¡MÉNTKISÏ JINGONTKU JA JE!
Kʼuiripuechaksï nóteru sáni respetu xarhatasïndi | ¿Ambe uandasïni Biblia?
Mándani pauani kʼuiripu sánderu no kʼuratsekua jingoni jámasïndi. Pasientiicha no sési uinhachakuasïndi doktoriichani; kʼuiripu enga restaurantiicharhu nirajka xukasïndi meseruechani; pasajeruechaksï no sésiksï kaasïndi imeechani engaksï abionicharhu anchikuarhijka; tumbi sapirhatiicha engaksï kánikua no sési jámajka, teresmarhuasïndi, amenasarhiasïndi ka uékasïndiksï ataani jorhentpirichani; iápurisï mítekuarhisïndi eskaksï máru politikuecha no sési ambe niátasïnga peru máteru politikuecha jánguarhintasïndi ambakiti kʼuiripu úkuarhini.
Biblia uandasïndi néna respetu xarhatakuani máteruechani. Ístu arhisïndijtsïni andisï iásï kʼuiripu méntku no ma ambe respetarhijki.
Kʼuiripuechaksï nóteru sáni respetu xarhatasïndi
Interu parhakpinirhu nóteru xarharasïndi ima ambe enga sési exekateepka, enga ambakiti jángua máepka ka enga sésipka.
Enkuestarhu enga Gallup úka Estadosi Unidosi, xarhatasïndi eska ini 22 uéxurhiniichani jimbo kʼuiripu sánderu nóteru respetu xarhatasïnga.
Ka 28 paisi jimbo enkuestaksï ma úkuaspti 32 mili kʼuiripuechani ka 65 porsientu uandaspti eska no méni exexapka kʼuiripuni xáni nóteru respetu xarhatani.
Biblia tʼuini uandasptia eska kʼuiripu ísï jámapiringa iásï.
ʻÚltimu jurhiatikuechani jimbo kánikua no sési jánhaskuarhiati. Jimbokaksï kʼuiripuecha jandiajkumindu xénchakuarhiaka, jukariksï tsitiati sentabu, arhikuarhiatiksï, sésiksï xékuarhiati, no sésiksï jámaati, méntkuksï no sáni uékaati sési ambe úniʼ (2 Timoteu 3:1-3).
Engajtsï uéjka sánderu míteni na enga úkuarini jaka i profesia, arhinta je ini artikulu “¿Predijo la Biblia cómo sería la gente en nuestros días?”
Ambe ma engajtsïni jarhuataaka respetu xarhatani ka sési jámani
Nájkiruka iámu parhakpinirhu ísï kʼuiripuechaksï sánderu nánderkueni jámajka, uánikuechaksï jorhenguarhisti ambakiti kʼuiripueni jimboka Biblia jarhuataxaka. Ambe enga jorhentpijka Biblia “mintsïnharikuesti, iásï ka para méntkisï” (Salmo 111:8). Ju je exeni máru ambakiti ejempluechani:
Textu: “ísï kaa je máteruechani eskajtsï na uékapiringa eskaksïni kámapiringa chánksïni” (Mateu 7:12).
Ambe enga arhikuekajka: Jatsiskachi para ísï kaani máteruechani eskachi na uékapiringa eskajtsïni kámapiringa juchantsïni: respetu ka uékperakua jingoni.
Textu: “Iásï engajtsï jurajkukia iámindu ambe engaksïni támisï jánhasteenga, iáminduechajtsï jatsiska para jurhimbikua ambe aianguni máteru kʼuiripuni” (Éfesu 4:25).
Ambe enga arhikuekajka: Jatsiskachi para sési jámani ka no chkuanderani.
Jimintsï uaaka sánderu ambe arhintani iiri ambe:
Aianhpiri enga arhinhajka “Libru ma engajtsïni uaaka jarhuatani imani ambe úni enga sési jaka.”
Artikulu “¿Nos ayuda la Biblia a ser tolerantes?.”