¿Uékasïntsï eskaksïni sánderu marhuacheaka ambe engajtsï jorhenguarhiaka? Ari ambeksïni jarhuataati parakajtsï sánderu marhuataaka ambe engajtsï jorhenguarhiaka:

• Exe je nani engajtsï sési p’ikuarherajka para jorhenguarhini. Uaakajtsï jima nirani nani enga iámu ambe sési jauaka ka enga erajkukuarhiaka. Ístujtsï úpiringa mesani ma úrani o eskritorio ma, ojtsï úpiringa uérakua ísï jorhenguarhini nani enga sáni tarhiani jarhajka.

• Jima niára je nani engajtsï uaaka jandiajku jarhani. “Xarhentku, enga nótki erandeni japka”, Jesúsi niraspti kómarhini Tata Diosïni “jimeesïsï niraspti enga pínandipka” (Mar. 1:35). Engajtsï no uaaka jandiajku jarhani, arhia je chaari familiarhu anapuechani eskajtsï uékapiringa jandiajku jarhani parajtsï Biblieri ambe jorhenguarhini.

• Asï jurajku je eskaksïni ambe ma ójkutaaka. Engajtsï tabletani o selulari ma úrajka parajtsï Biblieri ambe jorhenguarhini, jima jatsiku je paraka no kúskaaka enga mensaji ma niáraaka o jima jaiasku je enga arhijka modo avion. Ka engajtsï miántaska eskaksï jatsiska para ambe ma úni, kara je nani parajtsï no mirikurhini ka tátsekuaksï úni imani ambe. Ka engajtsï mási uaaka máteru ambe eratseni jarhani, uaakajtsï jurajkuni ma ratu parajtsï sáni xanharani o antsikuarhintani.