¡MÉNTKISÏ JINGONTKU JA JE!
Kʼuiripuechaksï kánikua uandanhiaxati enga xáni atajperanhani jaka armeecha jingoni | ¿Ambe uandasïni Biblia?
Juliu de 2022 jimbo, iámu parhakpinirhu jimboksï jámaspti atajpini armeecha jingoni.
“Iámu parhakpini anapuechaksï ísku pakarasti enga nema ísï uándikuka imani enga xáni mítekatepka politikarhu ka enga ióntki jindeepka primeru ministru Japón anapu, ka sánderia jimboka Japónirhu no xáni atajperakua ambe jarhaska ka kasi nóksï jurajpisïndi para armeechani jatsiani” (10 de juliu de 2022, The Japan Times).
“Dinamarca anapuechaksï ísku pakarasti jimboka nema enga armani ma kámani japka uándikuaska tanimu kʼuiripuechani sentru komersiali ma jimbo Copenhague anapu” (4 de juliu de 2022, Reuters).
“Sudáfrica: 15 kʼuiripuechaksï uarhisti engaksï máru acheetiicha kʼuaniraapka imeecheri armeecha jingoni barirhu ma jini Soweto” (10 de juliu de 2022, The Guardian).
“Estados Unidosirhu jukari 220 kʼuiripuechaksï uarhisti jimbokaksï armeecha jingoni kʼuanirakuaspka fin de semana 4 juliueri” (5 de juliu de 2022, CBS News).
¿Uaachi mintsikani eska niáraaka kʼamakurhini ini xáni no sési jásï ambe? ¿Ambe uandasïni Biblia?
JIÁNI ENGA NÓTERU JAUAKIA ATAJPERAKUA AMBE
Biblia uandasïndi eskachi irekaxaka “últimu jurhiatikuechani jimbo” ka eskaksï iásï anapu kʼuiripuecha kurhurjaxepiringa ka no ma ambe jimboksï pʼíngukuarhini sino no sési kámpini (2 Timoteo 3:1, 3). Iámindu i xáni no sési jásï ambe enga úkuarhini jaka, úsïndi eskaksï kʼuiripuecha kánikua chéaka (Lukasʌ 21:11). Joperujtsïni Biblia aiachisïndi eska no ióni jimbo nóteru jauakia atajperakua ambe, sánderu sési, uandasïndi eska kʼuiripu ʻjima irekaaka enga pínandikua jauaka, kʼumanchikuecharhu engaksï segurueuaka ka jima engaksï agustu mintsikuarhiakaʼ (Isaías 32:18). ¿Néna niáraa nóteru jarhani atajperakua ambe?
Tata Diosï kʼamajkuauati no sési úriichani ka ístu armeechani
“Peru no sési úriichaksï kʼamajkunhaati ka traisioneruechaksï nóteru jauatia echerirhu” (Proverbios 2:22).
“[Tata Diosï] úsïndi eskaksï guerreecha kʼamakurhiaka iámu parhakpinirhu. Kuarhakusïndi arkuni ka kuarhakuni lansani; chpirirhu kurhiraasïndi karreteechani” (Salmo 46:9).
Tata Diosï jorhendauati iámindu kʼuiripuechani paraksï no uarhipeni ka ísï uaati eska nóteru jauakia atajperakua ambe
“Nóksï ma ambe útspiati, niksï no sési ambe úni iámu juchiiti pímbinhasï juátarhu; jimboka echeri meru uiniaka Tata Diosï Jeobaeri mímixekua ísï eska itsï na jaka marirhu” (Isaías 11:9).
Desde iásï, Tata Diosï jorhendaaxati iámu parhakpinirhu anapu kʼuiripuechani paraksï no jámani uarhipeni nijtu arma ambe úrani, sino parakaksï ʻimeecheeri uarhiperatarakuechani tarherakua uántauaka ka imeecheeri lanseechani uarhotatarhakua uántaaniʼ (Miqueas 4:3).
Engajtsï uéjka jorhenguarhini na enga Biblia uandajka eska niáraaka jurhiatikua engachi nóteru méni chéakia, arhinta je artikuluni “¿Es posible librarse del miedo?”.
Parajtsï sánderu míteni na enga nóteru jauakia atajperakua ambe, arhinta je artikuluni “¡Por fin paz en la Tierra!”.