¡TSÍNHARHI! Núm. 2, 2018 | 12 ambe enga uétarhijka paraka familia ma sési irekaaka
12 ambe enga uétarhijka paraka familia ma sési irekaaka
Iásï uánikua familiechaksï xerekuarhexati, peru ¿andiksïsï máru seguiriini jaki májku kʼéri jarhani? ¿Ambe jarhuataasïni?
Estados Unidos, uéxurhini 1990 ka 2015 jimbo ísï, ima kʼuiripuecha engaksï jukari 50 jatiriika, tsimani xanhariksï sánderu diborsiarikuarhisti ka imeecha engaksï jukari 65 jatirikia tanimu xanhari sánderu.
Máru kʼuiripuecha engaksï familiecheeri ambe exejka, uandasïndiksï eska uétarhisïnga iámu ambe jimbo sési arhiani sapiicha, joperu máteruechaksï uandasïndi eska uétarhisïnga xukaani ka ataani. Taatiichaksï nóteru mítestia ambe úni.
Engaksï tumbiicha na kʼérajkia, nóksï mítesïndi ambe úni paraksï úni orhepani uérani.
Joperu i ambe uaati méntku ménderueni:
Temungurhiri ma uaati tsípikua jingoni irekani ka para méntkisï.
Taatiichaksï uaati jorhenguarhini uékperakua jingoni jorhendaani uájpeechani.
Tumbiichaksï uaati responsabliini engaksï na kʼéraakia.
¿Ambe jarhuataaxaki familiechani paraksï sési irekani? I rebista ¡Tsínharhi! arhiatiksïni 12 ambe paraka familia ma sési irekaaka.
1. Kompromisu
Tanimu konsejuecha paraka temungurhiri ma no jurajperaaka.
2. Jarhuajperani
¿Temungurhiri máeskijtsï o solu tsimani kʼuiripuecha engaksï májku kʼéri irekani jaka?
3. Janhanharperani
¿Náki uandakuecha ka úkuecha xarhatasïni eska chaari uarhiiti o acheeti ísï pʼikuarherasïnga eskajtsï janhanharhisïnga?
4. Puátsperantani
¿Ambeksïni uaa jarhuatani parajtsï no imani ambejku exeni jarhani enga chaari uarhiiti o acheeti no sési újka ambe ma?
5. Uandontskuarheni sapiicha jingoni
Tanimu ambe engaksïni jarhuataaka sánderu andarhierani chaari sapiichani.
6. Jurhimberantaani sapiichani
¿No sésijtsï pʼikuastaua chaari sapiichani engajtsï jurhimberantaaska?
7. Ambakiti jánguechani jorhendaani
¿Ambe ambakiti ambejtsï jatsipirini para jorhendaani chaari sapiichani?
8. Ambakiti ejemplu íntspini
Taatiicha engajtsï uéjka eskaksïni chaari sapiicha kurhajchaaka, jorhendaa je ejemplu jingoni.
9. Míteni neeskiri tʼu
¿Nénaksï uaa tumbiicha kuájpini ambe engaksï jakajkujka?
10. Mintsinharhikueni
Úni eskaksïni chiiti taatiicha mintsinharhiaka, kánikua jukaparhakuesti chiiti irekuarhu.
11. Ánchikuarhiriini
Tsitini ánchikuarhini engari tumbiijka, jarhuataatikeni parari imani ambe úni engari uékani jaka.
12. Jatsikukuarhiani meteechani
Engari niáraska úni ambe engari eratsetini jaka, niáraakari sánderu mintsinharhikuarhini, sánderu sési pájperani máteruecha jingoni ka sánderuri sési irekaaka.
Máteru ambe enga jarhuatauaka familiechani
Biblieri konsejuechaksïni uaati jarhuatani parajtsï sési irekani chaari familia jingoni.
