AMBAKITI KAMPANIA MA
Nóteru pʼamenchania | ¿Ambe uaa Tata Diosïiri Reinu?
“Nájkiruka COVID-19 nóteru xáni jakaia iáiasï, no arhikuekasïndi eska nóteru uaakia no sési útspini. [...] Jiáni enga jauaka máteru kʼéri pʼamenchakua komu pandemia ma, jatsiskachi para tʼuini listu jarhania jimboka niáraaka ísï úkuarhini” (Tedros Adhanom Ghebreyesus, director general de la Organización Mundial de la Salud, 22 de maiu de 2023).
Pʼamenchakua COVID-19 jimbo, uánikua kʼuiripuechaksï nóteru májkueni pakarastia jimboka i pʼamenchakua kánikua no sési úkuaska. Enga niáraska jarhani máteru pandemia, ¿gobiernuecha ka ospitaliichaksï tʼuini listu jauaia paraksï úni jarhuajpeni? Ka iáiasï, ¿uaaksï jarhuajpeni pʼamenchakuechani jingoni engaksï iásï jaka?
Biblia uandasïndi eska ‘Tata Diosï auandarhu anapu, gobiernu [o reinu] ma uaxastaaka’ ka i gobiernu jarhuatauati kʼuiripuechani paraksï nóteru ambe ma pʼamenchania (Daniel 2:44). Echerirhu nóteru nema uandaatia: “Pʼamenchaxaka” (Isaías 33:24). Méntku nóteru ma kʼuiripu pʼamenchaatia ka ísïksï uinhapiatia eska tumbiicha (Job 33:25).