¿ÚKUA jukanchasïntsï jandiajku jorhenguarhini mándani semana? ¿Kuatantasïntsï? Uánikuechachi ísï pʼikuarherasïnga, jimboka jarhaska uánikua ambe engajtsïni ójkutajka. Ka uétarhisïndi eskachi jánguarhintaaka ka ístu eskachi arhutaaka tiempu, ísï eskachi na arhutajka parachi jikuani ¡A no eskachi kánikua sési pʼikuarherasïnga engachi ísï újka! Ka Bibliani jorhenguarhini májkueniisti jimbokajtsïni kánikua sési pʼikuastantasïnga. Biblia uandasïni eska ísï pímbinhasïska komueska itsï jingoni juparhintani ambe ma (Éfes. 5:26). ju je exeni máru ambe engajtsïni jarhuataka:

• Ju je jatsikukuarhini jurhiatikua ma engachi uaaka jorhenguarhini. Para kristianu ma, ambe enga sánderu jukaparhakueka jindeesti jandiajku jorhenguarhini Biblieri ambe (Filip. 1:10). Parajtsï no mirikurhini káni ka na jatintsi jatsiski para jorhenguarhini, andijtsïsï no karajki sïrandarhu ma, engaksïni jarhuataka miátantani ka jimajtsï peerani engajtsï uaaka sóntku exéni o jamberijtsï uaaka alarma jatsikuni chaari telefonu jimbo sánisï antesi engajtsï jatsika para ueenania jorhenguarhini Biblieri ambe.

• Imani ambe ú je engaksïni jarhuataaka jorhenguarhini jandiajku Biblieri ambe. Máruksï tsitisïndi ióni jorhenguarhini ka máteruechaksï tsitisïndi sánderu sáninhani jorhenguarhini ¿chánksïni néna sánderu marhuachesïni? Eratsenta je ini ambe, engajtsï na jatsikukuarhini jauakia jurhiatikua ma parajtsï jandiajku jorhenguarhini ka enga na niáraakia ima jurhiatikua engajtsï jatsikukuarhika ka nójtsï sáni jorhenguarhinchani jarhani, andijtsïsï no jánguarhintajki 10 minutu ma jorhenguarhini. Jamberi uaati ísï xarharani enájki sanititu tiempu, joperu sánderu sési jarhasti jorhenguarhini sanitu ambe ka eska no ma ambe, o jamberi engajtsï na ueenaakia sánderujtsï jamberi jorhenguarhinchaaka (Filip. 2:13).

• T’uini erakia je ambe engajtsï jorhenguarhiaka. Engajtsï no ísï uaaka ka niárania ima jurhiatikua parajtsï jorhenguarhini, ísku jatintsi ambendurhini jauaka chaari tiempuni (Éfes. 5:16). ¿Andiksïsï no újki lista ma imani artikulucheeri ka temeecheeri engajtsï tsitipiringa jorhenguarhiani? Ka engaksï jorhenguarhiani jauakia ka ambe ma nójtsï míteni, kara je ka engajtsï jorhenguarhini jauakia uaakaksï lista ma úni paraksï sánderu ambe jirinhantani ima ambeeri ka ísïjtsï no mirikurhiaka.

• Mójtaku je máru ambe. Ambe enga sánderu jukaparhakueka jindeeti eskaksï jorhenguarhiaka Biblieri ambe mándani semana. Ísï jimbo uétarhisïndi eskaksï exea na jatini uaa jorhenguarhini, na jandora, na xáni ióni ka ambeksï uaa jorhenguarhini.

Engaksï chá méntkisï jánguarhintaska jorhenguarhini ambe enga Biblia uandajka, kánikuaksïni marhuacheati jimbokaksï sánderu andarhieraaka Tata Diosï Jeobani, ambakiti ambejtsï erakuaka úni ka sánderuksï uinhapikuarhintaaka (Jos. 1:8).