¡MÉNTKISÏ JINGONTKU JA JE!
Néna jatsini mintsikakua uéxurhini 2024 jimbo | ¿Ambe uandasïni Biblia?
Uéxurhini 2024 uánikua uandanhiateechani juaaxati, ka uánikua kʼuiripuechaksï eratsesïndi eska inde ambe no méni kʼamakurhiaka. Peru erokuarhikua ma jarhasti para sánderu orhepatini. ¿Nanichi uaa exentani?
Bibliajtsïni íntskusïndi erokuarhikua ma
Biblia aiatspesïndi eska Tata Diosï sési peentauaka uandanhiateechani engachi iásï jatsika ka uandasïndi ambe enga Tata Diosï no ióni jimbo uaaka kʼuiripuechani jimbo: “kutsunharhikuauati iámu uekua, ka uarhikua nóteru jauatia, nóteru nema kómu pʼikuarheraatia ka nóteru nema ueraatia nijtu no sési pʼikuarherani” (Apokalipsisi 21:4).
Engajtsï uéjka sánderu míteni imeeri ambe enga Biblia aiatspejka eska úkuarhiaka sánderu orhepatini, arhinta je artikulu “La esperanza real de un mañana mejor”.
Néna engaksïni uaaka jarhuatani iásï Biblia
Erokuarhikua enga íntspijka Biblia uaatiksïni jarhuatani parajtsï nóteru xáni no sési pʼikuarherania ka ambakiti ambe erokuarhini (Roma 15:13). Ístu, Bibliarhuksï jarhasti konsejuecha engaksïni uaaka jarhuatani uandanhiateecha jingoni engajtsï jamberi iáiasï jatsika, komu no xáni jatsikuarheni, no jurhimbikua jingoni kánhani o pʼamenchakua ma jingoni.
Exe je na enga erokuarhikua enga Biblia íntspijka jarhuatapka acheetini ma para ima felisiini ka pínandikua jatsini nájkiruka tʼarhexepka familia ma jimbo enga no kánikua jatsikuarheriipka. Exe je bideu Juan Pablo Zermeño: Jeoba ústi eskani míteaka andisïni irekani jaki.
Exe je na engaksïni Biblia uaaka jarhuatani engajtsï uarhiranchaka nemani ka ístu engajtsï no sési pʼikuarherajka o kulpabli, kómu pʼikuarherani o jukari uandanhiantsï. Arhinta je artikulu “¿Puedo encontrar consuelo en la Biblia?”.
Exe je na enga uarhiiti ma enga ejersiturhu japka ka enga uandeenga eska ima “nóteru pʼamojpesïreenga ka nijtu uandanhiani máteruecha jimbo”, úpka exentani erokuarhikua ma Bibliarhu. Exe je bideu Mójtakuaska armechani Biblia jimbo.
¿Uékapirintsï eska uéxurhini 2024 ambakiti uéxurhini máeuaka para chá ka chaari familia? Bibliaksïni uaati jarhuatani parajtsï ísï úni. Uaakajtsï exeni programa parajtsï biblieri ambe jorhenguarhini no ma maiampiparini ka exe je ambe enga Tata Diosï uaaka parajtsï “pínandikua jatsini, [...] sánderu orhepani sési irekani ka parajtsï erokuarhikua ma jatsini” (Jeremías 29:11).