¡MÉNTKISÏ JINGONTKU JA JE!
Iámindu ambe sánderu jukaparhaxati interu parhakpinirhu | ¿Ambe uandasïni Biblia?
Juniu de 2022 jimbo, ima enga orhejtsïkujka ini grupuni Banco Mundial, uandaspti: “Ménderu iámindu ambe karharaxati interu parhakpinirhu”. “Májku tiempu jimbo enga sánderu jukaparhani jaka iámindu ambe, ístuksï kʼuiripuecha sánderu sánititu sentabu andasïndia”.
Fondo Monetario Internacional, uandasïndi: “Kánikua karharaxati gasolina ka ístu sánderu jukaparhaxati tʼirekua ambe, ka i ambe, imani kʼuiripuechani sánderu no sési úkuasïndi engaksï imani paisiicha jimbo irekaka engaksï sánderu pobriika”.
Bibliajtsïni jarhuataasïndi kurhanguni andichisï ini ambe nitamakuarhini jaki enga xáni úkua jukaka, nénachi uaa orhepani uérani ka náki erokuarhikuachi jatsiski enga mátirku kʼamajkuaka ini ambe.
Iámindu ambe sánderu jukaparhaxati ini “últimu jurhiatikuechani jimbo”
Na engachi irekani jaka iásï, Biblia uandasïndi eskaksï jindeeska ʻúltimu jurhiatikuechaʼ (2 Timoteo 3:1).
Jesúsi uandaspti eska “chérpikueni jásï ambe” xarharapiringa ini jurhiatikuecha jimbo (Lukasʌ 21:11). Kʼuiripuechaksï chésïndi enga iámindu ambe karharani jaka. Ístuksï uandanhiasïndi imani ambe jimbo enga úkuarhiaka sánderu orhepani ka eratsesïndiksï sinksï uaa íntsaani ambe engaksï xáni uétarhinchaaka imeecheeri familia.
Libru Apokalipsisi jimbo, karakata jarhasptia eska kánikua jukaparhapiringa tʼirekua ambe ini jurhiatikuecha jimbo. “Kurhachakuspka nemani enga uandeenga: ʻMa denariu jukaparhasti ma litru trigu ka ma denariu jukaparhasti tanimu litru sebadaʼ” (Apokalipsisi 6:6,TNM).
Parajtsï míteni sánderu ambe enga úkuarhiaka “últimu jurhiatikuechani jimbo” ka ambe enga karakata japkia libru Apokalipsisi jimbo, exe je bideuni Uéxurhini 1914 jimbo iámindu ambe mójtakurhisti parhakpinirhu ka arhinta je artikuluni “¿Qué representan los jinetes del Apocalipsis?”.
Ambe enga uaaka eskachi nóteru uandanhiauakia sentabu jimbo
“Uáuatiksï kʼumanchikuechani ka jimaksï irekaati; ka niáraatiksï ubasï jatsikuni ka akuatiksï frutani. Nóksï uaati kʼumanchikuani ka máteru nema irekani; nóksï ikaraati ka máteru nema akuni” (Isaías 65:21, 22).
“Kánikua tʼirekua jauati echerirhu; juáteecharhu karhakua kánikua tʼirekua jauati” (Salmo 72:16).
“‘Jimbokaksï xáni no sési kánhasïnga imeecha engaksï komu nitamakuarhijka, jimbokaksï kʼarhanguntasïnga imeecha engaksï pobriika, jauaraaka parani jarhuataaniʼ, ísï uandasïndi Tata Diosï Jeoba” (Salmo 12:5). a
No ióni jimbo, Tata Diosï uaati eska nóteru jauakia i ambe ka no solu ma paisi jimbojku sino interu parhakpinirhu. Parajtsï míteni néna úkuarhia i ambe, exe je artikuluni “¿Es realista esperar un sistema económico justo?”.
Peru, ístuksïni iásï Biblia uaati jarhuatani parajtsï úni orhepani uerani nájkiruka iámindu ambe xáni jukaparhaka. ¿Néna? Arhistachisïndijtsïni néna sési úrani sentabuni (Proverbios 23:4, 5; Eclesiastés 7:12). Parajtsï sánderu ambe jorhenguarhini, arhianta je artikuluechani “Sési úra je sentabuni” ka “Cómo vivir con menos”.
a Tata Diosïiri nombri jindeesti Jeoba (Salmo 83:18).