma jini selbarhu, jamberijtsïni no nema úpirini jarhuatani. Arisku sáni irekani desde engani sapichuepka ka sési organisarikuarhini, méntkisïrini jarhuatasti parakani sési marhuakupiringa Tata Diosï Jeobani.

Tanimu ambe engani jorhenguarhipka jindeesti eska sánderu sésiiska jorhendaani Biblieri ambe kʼuiripuechani imeecheeri idioma jimbo. Ji kʼuiripeska arini idiomechani uandapariani holandés, inglés, papiamento ka surinamés (enga ísï mítekateeka eska sranan), enga kánikua uandanhajka Surinam. Peru selbarhu exeska eskaksï kʼuiripuecha sánderu tsitisïnga kurhaani ambakiti aianhperakuani enga ma imeecheeri idioma jimbo aianguajka. Kánikua úkua jukanchasïreenga uandani máru idiomechani, komueska saramacano enga ma jatsijka para uinhachani uandani ka ménichani iátsitakuarhu. Peruni jánguarhintaspka ka inde amberini jarhuataspti parakani úpiringa jarhuataani kʼuiripuechani paraksï jorhenguarhini Tata Diosïiri ambe.

Someni kʼuratsekua jingoni pakaraspka jimbokani no úsïreenga sési uandani. Pori ejemplu, ma xanhari kurhamarhispka uarhiitini ma enga Biblieri ambe jorhenguarhini japka, enga saramacano uandeenga, na pʼikuarheraxapia jimboka pʼamearhani jámaxapka. Peru ambe engani meru kurhamarhipka jindeespti sini embarasada jarhaspi. Ka inde ambe no sáni tsitispti ima. Nájkirukani no ueenga sési uandani méntkisï jánguarhintaspka imeecheeri idioma uandani.

Uéxurhini 1970 jimbo, niáraspka sirkuitueri orhejtsïkutiini. Indeni uéxurhini jimbo jatsispka parani uánikua grupuechani exeraani arhijtsïkperatani ma enga uánikua imajeniichani kámeenga enga arhinheenga “Visitando la central mundial de los testigos de Jehová”. Parachi úni ini grupuechani pʼorhembiani, máteru erachiicha ka ji riuecharisïchi nirasïreenga barku sapichu ma jimbo. Jeneradorichi ma pásïreenga, tanki ma gasolinaeri, kerosenueri lamparaechani ka ambe engachi xáni uétarhinchapiringa parachi úni xarhataani imajeniichani. Engachi niáreengia lugari ma jimbo, jatsisïrengachi para jucha paani iámu ambe asta jima jamberi engachi xarhatapiringa programani. Ambe engani no méni mirikurhijka i biajicheeri, jindeesti na engaksï xáni agradesidu pʼikuarhereenga kʼuiripuecha indeni informasionini jimbo. Kánikua tsípini pʼikuarherasïreenga jimbokani úsïreenga jarhuataani parakaksï mítepiringa Tata Diosï Jeobani ka imeeri kúnguarhikuani enga ixú Echerirhu jaka. Ambe uéjki engani jatsipiringa parani úni no ma ambeespti imani  kóntperateechani jingoni engachi jatsijka engachi marhuakujka Tata Diosï Jeobani.

Ji mítespka eska kánikua sési jarhaspka para ma no tembuchani ka ísï úni sirkuiturhu marhuani. Joperuni uékasïreenga tembuchania. Ísï jimbo kurhakuspka Tata Diosï Jeobani eskarini jarhuatapiringa exentani nemani enga úpiringa jíndeni jingoni marhuani ka eska tsitipiringa selbarhisï jámani jimboka úkua jukaspka. Ma uéxurhini tátsekua, ueenaspka uandontskuarheni Ethel jingoni, prekursora espesiali ma enga tsitienga arisku sáni irekani. Enga sapichuepka, Ethel kánikua tsitisïreendi ísï aianhpini eska apostoli Pablu ka uékasïreendi májkueni marhuani. Tembuperaspkachi septiembri de 1971 jimbo ka iásï jamberichi seguirixaka marhuani sirkuiturhu.

Ethel desde sapichku pʼindesptia arisku sáni irekani, ísï jimbo no úkua jukanchaspti sirkuiturhu marhuani selbarhu. Pori ejemplu engachi prepararikuarhini japka para pʼorhembiani kúnguarhikuechani jini selbarhu nani enga sánderu iauanisïipka, nóchi uánikua ambe pásïreenga. Ístuchi riurhu jupasïreenga juchaari takusïni ka jimachi jikuasïreenga. Pʼindespkachia tʼireni ambe engajtsïni erachiicha íntskupiringa, komu iguaneechani, piraniechani o máteru ambe engaksï imeecha atapiringa juátarhu o kurucha ambe engaksï pʼímapiringa. Engaksï no jarheenga platuecha, platanueri chkurhi úraasïreengachi, ka engaksï no japiringa kuchara ambe, jájkiichanchi úraasïreenga. Ethel ka ji, eratsesïngachi eska i ambe engachi nitamakuarhika para úni marhuakuni Tata Diosï Jeobani, kánikuajtsïni jarhuatasti parachi májku kʼéri úkuarhintatini jarhani ísï eska sïndari ma enga tanimu sïndari jimbo tepekata jaka (Ecl. 4:12). ¡No ma ambe jingonchi mójtakupiringa ini ambe engachi nitamakuarhika!

Indeni ambe engani ueenakuarhu uandantaka, jiáni úkuarhispti engachi kʼuanhatsentani japkia jini uératini engachi iauanisï nípka aianhpini. Enga barku sapichu itsïirhu inchamepka, ménderu  jirejiresï uémentaspti. Kánikua sési engachi jucha, salbabideechani jukarhiatini japka ka engachi no uénhepka barkurhu uératini. Joperu barku uinirixapti itsï. Ísï jimbo, móndaspkachi tʼirekua riurhu parachi úni jatakuecha jingoni itsï pʼitanhatarantani barkurhu.

Nóteruchi ma ambe jatsispkia para tʼireni, ísï jimbo engachi kétsemanisï nirani japka riurhu, jámaspkachi kurucha pʼímaani. Joperuchi no ma úspka pʼímani. Ísï jimbo, kómarhispkachi Tata Diosï Jeobani eskajtsïni íntskupiringa tʼirekua para ima jurhiatikua. Meru jiáni engachi kʼamarapka kómarhini, erachi ma kurucha ma pʼímaspti ka andangutaspkachi para senarini sinko engachi jámani japka ka sésichi uiniarhantaspka.

Sinku uéxurhinchi páxapkia sirkuiturhu ka Ethel ka ji kóntperatachi ma intsïnhaspka engachi no erokuarhini japka: sapinchi ma kánguarhipiringa. Ji kánikua tsípixapka indeni jimbo joperuni no seguru jarhaspka ambe ka ambechi jatsipiringa para mójtakuni juchaari irekuarhu. Ethel ka ji iámu mintsita jingonchi uékasïreenga seguiriini marhuani tiempu kompletueri, engachi ísï úpiringa. Juchaari orheta sapi Ethniël, 1976 jimbo andajpenuspti ka tsimani uéxurhini ka terujkani tátsekua, Giovanni andajpenuspti.

Betelirini arhispti eskani seguiripiringa sirkuitueri orhejtsïkutiini jimboka Surinam kánikua uétarhixapka. Engaksï juchaari uájpeecha útasï sapiipka, imani sirkuituecharhu ánchikuarhisïreenga engaksï no xáni uánikua kúnguarhikuecha japka. Ísï úsïreenga ma kutsï jimbo tsimani semana sirkuitueri marhuani ka máteru tsimani semana kúnguarhikuarhu marhuani komueska prekursori. Ethel ka sapiichajtsïni pámbetasïreendi pʼorhembiani imani kúnguarhikuechani engaksï no iauani japka juchiniu uératini. Peru engani kʼéri tánguarhikuechani jatsiauenga o engani jatsienga para selbarhu nirani, jandiajku nirasïreenga.

Parani andajkuarhini úni iámindu ambe engani jatsipka para úni, jatsispka para sési organisarikuarhini. Méntkisï jánguarhintaspka familieri jorhenguarhikuani jatsini mándani semana. Engani selbarhu nireenga pʼorhembiani kúnguarhikuechani, Ethel jatsisïreendi familieri jorhenguarhikuani sapiichani jingoni. Jánguarhintasïreengachi úni ambe ma, iámu familia jingoni. Ístuchi exesïreenga kánchi úpirini sáni tsípikuarhini sapiichani jingoni, komu chʼanani o parachi kʼumanchikuarhu no iauanisï nirani. Someni, chúrikua jamberi pakarasïreenga prepararikuarhini parani úni iámindu Tata Diosïiri ánchikuarhiteechani uaani. Ka Ethel ambakiti uarhiiti máesti, ísï eska Proverbios 31:15  na arhijka. Xarhentku jauarasïreendi parakachi úpiringa mándani jurhiatikueri karakatani arhintani ka májku kʼérichi almorsarini ante deksï sapiicha eskuelarhu nirani. Kánikua agradesidu pʼikuarherasïnga uarhiitini ma jatsini enga kánikua jánguarhintajka ka engareni méntkisï jarhuatajka parani úni Tata Diosïiri ánchikuarhiteechani uaani.

Ethel ka ji jánguarhintaspkachi jorhendaani juchaari sapiichani paraksï xénchani Jeobani ka tsitinksï aianhpini. Uékasïreengachi eskaksï erakupiringa marhuani tiempu kompletueri peru no jimbokachi jucha ísï arhiapiringa, sino jimbokaksï imeecha ísï erakupiringa. Méntkisïchi arhiasïreenga na enga sési pʼikuarherakuarhijka marhuani tiempu kompletueri. Nájkirukachi aianguenga ambe engachi úkua jukancheenga, jánguarhintasïreengachi eskaksï exepiringa na engajtsïni Tata Diosï Jeoba jarhuatapka ka újchakurani iámu familiani. Ístuchi jánguarhintaspka paraksï imani erachiicha jingoni kúnguarhini engaksï sési marhuakuni japiringa Tata Diosï Jeobani.

Diosmaiamu Tata Diosï Jeobani, nóchi méni uétarhinchaspka ambe ma. Méntkisï jánguarhintaspka imani ambe úni enga taati ma jatsika para úni. Ambe engani nitamanchapka jiáni engani selbarhu irekapka, engani solteruepka ka engani marhuani japka komueska prekursori espesiali, jorhendastireni jingontku jarhani imani ambe jingoni enga úpiringa úkuarhini ka sési úrani sentabuni. Peru ménichani nóchi úsïreenga iámu ambe jatsini nájkirukachi kánikua jánguarhinteenga. Seguru jarhaska eskajtsïni Jeoba jarhuataspka jiánisï engachi indeni ambe nitamakuarhinchapka. Pori ejemplu, 1986 a 1992 guerra ma úkuarhispti Surinam. Ísï jimbo, ménichani kánikuachi úkua jukanchasïreenga imani ambe jatsini enga ma sánderu uétarhinchajka. Peru Jeoba méntkisïjtsïni kuájchakuspti (Mat. 6:32).

Tata Diosï Jeoba úsïndi eskachi sési pʼikuarheraaka ka eskachi tsípikua jingoni irekaaka; nójtsïni méni jurajkuxati. Juchaari uájpeecha kʼéri kóntperata máesti para jucha ka sésichi pʼikuarherasïnga jimbokachi jorhendaaska xénchani Tata Diosï Jeobani. Ístuchi, tsípini pʼikuarherasïnga exeni eskaksï uékaska tiempu kompletueri marhuani. Ethniël ka Giovanni nirastiksï eskueleecharhu para sánderu jorhenguarhini Biblieri ambe ka iásïksï Surinam anapu Betelirhu marhuaxati témbeecha jingoni.

Ethel ka ji jatiriiskachia, joperu seguiriixakachi marhuakuni Tata Diosï Jeobani komu prekursori espesialiicha. Ka jimbokachi kánikua úkua ambe jatsisïnga, útasï nótkini jorhenguarhixaka xarhiani. Joperuni méntku no mójtakupiringa ambe engani irekaka. Engani miántajka ambe engani irekapka jiáni engani tumbiipka, iámindu juchiiti mintsita jingoni úsïnga uandani eskani erakuska úni imani ambe enga sánderu sési jaka: ánchikuarhikuni Tata Diosï Jeobani tiempu kompletueri.