¡MÉNTKISÏ JINGONTKU JA JE!
No sési jásï ambe úkuarhisïndi eskuelacharhu | ¿Ambe uandasïni Biblia?
No sési jásï ambe úkuarhisti 24 de maiu de 2022 jimbo ireta sapichu ma jimbo enga arhinhajka Uvalde, Texas, Estados Unidos. Seguni eska na uandaka rebista The New York Times, “tumbi ma uándikuasti 19 sapiichani ka tsimani maestrechani [...] eskuela primaria ma jimbo enga arhinhajka Robb”.
I no sési jásï ambe sánderu úkuarhixati. Periodiku USA Today uandasti eska solu Estados Unidos, “úkuareskaksï 249 i járhati atajperakuecha jiniani uéxurhini eskuelecha jimbo, sánderu uánikua eska desde 1970 uératini”.
¿Andisï xáni no sési jásï ambe úkuarhijki? ¿Nénachi uaa orhepani uérakuani i xáni no sési járhati úkuechani? ¿Kʼamakurhia ménisï i xáni no sési jásï ambe? Bibliajtsïni mókuchintasïndi i ambe.
¿Andisï xáni no sési jánhaskuarhini jaki?
Biblia uandasïndi eskachi irekaxaka “últimu jurhiatikuecha jimbo” nani engaksï kʼuiripuecha no ueauapiringa “imeecheri k’umanchikuarhu anapuechani ka parienti jembechani” ka “no sési kámpinksï”, i ambe arhikuekasïndi eskaksï no sési jásï ambe úpiringa. I járhati kʼuiripuecha “sánderu ka sánderu no sési jámaatiksï” (2 Timoteu 3:1-5, 13). Parajtsï sánderu míteni, arhinta je artikuluni “¿Predijo la Biblia cómo sería la gente en nuestros días?”.
Uánikuechaksï kurhamarhikuarhisïndi, “¿Andisï Tata Diosï no újki ambe ma parakaksï no ísï uándikuauaka k’uiripuechani eskuelecharhu?”. Engajtsï uéjka míteni ambe enga Biblia uandajka exe je artikuluni “¿Por qué le pasan cosas malas a la gente buena?”.
¿Nénachi uaa orhepani uérhakuani i xáni no sési jarhati ukuechani?
“Jimboka iámindu ambe enga ióntki karakata jaka, karakata jarhaska parajtsïni jorhendani, para eska Diosïiri karakateechani jimbo jucha tekaantskua jatsiaka [...] ka ísï ambakiti ambe erokanchi” (Roma 15:4).
Bibliaksïni uáti jarhuatani parajtsï orhepani uérani ini parhakpini jimbo enga xáni no sési jánhaskuarhini jaka. Parajtsï sánderu míteni exe je rebistani ¡Tsínharhi! títulu jingoni enga jindeeka ¿Acabará algún día la violencia?.
Paraksï taaticha úni míteni na engaksï uaaka aianguani íri ambe sapiichani exe je artikuluni “El efecto de las noticias en los niños”.
¿Kʼamakurhia ménisï i xáni no sési jásï ambe?
“Kuájpiauati atajperakueri ambe ka no no sési jásï ambeeri” (Salmo 72:14).
“Ka ima, uánikua ireteechani kuenta kurhakuantauati ka jurhimberantaati imani ambe enga ireta uinhapiticha úni jaka. Ka jatsiatiksï para imeecheri uarhiperatarakuechani tarherakua uántanksï ka imeecheri lansechani uarhotatarhakua uántani, ireta ma no uarhiperaati máteru ireta jingoni, niteruksï jorhenguarhiaia uarhiperani” (Miqueas 4:3).
Tata Diosï uáti ima ambe engaksï kʼuiripuecha no újka úni. Tata Diosïiri Reinu kʼamajkuauati iámindu armechani ka iámu no sési jásï ambe. Engajtsï uékaaka sánderu míteni ambe enga uaaka Tata Diosïiri Reinu, exe je artikuluni “Tata Diosïri Reinu úati eska kánikua pínandikua jauaka”.