¿Andisï nóteru xáni jakiia respetu familiarhu?
ANDISÏ XÁNI JUKAPARHAKUE RESPETU FAMILIARHU
Enga respetu jarhajka familiarhu sési pʼikuarherakuarhisïndi, acheeti, uarhiiti ka sapiichaksï seguru pʼikuarherasïndi.
-
Libru ma enga arhinhajka Siete reglas de oro para vivir en pareja arhisïndi eska engaksï temungurhiriicha respetarijperajka, xénchperakuaksïsï xarhatatsperani jarhajti “nájkiruka sapichitu ambe jingontkueuaka” (Sonia Tapia Sánchez Tradusiriisti).
-
Estudiuechaksï xarhatasïndi eska engaksï sapiicha jorhenguarhijka respetariuani máteruechani sánderuksï sési pʼikuarherasïndi, sánderuksï sési pájperasïndi taati jémbeecha jingoni ka sikolojikamenti nóksï xáni pʼamenchani.
AMBE ENGAJTSÏ UAAKA ÚNI
Uandontskuarhi je familia jingoni iiri ambe. Primeru, sési kurhangu je ambeeski respetu xarhatani. Segundu, karakata jurajku je ambe enga uaaka úni mándani familiarhu anapu, ka ístu ambe enga no sési jaka úni. Terseru, uandontskuarhi je inde temeeri ambe parakaksï iáminduecha míteaka nénaksï uaa respetu xarhatatsperani.
Ejemplu jingoni jorhendaa je. Úpiringajtsï kurhamarhikuarhini: “¿Pʼindeski juchiiniu anapuechani arhinchaani engaksï no sési ambe újka? ¿Teresmarhuasïni imani ambe jimbo engaksï uandaaka? Engareni nema uandontskuarhechini jarhajka ¿no kasu úkusïni o jámasïni jirejiresï inchajpaatani ambe ma?”. Miá je eska chásï orheta jatsika para respetariuani máteruechani.
Konseju: Jánguarhi je miáni eskajtsï chásï jatsika para xarhatakuni respetu chaari uarhiitini ka sapiichani, ka no eskaksï imasï jatsika para andakuarheni.
Xarhata respetu nájkirukari no de akuerdu jauaka. Asï jáma je uandani, “Eske tʼu méntkisï...” o “Eske tʼu no méni...”. Iini járhati uandakuechaksï uaati no sési pʼikuastani chaari familiani ka úni eska sapichitu ambe, kʼéri problema ma úkuarhiaka.
AMBE ENGACHI JEOBAERI TESTIGUECHA ÚJKA
Jeobaeri testiguechachi jorhendaasïnga familiechani eskaksï respetarijperaaka. Juchaari publikasionichaksï someni uandasïndi inde temeeri ambe, libruecharhu, foietuecharhu ka bideuecharhu, ka iáminduksï gratisiisti.
PARA TEMUNGURHIRIICHA: Exe je partini “Jarhuajperata para familiauecha” i ambe marhuakuauati acheeti ka uarhiitiichani paraksï...
-
... jorhenguarhini kurhajchperani.
-
... no jámani nóteru uandajperania.
-
... nóteru no sési arhirperania.
(Incha je pájinarhu jw.org ka kara je jima enga jindeeka para jirinhantani “Jarhuajperata para familiauecha”).
PARA TAATIICHA: Exe je partini “Jarhuajperata para familiauecha” i ambe jarhuatauati taatiichani paraksï jorhendaani imeeri sapiichani paraksï...
-
... kurhandirani.
-
... jarhuajpeni kʼumanchikuarhu.
-
... “porfabori” ka “diosmaiamukua” arhijpini.
(Incha je pájinarhu jw.org jimbo ka kara je jima enga jindeeka para jirinhantani “Sapiichani jorhendaani” o “Sapiicha engaksï adolesenteka”).
Ístu exe je apendiseni “Los padres preguntan” indeni libruni jimbo Lo que los jóvenes preguntan. Respuestas prácticas (volumen 1) (incha je pájinarhu jw.org ka kara je jima enga jindeeka para jirinhantani “Los padres preguntan”).
PARA TUMBIICHA: Partirhu para “Tumbiicha” enga jw.org jimbo jaka, jarhastiksï publikasioniicha, bideuecha ka mámaru ambe enga uaaka jarhuataani tumbiichani paraksï...
-
... sési pájperani taati ka ermanu jémbeecha jingoni.
-
... respetu jingoni uandontskuarheni taati jémbeecha jingoni ima reglecheeri engaksï jatsikukuajka.
-
... taati jémbeecha uaaka mintsinharhiani.
(Incha je pájinarhu jw.org jimbo ka kara je jima enga jindeeka para jirinhantani “Tumbiicha”).
Pájina jw.org gratisiisti. Engajtsï úraaka nójtsï ma ambe maianhpeaka, no uétarhiati apuntarikuarhini ni rejistrarikuarhini, nijtuksïni kurhachea nombri o máteru ambe.
