¡MÉNTKISÏ JINGONTKU JA JE!
Kʼérati jenchekuecha engaksï uánikua ambe kʼamajkuka Turquía ka Siria | ¿Ambe uandasïni Biblia?
Lunesi 6 de febreru de 2023, no sési jenchespti Turquía ka Siria ka uánikua ambe kʼamajkuspti.
“I lunesï, jukari 3,700 kʼuiripuechaksï uarhispti jimboka no sési ma jenchespka Turquía ka noroestisï Siria. Ka ístu jimboka jukari no sési tsʼirakuarhixaka, sánderuksï no sési nitamakuarhixati imeecha engaksï atakuarhitini jaka jenchekua jimbo o engaksï tsïtaka imeecheeri kʼumanchikua. Ka jimboka xáni tsʼirakuarhixaka, ístu sánderu úkua jukasti exeantani imeechani engaksï no uarhika jenchekua jimbo” (Reuters, febrero de 2023).
Kánikuachi kómu pʼikuarherasïnga iini jásï ambe arhintani. Peru engachi ini ambe nitamakuarhinchani jarhajka, uaakachi kurhakuni Tata Diosï Jeobani eskajtsïni jarhuataaka, ima jindeesti Tata “Diosï enga uinhaperpintajka iámindu ambe jimbo” (2 Korintu 1:3). Ima úsïndi eska imeeri Karakata jimbo jucha uaaka ambakiti ambe erokani (Roma 15:4).
Bibliarhuchi jorhenguarhisïnga:
Ambe enga tʼuini uandanhapkia kʼérhati jenchekuecheeri ambe.
Nénachi uaa sési pʼikuarherantani ka erokuarhikua ma jatsini.
Ambe enga uaaka Tata Diosï paraka nóteru jauaka kómu nitamakua ambe.
Engajtsï uéjka míteni ambe uandasïni Biblia iiri ambe, arhianta je arini artikuluechani:
a Tata Diosï arhinhasïndi Jeoba (Salmo 83:18).