UÁNIKUA kʼuiripuechaksï jarhasti engaksï no úntajka nabidadini. ¿No sésiksï pʼikuarherasïni engaksï no újka íni ambe? ¿Jirinhantasïnksï ambe ma íri ambe? ¿Exesïnksï eskaksï imeeri sapiicha tsïtakuarhixaka ambakiti ambe? Ju je exeni ambeksï uandasïni máru Jeobaeri testiguecha uápuru ísï anapuecha.

Miántani Jesúsini. “Antede Jeobaeri testigueni ménichani ísï nirasïreenga tiósu. Solu nirasïreenga Nabidadi jimbo o Paskua jimbo, peru no méntkisï. Peru ni imani kʼuínchikuechani jimbo miásïreenga Jesúsini. Iásï engani nóteruni úntajkia Nabidadini, tánguarhisïnga juchiiti kúnguarhikuarhu jingoni tsimani xanharu mándani semana ka jorhendasïnga máteru kʼuiripuechani ambe enga Biblia uandajka Jesúsiiri ambe” (EVE, AUSTRALIA).

Íntspiani regaluechani. “Kánikuani sési pʼikuarherasïnga engajtsïni íntskuajka regaluechani engani erokuarhini jarhajka. ¡Kánikuani tsitisïnga regaluechani! Ístuni tsitisïnga tarjeteechani uaani o dibujuechani ka íntsaani máteruechani. Ísïksï imeechani kánikua tsípini pʼikuarherasïndi ka jíjtuni” (REUBEN, IRLANDA DEL NORTE).

Jarhuatani imeechani engaksï uétarhinchani jauaka. “Kánikuachi tsitisïnga úmantani para pʼamenchatiicha. Ístu, ménichani pásïnga postri ma, tsïtsïkichani o regalitu enga jarhuatauaka sánderu sési pʼikuarherani. Ka i jindeesti ambe ma engachi uaaka úni ambe uéjki jurhiatikua” (EMILY, AUSTRALIA).

Tánguarhini familia jingoni. “Enga familia tánguarhintajka, sési pʼikuarherasïnga ka sapiichaksï úsïndi sánderu sési míteani imeecheri tiuechani, tatiteechani ka primuechani. Ka jimbokachi no chúxapasïnga pʼindekuechani ka kʼuínchikuechani, juchaari familiarichaksï mítesti eskachi pʼorhembiasïnga jimbokachi xénchasïnga ka no jimbokachi afuersa ísï úsïnga” (WENDY, ISLAS CAIMÁN).

Úni eska pínandikua jauaka. “Nabidadicha jimbo, uánikua ambe jatsisïreenga para úni, engani jamberini no tiempu jatsienga parani pínandikueri ambe eratseni. Jorhenguarhiska ambe enga Biblia aiakuajka kʼuiripuechani ka exentaskia ambe enga meru jindeeka pínandikua. Míteska eskaksï juchiiti sapiicha sési jásï parhakpinirhu ma irekaka” (SANDRA, ESPAÑA).