Temungurhiriicha engaksï jarhuajperajka, ísïisïndiksï eska kopilotu ka pilotu ma engaksï tsimarhani ma lugari jimbo uékajka niárani. Imani ambeksï eratsesïndi ambe enga tsimarhani marhuakuauaka, asta jiáni jamberi enga problema ambe jarhajka.

BIBLIERI KARAKATA: “Nóteruksï tsimaniuatia sino solu máechakua kuerpu” (Mateu 19:6).

“Temungurhiriichaksï jatsisti para jarhuajperani paraksï úni sési irekani” (Christopher).

Engaksï temungurhiriicha no jarhuajperaska, jiáni engaksï uandanhiateechani jatsiauaka, imeechaksï mismu ueenaati arhirperani enbesi deksï sési peentani problemani ka tátsekua inde problema uaati sánderu kʼéni.

“Para temungurhiriicha jukaparhakuesti jarhuajperani. Engachi juchiiti acheeti jingoni no jarhuajperapiringa, ísïipiringachi eska tsimani kʼuiripuecha engaksï márku irekani jaka, peru engaksï no újka pakatperani néna úni imani ambe enga jukaparhakueka” (Alexandra).

EXE JE NA ENGAJTSÏ JÁSÏIKA

• ¿Eratsesïntsï eska sentabu engajtsï andajka chárijkueska?

• Parajtsï sési pʼikuarherani, ¿uétarhinchasïntsï eska chaari uarhiiti o acheeti no jauaka?

• ¿Nójtsï pájperasïni chaari uarhiitiiri o acheetiiri parienticha jingoni nájkirukaksï imeecha sési pájperajka?

IIRI AMBE UANDONTSKUARHI JE TEMUNGURHIRI

• ¿Ambe ka ambechi úsïni sési úni temungurhiri?

• ¿Ambechi úpirini sánderu sési úni?

• ¿Ambechi uaa úni parachi sánderu sési ánchikuarhini?

KONSEJUECHA

• Eranhaska je eska temungurhirikua ísïiska eska chʼanakua ma engaksï tsimani ekipuecha jarhajka. ¿Ambejtsï úpirini úni parajtsï tsimarhani májku ekipurhu jarhani ka no táchani?

• Enbesi dejtsï eratseni jarhani nénajtsï uaa chá andani, eratsi je nénajtsï uaa tsimarhani andani.

“No arhiati né enga rasoni jatsiaka. Ambe enga jukaparhakueka, jindeesti eska temungurhiri sési pájperaaka ka eskaksï márku jauaka” (Ethan).

BIBLIERI KARAKATA: “No solu pendienti páni para chájkumindu sési uérani, sino ístu pendienti páni para máteruecha” (Filipusʌ 2:3, 4).