Unibersu organisadu jarhasti. Seguni artikulu ma rebisteri Astronomy, “galaksiechaksï no nani uéjkisï jarhasti auandarhu, sinoksï ordeni jimbo jarhasti”. ¿Néna úkuarhisïni i ambe? Sientifikuechaksï jakajkusïndi eska jarhaska ambe ma enga no xarharajka ka enga ísï mítekateka komu materia oskura. Uandasïndiksï eska i ambe pʼínguaxaka uánikua galaksiechani ka eska úsïnga eskaksï ordeni jimbo jauaka.

¿Néna jimbo unibersu xáni sési organisadu jarhaski? ¿I ambe jandiajku niáraski úkuarhini? Exe je ambe enga uandapka Allan Sandage, achamasï ma enga jóskuechani estudiariauenga ka enga sánderu mítekatepka siglu benti jimbo ka enga jakajkuenga Tata Diosïni.

 Ima uandaspti: “Eratsesïnga eska i ambe no úpiringa xáni sési organisadu jarhani enga ísku jatini úkuarhipiringa. Jati ambe ma enga xáni sési organisarika”.

Unibersu sési úkata jarhasti paraka tsípikua jauaka. Eratsenta je ini ambe, enga jurhiata iatsitakuarhu tixarapiringa no úpirindi jarhani ka enga jukari tixarapiringa kʼamajpepirindia.

Peru no inde ambejkusï sési úkata jati unibersurhu. Ístu jarhasti uánikua ambe engaksï ísï mítekateka komueska unibersueri leicha ka engaksï no japiringa, no úpirindi jarhani tsípikua. Anil Ananthaswamy enga siensieri ambe karajka, uandasïndi eska “engaksï í leicha táchani járhapiringa nóksï méni úkuarhipirindi jóskuecha, planetecha ka galaksiecha ka no méni japirindi tsípikua”.

Unibersurhu jarhasti ambakiti lugari ma nani engaksï kʼuiripuecha újka irekani. Echerirhu ambakiti atmosfera ma jarhasti, na enga xáni uétarhijka itsï ka luna ma enga sésku kʼéka para jarhuatani Echerini jima jarhani nani enga jatsika para jarhani. Rebista National Geographic uandasïndi eska ‘ambe enga xáni jaka Echerirhu ka iámindu ambe enga tsípiti jaka, úsïnga eskaksï kʼuiripuecha uaaka irekani Echerirhu’. *

Seguni kʼuiripu ma enga kánikua mítekuka íri ambe, uandasïndi eska juchaari sistema solari iauani jarhaska máteru jóskuecha jingoni mismu juchaari galaksiarhu. I ambe úsïndi eska Echerirhu jauaka tsípikua. Enga Echeri terujkanikuarhu o asta últimu ísï japiringa juchaari galaksiarhu, jóskuecheri raiuechajtsïni kánikua no sési úchipirindi. Joperu Echeri imani lugari jimbo jarhasti nani enga uaaka tsípikua jarhani.

Paul Davies enga kánikua mítekuka unibersueri ambe, uandasïndi: “No úsïnga jakajkuni eska juchaari tsípikua ísku jatini úkuarhiska unibersurhu […]. Ambe ma jimbochi ixú jarhaska”. * Ísïisti eska Paul Davies no jorhentpisïnga eska Tata Diosï kueraaska unibersuni ka kʼuiripuechani. Peru, ¿chá na uandasïni? Iámindu ambe xarhatasïndi eska unibersu ka Echeri úkata jarhaska paraka tsípikua jauaka. ¿A no eska sési japiringa eratseni eska jarhaska nema enga kueraaka ini ambe?