1, 2. ¿Na jásï jenchekua uandaspi profeta Ageo eska úkuarhini japiringa ini jurhiatikuecha jimbo?

 MÁRU kʼuiripuecha engaksï tsípiti pakarapka jiáni enga Nepal uinhamu jenchepka 2015 jimbo, ari ambeksï uandaspti: “Sóntkuksï xerekuarhentaspti tiendecha ka ióntki anapu kʼérati kʼumanchikuecha”. “Kʼuiripuechaksï kánikua chéxapti [...]. Uánikuechaksï uandaspti eska tsimani minutujkusï jenchepka, joperu para ji, ióni jenchespti”. Engachi jucha nitamakuarhipiringa indeni xáni no sési jásï ambe. Jamberichi no méni úpiringa mirikurhini.

² Joperu, iásï úkuarhixati ambe ma enga ísïika komueska jencheni jarhani ka enga uaratantani jaka iápurisï. Tata Diosï Jeoba iámu iretechani uarataaxati ka iónistia enga ísï úka. Ari ambe uandaspti Ageo: I ambeesti enga “uandajka Tata Diosï Jeoba enga orhekupaajka ejersituechani: ‘Ménderu —no ióni jimbo— uarataaka auandani, echerini, marini ka echeri kʼarhirini’” (Ageo 2:6).

3. ¿Andisï no májkuenii uarataantani iretechani enga Ageo uandapka ka jenchekua ma?

³ Enga Ageo uandajka eskaksï uaratanhaaka iámu iretecha, arhikuekasïndi eska ambakiti ambe jauaka ka no ísï eska enga jenchejka ka enga iámindu ambe xerentajka. Tata Diosï Jeoba mismu uandaspti: “Uaratauaka iámindu iretechani ka jukaparhakua ambe enga iámu iretecharhu jaka inchaati ini kʼumanchikuarhu ka ji uaaka eska kánikua kʼéri ambeuaka” (Ageo 2:7). ¿Ambe arhikuekasïreni i profesia para imeecha engaksï Ageoeri jurhiatikuecha jimbo irekapka? ¿Ka ambe arhikuekasïni para jucha ini jurhiatikuecha jimbo? Ini ambechi mókuntaaka ini jorhenguarhikua jimbo, ka exeakachi nénachi uaa jarhuajpeni uarataani iámu iretechani.

4. ¿Andisï Tata Diosï Jeoba axapi profeta Ageoni imeeri ireta jingoni?

⁴ Tata Diosï Jeoba kʼéri ánchikuarhita ma íntskuspti profeta Ageoni. Ju je exeni andi. Jamberi Ageo kʼuanhatsentapti imani  kʼuiripuecha jingoni engaksï Babilonia uératini nintapka Jerusaléni uéxurhini 537 ante de Jesúsi. Ísï tátsekua engaksï na niántapkia Jesuraléni, ima ambakiti Tata Diosïri marhuarichaksï no ióndaspti jatsiantani templurhu anapu pítsekuechani (Esd. 3:8, 10). Joperuksï ueenaspti no sési kánhani, chkétakuarhisptiksï ka jurajkusptiksï ánchikuarhitani (Esd. 4:4; Ageo 1:1, 2). Ísï jimbo, uéxurhini 520 jimbo, Tata Diosï Jeoba arhisti Ageoni eska uinhaperaantapiringa ka eskaksï tsípikua jingoni kʼamarapiringa templuni (Esd. 6:14, 15). *

5. ¿Andisï úpi uinhaperantani Tata Diosïri iretani ambe enga Ageo arhiapka?

⁵ Ima ambe enga Ageo arhiapiringa judiuechani, jindeespti parakaksï sánderu mintsikapiringa Tata Diosï Jeobani. Balori jingoni arhiaspti imeechani engaksï chkétakuarhitini japka: “Uinhapikuarhintsï je iáminduecha engajtsï xáni ini iretani jimbo irekani jaka —ísï uandasïndi Tata Diosï Jeoba—, ka ánchikuarhi je. Jimbokani ji chánksïni jingoni jarhaska —ísï uandasïndi Tata Diosï Jeoba enga orhekupaajka ejersituechani—” (Ageo 2:4). Uandakuecha “Tata Diosï Jeoba enga orhekupaajka ejersituechani” kánikua uinhaperaantapti. Engaksï imeecha uékapiringa kʼamarani templuni, jatsisptiksï para mintsikani Tata Diosï Jeobani enga kʼéri ejersituni ma jatsika ánjelicheri.

6. ¿Ambe úpirini úkuarhini engaksï iretecha uaratanhantapiringa ísï eska Ageo na uandapka?

⁶ Tata Diosï Jeoba arhispti Ageoni eska arhiapiringa judiuechani eska ima uarataantapiringa iretechani pori ísï arhini. I ambe úspti eska imeecha engaksï jurajkupka ánchikuarhita para templuni úntani, seguruksï japiringa eska Tata Diosï Jeoba uaratantapiringa Persiani, enga imani jurhiatikuecha jimbo uánikua iretechani juramukuani japka. ¿Ambe úkuarhipirini enga ísï uaratanhapiringa? Tata Diosïri ireta kʼamarapirindi templuni úntani. Ka máteru ambe, asta imeecha engaksï no judiuepka, niárapirindiksï májku kʼéri kómarhini Tata Diosïni jimbanhi templurhu judiuecha jingoni. Seguru eska kánikua uinhaperantapka Tata Diosïri iretani ambe enga Ageo arhiapka (Zac. 8:9).

7. ¿Náki ánchikuarhita jimbochi jarhuajpexaki ini jurhiatikuecha jimbo?

⁷ ¿Ambe arhikuekasïni profesia Ageoeri para jucha ini jurhiatikuecha jimbo? Ménderu Tata Diosï Jeoba uarataaxati iámindu iretechani, joperu iásï juchachi jarhuajpexaka. Eratsi je ini ambe: uéxurhini 1914 jimbo, Tata Diosï Jeoba juramuti ústi tata Jesukristuni auandarhu anapu Reinurhu (Sal. 2:6). Joperu i ambe no jindeespti ambakiti ambe para i parhakpini anapu juramuticha. Jimboka arhikuekasïreenga eskaksï “tiempuecha engaksï no Israeli anapuecha juramukua” jatsipka, kumplirikuarhiskia, ka iásï juramuti ma japirindia enga Tata Diosï Jeoba peerapiringa (Luk. 21:24). Ísï jimbo, Tata Diosïri ireta aianguxati kʼuiripuni ka sánderu 1919 uératini, eska Tata Diosïri Reinujkusï uaaka ambakiti erokuarhikua ma íntskuani kʼuiripuechani. I ánchikuarhita enga jindeeka para aianhpini “ambakiti aianhperakuani Tata Diosïri Juramukuerini” uaratastia iámu parhakpinini (Mat. 24:14).

8. Eska na uandajka Salmo 2:1-3, ¿náksï exesïni sáno iámindu nasionicha aianhperakuani?

⁸ ¿Náksï exesïni kʼuiripuecha ini aianhperakuani? Sáno iáminduechaksï no jiókuarhisïndi (arhinta je Salmo 2:1-3). Nasionichaksï kánikua ikiaxati. Nóksï jiókuarhisïndi juramutini enga Tata Diosï Jeoba erakuka. Ka nóksï jakajkusïndi eska ambakiti ambeeska ambe engachi aianhpijka Tata Diosïri Reinueri ambe. Asta máru juramutichaksï nóteru jurajpistia eska aianhpinhaaka. Ka nájkirukaksï máru  juramuticha uandajka eskaksï marhuakusïnga Tata Diosïni, nóksï uékasïndi jurajkuni imeecheri juramukuani. Májkueni eska Jesúsiri jurhiatikuecha jimbo, iásïjtuksï no jiókuarhisïndi Tata Diosï Jeobaeri Erakukatani ka no sésiksï kaasïndi ambakiti Tata Diosïri marhuarichani (Uku. 4:25-28).

9. ¿Ambe úsïni Tata Diosï Jeoba enga exejka eskaksï sáno iámindu kʼuiripuecha no jiókuarhisïnga aianhperakuani?

⁹ ¿Ambe úsïni Tata Diosï Jeoba enga exejka eskaksï sáno iámindu kʼuiripuecha no jiókuarhisïnga aianhperakuani? Salmo 2:10-12 uandasïndi: “Ísï jimbo, reicha, jánhastii je; ka chá juesicha jurajkukuarhi je parajtsï jurhimberanhantani. Marhuaku je Tata Diosï Jeobani kánikua janhanharhikua jingoni ka tsípikua jingoni chénharhi je. Janhanharhi je Uájpani, engajtsï no ísï úska, Tata Diosï ikiauati ka chájtsï xanharu jimbo uarhiaka, jimboka ima no ióndasïnga ikiani. ¡Tsípisïndiksï imeecha engaksï imani nirajka andarhierani paraksï kuájchakukuarhini!”. Tata Diosï Jeoba sési kámpisïndi, ísï jimbosï jurajkuni jati ma tiempu parakaksï kʼuiripuecha, mójtakukuarhiaka ka parakaksï jiókuarhiaka imeeri Juramukuani. Joperu tiempu kʼamaraxatia. “Últimu jurhiatikuechani” jimbochi irekaxakaia (2 Tim. 3:1; Is. 61:2). Kánikua jukaparhakuesti eskaksï kʼuiripuecha míteaka jurhimbikuani ka eskaksï erakuaka Tata Diosï Jeoba jingoni úkuarhini.

10. Eska na arhijka Ageo 2:7-9, ¿ambeksï ambakiti ambe úsïni máru kʼuiripuecha engaksï iretecha uaratanhani jaka?

¹⁰ Profesia enga Ageo uandapka eskaksï iretecha uaratanhapiringa, úsïndi eskaksï máru kʼuiripuecha sési ambe uaaka. Ima uandaspti eska “jukaparhakua ambe [kʼuiripuecha engaksï ambakiti mintsita jataka] enga iámu iretecharhu jaka” juuakaksï paraksï marhuakuni Tata Diosï Jeobani (arhinta je Ageo 2:7-9). * Isaíasi ka Miqueasi, ístuksï uandaspti eska i ambe úkuarhipiringa “últimu juarhiatikuchani jimbo” (Is. 2:2-4, nota; Miq. 4:1, 2, nota).

11. ¿Ambe úspi erachi ma enga niárapka kurhaani Reinueri ambe?

¹¹ Ju je exeni ambe enga úpka erachi Keni  jiáni enga kurhaapka ini xáni ambakiti aianhperakuani ka enga iásï Estados Unidos anapu Betelirhu marhuani jakaia. Nitamastia 40 uéxurhini enga primeru xanhari kurhaapka Reinueri ambe, joperu erachi ísï miásïndi enajki apenasi uitsindekuepi. Ima uandantasïndi: “Engani primeru xanhari kurhaapka jurhimbikueri ambe Tata Diosïri Karakateri, kánikua tsípispka engani mítepka eskachi últimu jurhiatikuecha jimbo irekaxakaia i parhakpiniri. Kurhanguspka eska parakarini Tata Diosï jaiapanhentapiringa ka parani úni irekani para méntkisï, jatsispka parani jurajkuni parhakpini anapu ambe enga no sáni mintsinharhikueka ka mátirkuni erakuni Tata Diosï Jeoba jingoni kuenta úkuarhintani. Kómarhispka ka jirejiresï ísï úspka, jurajkuspka parhakpini anapu ambe ka Tata Diosïri Reinurhu kuájchakukuarhispka enga no újka uaratanhani”.

12. ¿Néna niáraski kʼéri ambeeni Tata Diosï Jeobaeri templu ini últimu jurhiatikuecha jimbo?

¹² Xarharasïndi eska Tata Diosï Jeoba újchakuraxaka imeeri iretani. Ini últimu jurhiatikuechani jimbo, exexakachi eskaksï iásï sánderu uániskia kʼuiripuecha engaksï kómarhini jaka Tata Diosïni. Uéxurhini 1914 jimbo, namunituespkachi, iásïchi jukari ocho miioniskia ka mándani uéxurhini sánderuksï tánguarhisïndi juchantsïni jingoni para miántani tata Jesukristueri Uarhikuani. Ísï jimbo, “jukaparhakua ambe enga iámu iretecharhu jaka”, uinistiksïa Tata Diosï Jeobaeri templurhu ekuaru, enga jindeeka iámu ambe enga ima xáni úka parachi úni ísï kómarhini eska ima na jaiapanhentajka. Engaksï i kʼuiripuecha mójtakukuarhintajka ka niáranksï ísï jámani ka eratseni eska Tata Diosï na jaiapanhentajka kʼéri ambeksï arhisïndi Tata Diosï Jeobani (Efes. 4:22-24).

13. I ambe jingoni enga úkuarhini jaka, ¿náki máteru profesiechaksï kumplirikuarhixaki? (Exe je imajenini enga ueenakuarhu jaka i rebisteri).

¹³ I ambe enga úkuarhini jaka xarhatasïndi eskaksï ístu úkuarhixaka máteru profesiecha, komueska Isaías kapitulu 60. Bersikulu 22 uandasïndi: “Ima engaksï namunitueka niáraatiksï mili úkuarhini ka ima enga no jukaparhakua ambeeka, niáraati uíuinhasï ireta máeni. Jí, Jeoba, uaaka eska sóntku ísï úkuarhiaka, jiáni enga tiempueuaka”. I xáni uánikua kʼuiripuecha engaksï inchani jaka Tata Diosïri iretarhu, “jukaparhakua ambe”, uánikua ambeksï jorhenasti úni ka tsípikua jingonksï uékasïndi jarhuajpeni para aianhpini “ambakiti aianhperakuani” Tata “Diosïri  Juramukueri” ambe ka i ambe kánikua ambakiti ambeesti. Ka Tata Diosïri ireta, úrasïndi ambe engaksï ícha jorhenaka. Isaíasi uandaspti eska inde ambe ísïiska eska “iretecheri lechi” (Is. 60:5, 16). I kʼuiripuecheri jarhuajperata jimbo, aianhpinhaxanhati 240 paisicha ka territoriuecha jimbo ka jukari 1,000 idiomecha jimboksï únhaxati publikasionicha.

14. ¿Ambeksï jatsiski para erakuni úni kʼuiripuecha iásï?

¹⁴ Iásï enga kʼamarani jakaia i tiempu, ka engaksï iámu iretecha uaratanhani jaka, úxati eskaksï kʼuiripuecha erakuaka sinksï apoiariua Tata Diosïri Reinuni oksï parhakpini anapu juramutichani mintsinharhiaua. Nájkirukaksï Jeobaeri marhuaricha ísï újka eskaksï paisiri anapu juramukuecha na uandajka jima engaksï irekaka, nóksï jámasïndi politikarhisï inchamukuni (Rom. 13:1-7). Mítestiksï eska Tata Diosïri Juramukuajkusï uaaka eskaksï kʼuiripuecha nóteru ambe ma jimbo uandanhiauakia ka i Juramukua no i parhakpini anapuesti (Juanu 18:36, 37).

15. ¿Néna uandasïni libru Jaŋaskuecha eskaksï tsʼéjkunhaaka Tata Diosïri marhuaricha?

¹⁵ Librurhu, Jaŋaskuecha jimbo, uandasïndi eska ini últimu jurhiatikuecha jimbo Tata Diosïri ireta tsʼéjkunhapiringa para xarhatani na xáni uékasïni kurhajchani imani. I ambe arhikuekasïndi eskachi seguirini jauaka kánikua no sési kánhaaka. Juramutichaksï uékaati eskachi kʼéri ambe arhiauaka ka no sésiksï káuati imeechani engaksï no uékaaka ísï úni (Jaŋ. 13:12, 15). Ístuksï uékaati iámindu kʼuiripuechani, “kʼérati ka sapirhaticha, ka ístu rikuecha ka pobricha ka patronicha ka jántspiricha”, jatsikuani mínda ma “imeecheri jájki jurhijkandani [...] jimbo o tsʼérukuarhu” (Jaŋ. 13:16). Ióntki, jántspirichaksï mínda ma jatsikunhasïreendi paraksï xarhatani né jindeespi imeecheri patroni. Májkueni, ini jurhiatikuecha jimbo, kʼuiripuechaksï mínda ma jukaxati jájkirhu o tsʼérukuarhu. I ambe arhikuekasïndi eskaksï iámindu kʼuiripuecha jatsiska para xarhatani imeecheri jángua ka eratsekua jingoni eskaksï i parhakpini anapu juramuticheriska ka eskaksï apoiariuasïnga.

16. ¿Andisï xáni jukaparhakue eskachi eratsetini jauaka no méni jurajkuni Tata Diosï Jeobani?

¹⁶ Ka juchaia, ¿ambechi uaa? ¿Jukaachi indeni míndani ka i parhakpini anapu juramuticha jingoni úkuarhini? Imeecha engaksï no jiókuarhiaka indeni míndani, no sésiksï nitamakuarhiati ka peligrurhuksï jauati. Librurhu Jaŋaskuecha jimbo, ístu seguirisïndi uandani eska no nema “uaaka piáni ka ni íntspikuarhini” enga no jukaaka míndani (Jaŋ. 13:17). Joperu Tata Diosïri marhuarichaksï mítesti ambe enga Tata Diosï úkuauaka imeechani engaksï indeni míndani jukarini jauaka (Jaŋ. 14:9, 10). Jiájkani, enbesi deksï indeni míndani jukani, ísïisti enajkiksï arini ambe karajkurhatini japirini: “Tata Diosï Jeobaeriska” (Is. 44:5). Iásïisti parachi eratsetini jarhani eskachi no méni jurajkuaka Tata Diosï Jeobani. Engachi ísï úska, ima kánikua tsípikua jingoni uandaati eskachi imeeriska.

17. ¿Andisï tekaantani jaki Tata Diosï Jeoba?

¹⁷ Tata Diosï Jeoba kánikua tekaantaxati ini últimu jurhiatikuecha jimbo. Ima no uékasïndi eska nema kʼamajkunhaaka (2 Ped. 3:9). Tiempu íntskuaxati kʼuiripuecha paraksï móantani ka paraksï erakuni imani marhuakuni. Joperu ima no méntkisï tekaantani jauati. Imeecha engaksï no uékaaka Tata Diosïri Reinuni apoiarini, májkuenksï úkuarhinchaati eska faraoni enga Moisésiri jurhiatikuechani jimbo irekapka. Tata Diosï Jeoba arhispti: “Jíkeni úpiringa juchiiti jájki jingoni ióntki kastigarini ka ístu chiiti iretani kʼéri pʼamenchakua ma jingoni ka tʼuri nóteru japiringia echerirhu. Joperu arini ambe jimbojkukinisï tsípiti jurajkuka:  parakeni exerani juchiiti uinhapikuani ka paraka juchiiti nombri mítenhaaka iámu parhakpinirhu” (Éx. 9:15, 16). Ka últimu, iámindu iretechaksï jatsiati para míteni eska Jeobajkusï jindeeka Tata Diosï enga jurhimbitika (Ezeq. 38:23). ¿Néna úkuarhia i ambe?

18. a) Eska na uandajka Ageo 2:6, 20-22, ¿máteru na jásï uaratakua jaua? b) ¿Nénachi míteski eska ísï úkuarhiaka sánderu orhepani ambe enga Ageo uandapka?

¹⁸ Ísï ióni jimbo enga Ageo na uarhipkia, apostoli Pablu xarhataspti, Tata Diosïri jarhuajperata jimbo, eska ambe enga uandajka Ageo 2:6, 20-22, sánderu orhepani úkuarhipiringa (arhinta je). Pablu karaspti: “Joperu iásïjtsïni aiangusïndi uandaparini: ‘Ma uéltaterkuni jencheraaka no solu parhakpinini, sino ístu asta auandani jamberi’. Ka ini uandakua jimbo enga uandajka: ‘ma uéltaterku’, xarhatachesïndijtsïni eska mójtakuaka [o kʼamajkuni] iámindu indeni enga újka manatanhani ka indeni ambe enga kueraakateka, para eska solu inde ambe pakaraaka enga no újka manatanhani” (Ebr. 12:26, 27). I ambe enga uaratanhaka, no májkuenisti eska ima enga Ageo 2:7 jimbo uandajka, sánderu sési, arhikuekasïndi eskaksï kʼamajkunhaaka para méntkisï imeecha engaksï ísïika eska faraoni, engaksï no jiókuarhijka eska Tata Diosï Jeobajkusï sésikua jatsika para juramuni.

19. ¿Ambesï no uaratanhaa, ka nénachi míteski i ambe?

¹⁹ ¿Ambesï no uaratanhaa o kʼamajkunhani? Pablu seguirispti uandani: “Jimajkani iásï engachi niárakia indeni juramukuarhu enga no újka mójtakunhani [o uaratanhani], ju je méntku jauenani diosmaiamukua arhini Diosïni para eskachi jaiapanhetarantaaka ka únchi marhuakuani, chérhiparini [o chénharhiparini] ka janhanharhiparini” (Ebr. 12:28). Ísï jimbo, enga na últimu uaratanhaakia iámindu ambe, Tata Diosïri Juramukuajkusï pakaraati enga méntku no ma ambe uaaka manatani (Sal. 110:5, 6; Dan. 2:44).

20. ¿Ambe xáni jukaparhakua ambeksï jatsiski para erakuni kʼuiripuecha, ka nénachi uaa jarhuataani?

²⁰ Nóteru tiempu jarhastia. Kʼuiripuechaksï jatsisti para erakukuarhini, ¿seguiriuaksï apoiarini ini parhakpinini ka kʼamajkunhanksï?, ¿oksï mójtakurhia paraksï ísï irekani eska Tata Diosï na uéjka ka tátsekuaksï intsïnhani tsípikua para méntkisï? (Ebr. 12:25). Engachi aianhpijka, jarhuataasïngachi kʼuiripuechani paraksï ini xáni jukaparhakua ambe erakuni úni. Ísï jimbo, ju je seguirini jarhuataani imeechani engaksï jukaparhakua ambeeka parakaksï Tata Diosïri Reinuni apoiariuaka. Ka ju je no mirikurhini tata Jesukristueri uandakuechani: “I ambakiti aianhperakua [Tata] Diosïri Juramukueri, ainhpinhaati iápuru parhakpinirhu paraka iápuru anapu kʼuiripuecha mítetinksï jauaka, ka jimajkani kʼamaraati i tiempu” (Mat. 24:14).