PʼÍMARPINI PARA MIÁNTANI TATA JESUKRISTUERI UARHIKUANI
Tata Jesukristu kʼamajkuati kómu nitamakuani
Enga Jesúsi ixú echerirhu jámani japka kánikua uékperakua xarhatakuaspti kʼuiripuechani ka sánderia imeechani engaksï komu nitamakuarhini japka ka engaksï no ma ambe jatsikuarhepka (Mateu 9:36). Asta íntspispti imeeri tsípikuani kʼuiripuechani jimbo (Mateu 20:28; Juanu 15:13). Nóteru xáni ióni kuerataxatiia parajtsïni ménderu xarhatacheni na engajtsïni xáni xénchajka, jimboka ima jindeeska Rei Tata Diosïiri Reinuerirhu ka úraati imeeri uinhapikuani para kʼamajkuni kómu nitamakuani.
Biblia arini ambe uandasïndi enga Jesúsi uaaka:
“Eska ima kuájpiauaka iretarhu anapuechani engaksï kaxumbitiika, eska jarhuatauaka no jatsikuarheri uajpechani” (Salmo 72:4).
¿Nénachi uaa xarhatakuni tata Jesukristuni eskachi agradesidu jarhaska imani ambe jimbo enga útasï uaaka juchantsïni jimbo? Lukasï 22:19 jimbo, tata Jesukristu arhiaspti imeeri chúxapatiichani eskaksï mándani uéxurhini miántapiringa imeeri uarhikuani. Jimbochisï Jeobaeri testiguecha mándani uéxurhini tánguarhintajka parachi miántani imeeri uarhikuani. Pʼímarhisïngaksïni parajtsï nirani miántani tata Jesukristueri uarhikuani. Ka i tánguarhikua domingu 24 de marsuni de 2024 jimbo úkuarhiati.
Exe je nanijtsï uaa tánguarhini para tata Jesukristueri uarhikuani miántani