1 ¿Tata Diosï úsïni eskachi kómu nitamakuarhiaka?
¿Andisï jukaparhakue míteni?
Uánikua kʼuiripu nóteru jiókuarhisïndia Tata Diosïni jimbokaksï eratsesïnga eska imasï újka eskachi kómu nitamakuarhiaka.
Eratsi je arini ambe
Uékaparini o nómbe, uánikua relijioniri orhejtsïkutichaksï niárastia jorhentpini eska Tata Diosïsï újka eskachi kómu nitamakuarhiaka. Por ejemplu, máruksï uandasïndi...
-
... eska Tata Diosïri kastigu máeska enga no sési jánhaskuarhijka.
-
... eskaksï sapiicha uarhisïnga jimboka Tata Diosï máteru ánjeli sapirhatichani uétarhinchani jarhasïnga auandarhu.
-
... eska Tata Diosï jarhuajpisïnga guerrecharhu enga xáni no sési jánhaskuarhijka.
Joperu ¿engaksï relijioniri orhejtsïkuticha chkuanderakua ambe jorhentpikia Tata Diosïri ambe? ¿Ka enga Tata Diosï no jaiapanhintajka ambe engaksï uandajka?
PARAJTSÏ SÁNDERU MÍTENI
Exe je pájinarhu jw.org bideuni ¿Andisï uétarhijki jorhenguarhini Bibliaeri ambe?
Ambe enga Biblia uandajka
No Tata Diosï úsïndi eskachi kómu nitamakuarhiaka
Enga Tata Diosï úpiringa eska kʼuiripu kómu nitamakuarhiaka, no terukuntapirindi imeri ambakiti úkuecha jingoni. Por ejemplu, Biblia uandasïndi:
“Jimboka iámindu imeeri xanharuecha jurhimbitiskaksï. Tata Diosï ma [...] enga no no sési ambe újka; ka enga jurhimbikueka” (DEUTERONOMIO 32:4).
“¡No uétarhisïndi ni sikiera eratseni eska Tata Diosï jurhimbiti no sési jásï ambe niátasïnga, eska ima enga Iámindu ambe újka Úni, no jurhimbikua jingoni uáka ambe ma!” (JOB 34:10).
“Tata Diosï enga iámindu ambe újka úni, nómindu úsïndi imani ambe enga no jurhimbitiika” (JOB 34:12).
Tata Diosï no jaiapanhiantasïndi relijionichani engaksï chkuanderakua ambe uandajka imeri ambe
Por ejemplu, no jaiapanhiantasïndi imani relijionichani engaksï jorhentpijka eska Tata Diosï úsïnga eskachi kómu nitamakuarhiaka ni imechani engaksï jiókuarhijka eskaksï guerrecha jauaka ka no sési kámberakua.
“Profetechaksï profesiauechani uandaaxati juchiti nombrini úraparini [Tata Diosïri] engaksï chkuanderakua ambeka. No ji axaaska, ni juramukua ni uanda ambe ma. Ambe engaksïni arhini jaka eska úkuarhiaka bisioni máesti enga no ísïka [...] ka chkuanderakuecha engaksï imecheri mintsitarhu anapueka” (JEREMÍAS 14:14).
Jesusi uandaspti eskaksï relijionirhu anapuecha máru ísku aparicheska
“No iáminduecha engajtsïni arhijka: ‘Tata, Tata’ inchaatiksï auandarhu anapu juramukuarhu, solu imecha engaksï újka eska juchiti Táti auandarhu anapu na jaiapanhintajka. Imani jurhiatikua jimbo, uánikuechajtsïni arhiati: ‘Tata, Tata, ¿nóchi uandajtsïkpiski jucha chíti nombri jimbo ka chíti nombri jimbo petarhitaantanchi Noambakitiri espirituechani, ka chíti nombri jimbo uánchi uánikua milagruechani?’. Ka jimajkani ji arhiauaka: ‘Nóksïni méni míteska. Késtakuchejtsïni je cha no sési úricha’” (MATEU 7:21-23).