“Eskaksï kʼuiripuecha míteaka eska chiiti nombri jindeeska Jeoba, eskari t’ujku jindeeska Sánderu K’éri ambe iámu parhakpinirhu” (SALMO 83:18).

Bibliajtsïni jorhendasïndi eska Jeobajku jindeeska Tata Diosï enga jurhimbitika, enga kueraaka unibersuni ka iámindu ambe enga tsípiti jaka. Ísï jimbo, imankuchisï jatsika para kómarhini (Jaŋaskuecha [Apocalipsis] 4:11).

Tata “Diosï jindeesti uékperakua” (1 JUANU 4:8).

Tata Diosï Jeoba úrasïndi Bibliani ka ambe enga ima xáni kueraaka parajtsïni xarhatacheni na enga jásïika ima. Ambe enga sánderu xarhatajka, jindeesti eska xénchpesïnga, jimboka iámu ambe enga újka uékperakua jimbo úsïnga. Engachi sánderu mítejka Tata Diosï Jeobani, sánderuchi xénchasïnga.

“Tʼuri Tata Diosï máeska enga tsitijka tekaantspintani” (NEHEMÍAS 9:17).

Tata Diosï Jeoba mítesti eskachi pekadoriska, jimbojtsïnisï tekaachintajti. Engachi jucha kurhakuska eskajtsïni puáchentaaka ka engachi jánguarhintaska no úni imani ambe enga ima no tsitijka, imajtsïni puáchentaati, ka nójtsïni kastigariauati imani ambe jimbo engachi jucha no sési újka (Salmo 103:12, 13).

“Jeoba no iauani jarhasti imeecha jingoni engaksï kómarhijka [...]; kurhaasïndi engaksï uinhachaparini jarhuajperata kurhajkuarhijka” (SALMO 145:18, 19).

Tata Diosï Jeoba no uékasïndi eskachi ísï kómarhiaka eska na pʼindenhaka o eskachi úraaka ambe ma parachi kómarhini. Ima kurhauasïndi juchaari kómarhikuechani ísï eska taati ma na kurhauajka imeeri uájpeechani.