Biblia arhisïndi eska ima kʼuiripu enga ‘espiritualika’, o enga jánguarhintajka sési pájperani Tata Diosïni jingoni, jukaparharasïnga ambe enga eratsijka ima ka méntkisï úni ambe enga ima uékajka. Peru ima kʼuiripu enga no jukaparharajka Tata Diosïri jarhuajperata, imeri eratsikuani mintsikasïndi ka imani ambe úni enga ima uéjka (Judasʌ 18, 19, TNM; Efesu 5:1). Uánikua ambe jimbojtsïni marhuachesïndi engachi jurajkujka eskajtsïni Tata Diosï jarhuataaka.

BIBLIAERI KARATAKA: “Engari chketakuarhiska jiáni engari no sési nitamani jauaka, nóri xáni uinhapiti jauaka” (Proverbios 24:10).

AMBE ARHIKUEKASÏNI. Engachi chketakuarhijka, i ambe úsïndi eskachi no uinhapiti jauaka parachi orhepani uérakuani uandanhiatechani. Peru engachi erokuarhikua ma jatsijka, niárasïngachi exeni eskaksï sáno iámindu juchari uandanhiatecha ma ratitkuesïnga ka eska asta niárasïnga ambakiti ambe jarhani enga na nitamajkia no sési jásï ambe.

AMBEJTSÏ UÁ ÚNI. Jánguarhi je eranhaskani eska sánderu orhepani puru ambakiti ambe úkuarhiaka. Enbesi de uandanhiani jarhani imani ambe jimbo enga úpiringa úkuarhini o erokuarhini jarhani astaka niáraaka ambakiti jurhiatikua ma para ambe ma úni, uéna je ánchikuarhini imani ambe jimbo. Ísïsti, méntkisï úkuarhisïndi ambe ma engachi no erokuarhini jarhajka (Eclesiastés 9:11). Peru sáno méntkisï, ambe ma sési kʼamarukusïndi ka no ísï eskachi na eranhaskani jarhajka. Biblia ejemplu ma úrasïndi kʼuiripueri ma enga echerini ánchitajka, arhisïndi: “Tsípa jatsinta chíti semiiani ka eskaksï chíti jájkicha no ísku jauaka asta inchatirhu jamberi; jimbokari no míteska náki niáraa sési tsikini, i o ima, o sinksï tsimarhani uá tsikini” (Eclesiastés 11:6).

BIBLIAERI KARATAKA: ‘Tata Diosïri karakata jurhimbikuesti’ (Salmo 119:160).

AMBE ARHIKUEKASÏNI. Biblia mókuantasïndi imani kurhamarhikuechani engachi sáno iáminduecha úkuarhiajka. Por ejemplu ari járhati kurhamarhikuechani:

• ¿Nanichi uératini jurhaski?

• ¿Andichisï xáni kómu nitamajki?

• ¿Ambechi úkuarhinchasïni engachi uarhijka?

• ¿Ambe úkuarhia sánderu orhepani?

Uánikua kʼuiripuecha interu parhakpini anapu, exestiksïa ambe enga uandajka Biblia i kurhamarhikuecheri ka máteruecheri ka iásïksï sánderu sési irekaxatia.

AMBEJTSÏ UÁ ÚNI. Pʼímarhisïngaksïni parajtsï cha mismu exeni ambe enga Biblia jorhentpijka. Kurhaku je Jeobaeri testiguni ma paraksïni jarhuani kurhanguni. Ístujtsï uáka exeni juchari pájinani jw.org o nirani juchari tánguarhikuecharhu. Nóksïni ma tumina kurhachiati inchani jámani ka ni engajtsï incharini jauakia.

JIÓKUARHINI ESKACHI UÉTARHINCHASÏNGA TATA DIOSÏNI

“Tsípisïndiksï ima engaksï míteka eskaksï uétarhinchasïnga jorhenguarhini Tata Diosïri ambe” (MATEU 5:3, TNM).

SÁNDERU SÉSI MÍTENI IMANI TATA DIOSÏNI ENGA BIBLIA UANDAJKA

“Andarhera je Diosïni, ka imajtuksïni andarheraati chánksïni” (SANTIAGU 4:8).

ARHINTANI BIBLIANI KA ERATSINTANI AMBE ENGA ARHIJKA

“Kánikua tsípikuarhisïndi Jeobaeri * leini jimbo, ka chúrikua ka jurhiakua eratsintaparini arhintasïndi imeri leini. [...] Ka iámindu ambe enga uáka sési uérakuati” (SALMO 1:2, 3).