Nájkirukaksï kánikua jánguarhintani jaka uánikua paisirhu anapu juramuticha paraka no jauaka guerra ambe, xarhentku 24 de febreru 2022 jimbo, Rusia anapu soldaduechaksï inchaakusti Ucrania. Enga i guerra úkuarhini jaka, ¿néna no sési úkuaua iámu parhakpinirhu anapuechani? António Guterres enga jindeeka secretario general de las Naciones Unidas, uandasti eskachi no úsïnga jamberi eranhaskani na enga ini guerra jimbo niáraaka kánikua no sési jánhaskuarhini, kómu nitamakua ambe jarhani ka eska nóteru seguru irenhaakia imani paisicha jimbo enga Europa jaka ka interu parhakpinirhu.

•   Tata Jesukristu uandasptia eska niárapiringa engaksï ma nasionirhu anapuecha jauarapiringa “paraksï uarhiperani máteru nasioni anapuecha jingoni, ka ístu ma juramukuarhu anapuecha máteru juramukuarhu anapuechani jingoni” (Mateu 24:7). Arhinta je jorhenguarhikuani “¿Cuál es la señal de “los últimos días” o de “los tiempos finales”?” parajtsï exeni eskaksï iámindu Jesúsiri profesiecha engaksï Bibliarhu jaka, kumplirikuarhixakaksï ini guerrecha jimbo.

•   Libru Jaŋaskuecha uandasïndi eska guerra ísïiska komueska “kabaiu charhapiti” ma “késtatapiringa pínandikuani parhakpinirhu” (Jaŋaskuecha 6:4). Parajtsï sánderu míteni íri ambe, arhinta je jorhenguarhikuani “¿Qué representan los jinetes del Apocalipsis?”, ka exe je andiksïsï guerrecha sési terukuntajki ini profesia jingoni.

•   Bibliarhu anapu libru Danieli, uandaspti eska “nortirhu anapu rei” ka “surirhu anapu rei” nóksï úpiringa sési pájperani (Daniel 11:25- 45). Exe je bideuni Na enga úkuarhini jaka profesia enga Daniel 11 uandajka parajtsï kurhanguni andichisï uaa uandani eska Rusia ka imeecha engaksï imani jingoni úkuarhika, jindeeskaksï nortirhu anapu rei. a

•   Jaŋaskuecha ístu uandasïndi eska jarhaska uarhiperata ma “imani kʼéri jurhiatikua jimbo Diosïri enga iámindu ambe újka úni” (Jaŋaskuecha 16:14, 16). Joperu i uarhiperata enga ixú uandajka, no jindeesti guerra ma paisicheri, komu i enga iásï úkuarhini jaka. Parajtsï sánderu ambe míteni i uarhiperateri ambe enga sánderu orhepani úkuarhiaka, arhinta je jorhenguarhikuani “¿Qué es el Armagedón?”

•   Biblia aiatspesïndi eska Tata Diosï kʼamajkuauaka guerrechani iámu parhakpinirhu (Salmo 46:9). Arhinta je jorhenguarhikuani “La esperanza real de un mañana mejor” parajtsï míteni sánderu ambe engajtsïni Tata Diosï aiachijka.

•   Jesúsi jorhendaaspti imeeri chúxapatichani paraksï kurhajkuarhini eska jupiringia Tata Diosï Reinu (Mateu 6:9, 10). I Reinu, auandarhu anapu gobiernu máesti enga uaaka ambe enga Tata Diosï uéjka ixú Echerirhu, ka ma ambe enga Tata Diosï uéjka jindeesti eska jauaka pínandikua interu parhakpinirhu. Parajtsï míteni ambe enga i Reinu uaaka chánksïni jimbo, exe je bideuni ¿Ambeski Tata Diosïri Reinu?

 Ucrania jukari 129.000 Jeobaeri testiguechaksï jarhasti. Interu parhakpinirhu anapu Jeobaeri testiguechaksï májkueni úsïndi eska Jesúsi ka nóksï nemani jingoni úkuarhisïndi. Jimboksïsï no inchamukujti politikarhisï niksï nirajki guerrecharhu (Juanu 18:36). Iápurisï, Jeobaeri testiguechaksï seguirixati aianhpini ambakiti aianhperakuani Tata Diosïri Juramukueriʼ. Uandantasïndiksï eska i Reinujkusï uaaka sési peeuantani interu parhakpinirhu anapu problemechani, asta guerrechani (Mateu 24:14). Parajtsï sánderu ambe míteni, ambakiti ambe enga Biblia uandajka eska úkuarhiaka sánderu orhepani, pʼímarhixakaksïni parajtsïni karachini.