Kʼuiripu kaxumbitiichaksï janhanharpesïndi. Nóksï kʼéri ambe exekuarhisïndi niksï erokuarhini eskaksï sánderu sési kánhaaka. Sánderu sési, kánikuaksï pendienti jarhasïndi máteruecha jimbo ka listuksï jarhasïndi paraksï máteruecheri ambe jorhenguarhini.

Máruksï eratsisïndi eska engachi kaxumbitiuaka, chémsïsïngachi, peru nómbe, sánderu sési, kaxumbikuajtsïni jarhuatasïndi parachi exekuarhini ambe engachi no sési ambe újka ka eskachi no uáka iámindu ambe úni.

• Uáti eska chári sapi sánderu amiguechani jatsiauaka. Libru La epidemia del narcisismo uandasïndi eska sáno méntkisï “kʼuiripu kaxumbiti sánderu uandontskuarhisïnga máteruecha jingoni” ka eska “sánderu fásili úsïnga sési pájperani iáminduecha jingoni”.

• Uáti eska chári sapini sési nikuaka sánderu orhepani. Enga chári sapi jorhenguarhiaka kaxumbitiini, sánderu fásiliuati exentani ánchikuarhita enga kʼériuakia. Doktori Leonard Sax, karaspti: “Enga sapi jukari kʼéri ambe exekuarhiaka ka no kuenta íntskukuarhini ambe enga no újka úni, no niáraati sési exenhani jiáni enga ánchikuarhita kurhajkuarhini jauaka. Peru ima enga meru xarhatajka eska jukaparharasïnga ambe enga arhini jauaka kʼuiripu enga entrebistarini jauaka para ánchikuarhini, jamberi sánderu segurueati eska intsïnhaaka”. *

Jarhuataa je paraksï no xáni kʼéri ambe exekuarhini

BIBLIAERI KARAKATA: “Ima enga ísï exekuarhijka eska kʼéri ambe jindeeni no ma ambe jindeeparini, kʼarhakuarhisïnga jandiajkumindu” (Galasia 6:3).

• Asï úraa je uandakuechani engaksï no ísïka. “Iámindu ambe engari uéjka úni niáraati ísï úkuarhini”. “Uákari úni iámindu ambe engari uéjka”. I járhati uandakuechaksï uáti ísï xarharani eskaksï ambakitiska, peru sáno méntkisï no niárasïndi úkuarhini. Engaksï chári sapiicha imani ambe erakuaka úni engaksï uáka kumplirini ka jánguarhintanksï inde ambe úni, jamberi sánderu sési nikuauati sánderu orhepani.

• Sési ambe arhia je meru ambe ma jimbo. Arhini chári sapini eska no nema ísïska eska ima, no jarhuatasïndi paraka kaxumbitiuaka. Jánguarhinta je arhini meru ambesï meru sési úni jaki.

• Asï xáni jurajku je paraksï chári sapiicha úrani redesi sosiali ambe. Sáno méntkisï, kʼuiripuechaksï úrasïndi redesi sosiali ambe paraksï uandani na engaksï xáni jorhenaka ambe ma ka  na engaksï xáni kʼéri ambe úkia, peru inde ambe méntku no jindesti kaxumbikua xarhatani.

• Jorhendaa je chári sapiichani jirejiresï tekantskua kurhajkuarhini. Enga chári sapi no sési ambe uáka, jarhuata je kurhanguni eska no sési úska.

Jorhendaa je paraksï agradeserini ambe ma

BIBLIAERI KARAKATA: ‘Méntku jauena je diosmaiamukua arhijpini’ (Kolosasi 3:15).

• Kueraakata jimbo. Sapiichaksï jatsisti para jukaparharani kueraakata ambe ka exeni eskachi uétarhinchasïnga ini ambe parachi tsípiti jarhani. Por ejemplu, sini tarhiata, itsï o tʼirekua ambe uarhipiringachi. I jarhati ejempluecha jingoni, uákajtsï eskaksï kánikua jukaparharaaka na enga xáni sési úkata jaka kueraakata ambe.

• Kʼuiripuecheri ambarhati úkuecha jimbo. Jarhuata je chári sapini para no ikiani máteruecha jingoni nomasi jimbokaksï sánderu sési úsïnga ambe ma, enbesi de no sési exeni, eska jorhenguarhiaka imecheri ambe.

• Jorhendaa je néna grasiasi íntspintani. Jorhendaa je chári sapiichani diosmaiamukua íntspintani no solu obligasioni jimbo sino mintsita jingoni. Diosmaiamukua íntspintani, jarhuajpesïndi parachi kaxumbitiini.

Jorhendaa je eska jukaparhakueska jarhuajpini

BIBLIAERI KARAKATA: Kaxumbiti je ka jánguarhi je “sánderu kʼéri ambe exeani máruteruechani ka eska chájkumindu, ka no solu pendienti páni para chájkumindu sési uérani, sino ístu pendienti páni para máruteruecha” (Filipusʌ 2:3, 4).

• Kurhakua je chári sapiichani paraksï jarhuajpini kʼumanchikuarhu. No jurajkuni eska chári sapi uáka ambe ma kʼumanchikuarhu, ísïsti komu arhini: “Tʼuri jukari kʼéri ambeeska parari ini ambe úni jarhani”. Uétarhisïndi orheta kʼumanchikuarhu jarhuajpini ka tátsekua chʼanani ambe. Exera je na enga xáni marhuakuajka máteruechani ka na engaksï xáni jukaparharaaka ka janhanharhini enga ima uáka imeri partini.

• Exeraa je eska kʼéri kóntperata máeska marhuakuani máteruechani. Uandanhiani máteruechani jimbo kánikua jarhuatasïndi chári sapini para jánhaskatini. Ísï jimbo, májku kʼéri exe je ne uétarhinchasïni jarhuajperata ka néna úpirini chári sapi jarhuatani. Enga uáka ambe ma máteruecha jimbo, sési jásï ambe arhi je ka eska ísï seguiriuaka.