“Enga klima ísï xáni no sési mójtakurhini jaka, meru kánikua no sési úkuaxati kʼuiripuechani, ireteechani ka iápuru parhakpinirhisï. Jimboka klima mójtakurhixaka, iásï sánderu k’éri janisïndia ka inde ambe úsïndi eska iorhenhpiaka ka eskaksï kʼuiripuecha tsïtaaka kʼumanchikuani. Mariichaksï sánderu jorhepixatiia, ka nóteru ióni jimbo nóteru jauatia ambe enga xáni mariicharhu jaka” (Inger Andersen, secretaria general adjunta de las Naciones Unidas ka directora ejecutiva del Programa de las Naciones Unidas para el Medio Ambiente, 25 de juliu de 2023).

 ¿Gobiernuechaksï kúnguarhintaa paraksï ánchikuarhini ka kénditani iámindu indeni ambe enga xáni no sési úkuni jaka juchaari planetani? ¿Uaaksï ambe ma paraksï meru sési peentani ini problemeechani?

 Biblia uandasïndi gobiernueri ma enga uaaka sési peentani iámindu indeni ambe enga no sési úkuni jaka juchaari planetani ka eska ísï uaaka. Uandasïndi eska ‘Tata Diosï auandarhu anapu, gobiernu ma uaxastaaka’, Reinu ma enga iámu parhakpinirhu juramuaka (Daniel 2:44). Enga i gobiernu juramuni jauakia iámu parhakpinirhu, kʼuiripuechaksï ‘no ma ambe útspiati, niksï no sési ambe úni’. Nóksï no sési ambe útsperaati imeecha mismu nijtuksï no sési úkua echerini (Isaías 11:9).