Iáminduechachi erokuarhixaka eskajtsïni sési nicheaka 2023 jimbo. ¿Andichisï uaa erokuarhini eska ambakiti ambe úkuarhiaka sánderu orhepani?

 Biblia uandasïndi eska iámindu problemeecha engachi iásï jatsiaka, nóksï jindeuaka para méntkisï ka eska nóteru ióni jimbo nóteruchi jatsiauakia problemeechani. Ístu, Biblia karanhasti “parajtsïni jorhendani, para eska Diosïiri karakateechani jimbo [...] uinhapini korhokanchi ka ísï ambakiti ambe erokanchi” (Roma 15:4).

•   Parajtsï sánderu ambe jorhenguarhini ambe enga Biblia aiatspejka, arhinta je artikuluni “La esperanza real de un mañana mejor”.

 Ambe enga Biblia uandajka eska úkuarhiaka sánderu orhepani ísïisti “para juchaari almeecha [o tsípikua] komueska ma ankla” (Ebreu 6:19). Ambe engachi erokuarhini jaka jarhuatasïndijtsïni parachi úni orhepani uérakuani uandanhiateechani engachi iásï jatsiaka, parachi no xáni uandanhiani ka parachi úni tsípikua jingoni irekani. Pori ejemplu:

•   Exe je eska ambe enga Biblia uandajka eska úkuarhiaka sánderu orhepani, jarhuataspka acheetini ma enga bisiu ma kámeenga. Exe je bideuni Niáraska ikichani na engani irekaenga.

•   Exe je eska ambe enga Biblia uandajka eska úkuarhiaka sánderu orhepani, uaakajtsïni jarhuatani engachi uarhiranchaska nemani. Exe je bideuni Na enga xáni no sési pʼikuarherakuarhijka uarhiranchani nemani.

 Uánikua kʼuiripuechaksï erokuarhisïndi eska ambakiti ambe úkuarhiaka, joperuksï no seguru jarhasïndi eska niáraaka ísï úkuarhini. Peruchi uaaka mintsikani ambe enga Biblia uandajka, ¿andi? Jimboka Tata Diosï Jeobasï a aiatspeni jaka ambe enga Biblia uandajka, ka ima ʻno úsïndi chkuanderaniʼ (Titu 1:2). Tata Diosï Jeobajkusï jatsiti uinhapikua para kumplirini iámindu ambe engajtsïni aiachika. Ima “úsïndi úni iámindu ambe enga uéjka” (Salmo 135:5, 6).

 Ambe enga Biblia uandajka eska úkuarhiaka sánderu orhepani, ístuksïni uaati jarhuatani chánksïni. Uaakajtsï mintsikani ambe enga Biblia aiatspejka ʻengajtsï jirinhantaska Diosïiri Karakateecharhu parajtsï úni míteni abersieka i ambe ísïikaʼ (Ukuecha 17:11). Ísï jimbo, pʼímarhisïngaksïni parajtsï Biblieri ambe jorhenguarhini gratisi parajtsï chá mismu exeni eska ísï úkuarhiaka eska Biblia na uandajka. ¡Erokuarhisïngachi eska i uéxurhini 2023 jimbo uaakajtsï mintsikani eska ambakiti ambe úkuarhiaka sánderu orhepani!