Enga tata Jesukristu echerirhu jáma japka, xarhataspti eskajtsïni kánikua xénchasïnga jimboka asta uarhisti juchantsïni jimbo (Mateu 20:28; Juanu 15:13). Nóteru xáni ióni kuerataxatiia parajtsïni ménderu xarhatacheni na engajtsïni xáni xénchajka, ima uaati “eskaksï guerrecha kʼamakurhiaka iámu parhakpinirhu” jimboka jindeeska Rei Tata Diosïiri Reinuerirhu (Salmo 46:9).

 Biblia arini ambe uandasïndi enga Jesúsi uaaka:

•   “Ima jarhuataaka imani enga no jatsikuarheka ka enga jarhuajperata kurhajkuarhini jaka, ístu imani enga kaxumbitiika ka imani enga no jatsika né enga jarhuataaka. Pʼamojkuati imani enga kaxumbitiika ka imani enga no jatsikuarhirika, ka pʼímutantauati imechani engaksï no jatsikuarhirika. Kuájpiauati paraksï nóteru kómu nitamakuarhinia” (Salmo 72:12-14).

 ¿Nénachi uaa xarhatakuni tata Jesukristuni eskachi agradesidu jarhaska imani ambe jimbo enga útasï uaaka juchantsïni jimbo? Lukasï 22:19 jimbo, tata Jesukristu arhiaspti imeeri chúxapatiichani eskaksï mándani uéxurhini miántapiringa imeeri uarhikuani. Jimbochisï Jeobaeri testiguecha mándani uéxurhini tánguarhintajka parachi miántani imeeri uarhikuani. Pʼímarhisïngaksïni parajtsï nirani miántani tata Jesukristueri uarhikuani. Ka i tánguarhikua domingu 24 de marsuni de 2024 jimbo úkuarhiati.

Exe je nanijtsï uaa tánguarhini para tata Jesukristueri uarhikuani miántani