Tsípa 10 de oktubri 2022 jimbo, Rusia anapu misiliichaksï andatsieraspti máru Ucrania anapu ireteecharhu. I ambe úkuarhispti jimboka tsimani jurhiatikua antesi puentinksï ma chararaspka, enga jimbo únheenga Crimea uératini Rusia niárani. I ambe úkuarhispti sánderu sáni tátsekua engaksï politikuecha uandapka eska Armajedoni janoxapkia.

•   “Desde enga Kennedy [Estados Unidos anapu juramuti] na misilichani kʼuanirperapka Cuba anapuechani jingoni, no ísï úkuarhispti eska iásï na Armajedoni axuterku jakaia. [...] Eratsesïnga eska engaksï seguiriska úrakuarheni arma nuklearicha inde ambe uaati úni eska jauaka Armajedoni” (Joe Biden, Estados Unidos anapu presidenti, 6 de oktubri de 2022).

•   “Jíjtuni uandasïnga eska i Armajedoniiska ka eska iámu parhakpini anapu kʼuiripuecha peligrurhu jarhaska” (ísï uandaspti Volodímir Zelenski —Ucrania anapu presidenti— engaksï kurhamarhipka ambe enga úpiringa úkuarhini engaksï seguiripiringa arma nuklearichani úraani; BBC News, 8 de oktubri de 2022).

 ¿Uaa Armajedoni ueenakuarhini engaksï seguiriska úraani arma nuklearichani? ¿Ambe uandasïni Biblia?

 Nómbe. Uandakua Armajedoni ma ueltajkusï jati Bibliarhu, Jaŋaskuecha [o Apokalipsis] 16:16 jimbo. Ka no arhikuekasïndi enga ma nasioni uarhiperaaka máteru nasionini jingoni, sino sánderu sési enga Tata Diosï uarhipeaka “iápuru parhakpinirhu” anapu juramutiicha jingoni (Jaŋaskuecha 16:14). Tata Diosï uarhipeati Armajedonirhu para iámu parhakpinirhu anapu juramutiichani kʼamajkuani (Daniel 2:44).

 Parajtsï míteni ambe enga úkuarhiaka Echerini jingoni Armajedonirhu, arhinta je artikulu “¿Ambeeski Armajedoni?”.

 Nómbe. Jamberiksï juramutiicha sánderu orhepatini úraati arma nuklearichani, peru Tata Diosï no jurajkuati eska Echeri kʼamajkunhaaka. Biblia uandasïndi:

•   “Echeri méntkisï jauati” (Eclesiastés 1:4).

•   “Echeri jurhimbiticheriuati, ka jimaksï irekaati para méntkisï” (Salmo 37:29).

 Joperu, Biblieri profesiecha ka ambe enga úkuarhini jaka xarhatasïndiksï eska no ióndani iámu ambe mójtakukuarhiakia (Mateu 24:3-7; 2 Timoteo 3:1-5). Exe je ambe enga uandajka Biblia eska úkuarhiaka sánderu orhepatini jorhenguarhikua ma jingoni engachi gratisi íntspijka.