Parajtsï no jandiajku p’ikuarherani jatsia je amiguechani | Bibliaksïni uaati jarhuatani
Jandiajku p’ikuarherani, niáraspti k’eri uandanhiata máeni interu parhakpinirhu ka enga uandanhiataaka kʼuiripuechani uéxurhini 2023 jimbo. ¿Kʼuiripuechaksï uaa nóteru jandiajku p’ikuarherani?
“Jandiajku p’ikuarherani ka no nema jingoni kúnguarhini úsïndi eska nema pʼamenchaaka ka no agustu jarhani. Peruchi uaaka orhepani uérakuani indeni uandanhiateechani engachi mándani pauani jánguarhintaska sánderu kúnguarhini juchaari amiguechani jingoni” (Vivek Murthy, director general de Salud Pública de Estados Unidos). a
No imeechajkuksïsï jandiajku pʼikuarherajti engaksï jandiajku jarhajka. Uaati nema jandiajku p’ikuarherani nájkiruka uánikua kʼuiripuechani jingoni jauaka. Ambe uéjki jimboeni engachi ísï p’ikuarherajka, bibliajtsïni íntsaasïndi ambakiti konsejuechani engajtsïni uaaka jarhuatani parachi nóteru jandiajku p’ikuarherani, pori ejemplu: arhisïndijtsïni nénachi uaa ambakiti amiguechani jatsiani.
Biblieri prinsipiuechaksïni uaati jarhuatani
Jorhenguarhi je uandontskuarheni. I ambe arhikuekasïndi no solu chájku uandani jarhani na engajtsï p’ikuarherajka sino ístu, jurajkuni eska máteru uandaaka. Engari sánderu pendienti paaka máteruni jimbo uaakajtsï ambakiti amigueni.
Biblieri konseju: “Méntkisï uandanhia je máteruechani jimbo ka nójtsï chaari ambe jimbojku uandanhiani” (Filipusï 2:4).
Uaa je sánderu amiguechani. Jánguarhi je mámaru járhati amiguechani jatsiani, engaksï sánderu jatiriikia ka ístu imeecheeri engaksï menusi jatiriika eska cha, uaatiksï máteru paisi jimbo anapueni o máteru jásï pʼindekuechani jatsiaka.
Biblieri konseju: “Ka ístujtsï jatsiska para sánderu uékpini” (2 Korintu 6:13).
Engaksï uéjka míteni néna sánderu uáni amiguechani jatsiani, arhinta je ini artikuluni “Cómo saciar la sed de amistad.”
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.