Portali, templurhu jamukuteni jarhaspti, ka jimeesïsïksï inchasïreendi Pímbinhasï Kuarturhu. ¿Na xáni kʼéspi? Ante de 2023 jimbo, Traducción del Nuevo Mundo arhisïreendi 2 Crónicas 3:4 jimbo: “Portali enga orhepanisï jukapka májkueni kóskaspti eska kʼumanchikua: 20 kodu ka 120 iótaspti”. Ístuksï máru traduksionicha uandasïndi eska portali “120 kodu” kʼéspka. Jiájkani inde ambe arhikuekasïndi eska torre máespka enga 53 metru (175 pies) iótapka.

Joperu 2023 jimbo, i karakata mójtakunhasti Bibliarhu Traducción del Nuevo Mundo útusï jimbo ka iásï arhisïndia: “Iótaspti 20 kodu” enga 9 metrisïika (30 pies). a ¿Joperu andisï mójtakunha? Ju je exeni máru ambe.

Karakata 1 Reyes no uandasïndi na enga xáni iótapka portali. Pori ejemplu, 1 Reyes 6:3 jimbo Jeremíasi uandaspti na enga xáni kóskapka ka ióskani joperu no uandasïndi na enga xáni iótapka. Tátsekua máteru kapitulu jimbo, uandasïndi ambe enga xáni japka templurhu, komu nani engaksï tiámu tsïteranteenga, tsimani pilari kobriiri engaksï portalirhu orhepani japka, diesi karrituecha ka tsimani postiicha kobriiri engaksï portalirhu orhepani japka (1 Rey. 7:15-37). Enga portali meru jukari 50 metru iótapka, jamberi sánderu erakuarhiendi eska templu. Jiájkani, ¿andisï Jeremíasi no jatsikupi na enga xáni iótapka? Ka ístu, 100 uéxurhini tátsekua, máru judiuecha engaksï istorieri ambe mítepka, karasptiksï eska portali no xáni iótaspka eska Salomóniiri templu.

Máru kʼuiripuecha engaksï sési mítekuka íri ambe nóksï jakajkusïndi eskaksï templurhu anapu parediicha úpiringa pʼínguni portalini enga 120 kodu iótapka. Ióntki anapu torreechaksï kánikua iótasïreendi, tsakapu ka tabiki jingoni únhasïreendiksï, komueska Ejiptu anapu templueri puerteecha, kétsekuaksï kánikua kóskasïreendi o taiapini ka sánhani arhisïreendiksï tsʼirimbini. Joperu Salomóniiri templu no ísï úkata jarhaspti. Máru kʼuiripuecha engaksï sési mítekuka íri ambe, ísïksï exesïreendi eskaksï parediicha 2.7 metru (9 pies) taiapispka. Theodor Busink enga mítekuka ióntki anapu arkitekturaeri ambe uandaspti: “Seguni eska na xáni taiapipka portalirhu anapu paredi, portalichaksï no úpirindi 120 kodu iótani”.

Jamberiksï no úpti sési kopiarini 2 Crónicas 3:4. Nájkiruka ini bersikulurhu máru ióntki anapu karakateechaksï arhijka “120”, ka máteru karakateecharhu engaksï mintsinharhikueka komueska Códice alejandrino enga jukari 1,500 uéxurhinikia enga karanhaka ka Códice ambrosiano enga ístu jukari 1,400 uéxurhinikia enga karanhaka, uandasïndiksï “20 kodu”. ¿Andiksïsï no úpi sési kopiarini? Uandakuecha para karani sieni ka kodu sáno májkuenksï karakuarhisïndi ebreu jimbo. Ísï jimbo, ima kʼuiripu enga kopiarini japka, jamberi jatsikupti “sientu beinte” enbesi de “beinte kodu”.

Nájkiruka sési jaka jánguarhintani sési kurhanguni na enga úkata japka Salomóniiri templu, ambe enga sánderu jukaparhakueka jindeesti míteni ambe enga arhikuekeenga ima templu: Tata Diosï Jeobaeri kʼéri templu. ¡Kánikuachi sési pʼikuarherasïnga enga iámindu imeeri marhuariichani pʼímarhiaka paraksï kómarhini imeeri templurhu! (Ebr. 9:11-14; Apok. 3:12; 7:9-17).