Sapiichaksï uétarhinchasïndi eskaksï kʼératicha jarhuatauaka ka konseju íntsaani, ka tátichaksï jindesti engaksï jatsika para i ambe úni, imecheri ánchikuarhitesti. Peru máteru kʼuiripu kʼératichajtuksï uáti kánikua jarhuataani sapiichani.

Uánikua paisicha jimbo, uátsïcha ka tumbiichaksï ma ratitku jarhasïndi kʼératicha jingoni. Eratsi je arini ambe:

• Sapiichaksï ma jurhiatikua jimbo sánderu ióni eskuela jarhasïndi, nani engaksï sánderu estudianticha jaka ka eska maestruecha o kʼuiripu kʼératicha.

• Engaksï níntajkia eskuela uéntatini, no nema jarhasïndi kʼumanchikuarhu jimbokaksï imecheri táticha ánchikuarhini jarhasïnga.

• Informi ma uandasïndi eska jini Estados Unidos, sapiicha engaksï 8 ka 12 ísï jatirika, niárasïnga seisi ora ísï úrani ma jurhiatikua telebisioni exeni, kústakua kurhaani ka bideujuegu ambe chʼanani. *

Libru Hold On to Your Kids (Aférrese a sus hijos) uandasïndi: “Tumbiichaksï nóteru uékasïndia ísïni eskaksï imecheri táticha, maestruecha o máteru ambakiti kʼuiripuecha ni konseju ambe kurhakuani, iásïksï niárasïndi andarheraani [...] máteru tumbiichani engaksï májkueni jatirika”.

Arhuta je tiempu para chári sapiicha jingoni jarhani

BIBLIAERI KARAKATA: “Jorhenda sapini náki jindeski ambakiti xanharu; nájkiruka jatiriuakia no jurajkuati indeni xanharuni” (Proverbios 22:6).

Normalisti eskaksï sapiicha imecheri táticheri jarhuajperata jirinhaaka. Asta kʼuiripu jorhenatichaksï uandasïndi eskaksï tumbiicha sánderu uékasïnga eskaksï imecheri táticha íntsauaka konseju enbesi de máteru tumbiicha. Maestru Laurence Steinberg enga Psicología ambe ánchikuarhijka, ari ambe uandasïndi imeri librurhu You and Your Adolescent (Su hijo adolescente y usted): “Ima tiempu engaksï sapichuejka ka primeru uéxurhinicha engaksï niárajka kʼératinia, tátichaksï seguirini jarhasïndi jindeni imecha engaksï sánderu jarhuataajka imecheri sapiichani ambe engaksï uáka ka na engaksï jámaaka”. Seguirisïndi uandani: “Chári tumbi sapichu jukaparharasïndi ambe engajtsï cha eratsijka, nájkiruka no méntkisï jiókuarhiaka, ka kurhaasïndi ambe engajtsï uandaaka, nájkiruka no jaiapanhintaaka iámindu ambe”.

 Enga normalika eska chári sapiicha jiókuarhiaka chári jarhuajperata, jarhuataa je xáni eskajtsï na xáni uáka. Imecha jingoni ja je. Arhia je ambe engajtsï pʼikuarherajka ka eratsini, ambejtsï sánderu jukaparharasïni ka ambe engajtsï xáni jorhenguarhikia.

Kurhakua je jarhuajperata kʼératichani engaksï ambakitika

BIBLIAERI KARAKATA: “Ima enga mímixetichani jingoni jámani jaka, mímixeti úkuarhiati” (Proverbios 13:20).

¿Jarhaskiksï máteru kʼuiripu kʼératicha engaksï ambakiti ejemplu máeuaka para chári sapi? ¿Ambejtsï úpirini úni para chári sapi imecha jingoni kúnguarhini? I ambe no arhikuekasïndi eska máteru nema kuidariuaka chári sapini. Peru jatsini jarhuajperata kʼératicheri engaksï mintsinharhikueka, engaksï no méni no sési ambe úkuaka chári sapini, ístuksïni uáti jarhuatani sési kʼuiriperani. Biblia uandasïndi eska tumbi ma enga Timoteu arhinhenga, kánikua marhuakuspka apostuli Pablu jingoni kúnguarhini asta enga kʼéripkia ka eska ístu Pabluni marhuakuspka imani jingoni kúnguarhini (Filipusʌ 2:20, 22).

Iásï, uánikua familiecha nóteruksï márku jarhastia jimbokaksï tatitecha, tíuecha o máteru parienticha máteru nani ísï irekaxakaia. Enga i ambe úkuarhika chári familiarhu, jánguarhinta je parakaksï chári sapiicha uáka jorhenguarhini kʼuiripu kʼératicheri ambakiti jánguechani, ima ambe enga cha tsitijka eskaksï chári sapiicha jatsiauaka.