¡MÉNTKISÏ JINGONTKU JA JE!
Kánikua uandanhiakuarhisti na engaksï tumbiicha sánderu pʼamenchakua ambe kámajkia mentirhu | ¿Ambe uandasïni Biblia?
Lunesï 13 de febreru 2023 jimbo, Centros para el Control y la Prevención de Enfermedades (CDC) Estados Unidos anapuecha, petastiksï informi ma enga uandajka na engaksï tumbiicha pʼamenchakua ambe kámajka mentirhu. Informi uandasïndi eskaksï jukari 40% tumbiicha engaksï sekundariarhu jámajka, méntkuksï kómu pʼikuarherani jarhasïnga ka eskaksï nóteru mintsikasïngia eska ambe ma sési niántaaka.
Doktora Kathleen Ethier, enga direktoreeka de la Sección de Salud Escolar y del Adolescente de los CDC, ísï uandasti: “Nájkiruka arini 10 uéxurhini jimbo enga nitamakia, tumbiichaksï sánhani arhini jaka sánderu pʼamenchakua ambe kámani mentirhu, iásïksï uátsïicha sánderu eratsesïndia uándikukuarhini, ka imeecheeri menti iásï sánderu no sési jarhastia eska ióntki”.
Informi ini ambe uandasïndi:
Kada 10 uátsïicheeri, jukari ma uátsïnksï (14%) niárasïndi fásili exeni. Doktora Ethier uandasti: “Kánikua uandanhiakuarhisti. Kada 10 uátsïicha engajtsï chá míteaka, ma uátsïni, oksï jamberi sánderu uánikuechani niárastiksï biolariuani”.
Kada tanimu uátsïicheeri (30%) ma uátsï ménisï eratsestia uándikukuarhini.
Kada 5 uátsïicheeri tanimuksï (57%) méntku kómu pʼikuarherani jarhasïndi ka nóteruksï mintsikasïndia eska ambe ma sési niántaaka.
Xáni no sési ambe enga i informi xarhatajka. Nóchka enga ma tumbiijka, jindeeska tiempu ma para kánikua tsípini ka sési pʼikuarherani. Ísï jimbo, ¿ambe uaa jarhuataani tumbiichani paraksï nóteru xáni uandanhiania ka chéni? ¿Ambe uandasïni Biblia?
Biblia arhiasïndi tumbiichani ambe engaksï uaaka úni
Biblia tʼuini uandasptia na engachi irekuarhini japiringa ini tiempu jimbo, eskachi kánikua úkua jukanchapiringa; uandasïndi: ‘últimu jurhiatikuechani jimbo kánikua no sési jánhaskuarhiati’ ka kánikua úkua jukani (2 Timoteo 3:1-5, TNM). Joperu ístu uandaasïndi konsejuechani engaksï iásï jamberi kánikua marhuajka, ka engaksï uánikua tumbiichani jarhuataani jaka iámu parhakpinirhu. Íksï konsejuecha jarhuataasïndi paraksï úni orhepani uérani nájkirukaksï xáni no sési nitamakuarhini jauaka. Exea je máru artikuluechani engaksï Bibliarhu pʼitakata jaka.
Ambe enga jarhuatauaka tumbiichani engaksï eratsejka uándikukuarhini
Ambe enga jarhuatauaka tumbiichani engaksï depresioni kámajka, kómu pʼikuarherani ka engaksï no sési ambe eratsejka
¿Ambe uá úni parani nóteru eratseni imani ambe engarini no sési pʼikuastajka?
Asteru kómu pʼikuarheria (“Dibujuecha engajtsïni jorhendajka”).
Ambe enga jarhuatauaka tumbiichani engaksï no sési kánhajka (bullying) oksï Interneti jimbo no sési kánhani
Néna kuájpikuarhini no nemani ataparini (“Dibujuecha engajtsïni jorhendajka”).
Ambe enga jarhuatauaka tumbiichani engaksï akosarinhajka oksï no sési kánhani paraksï relasioni seksuali jatsini
¿Qué debes saber sobre las agresiones sexuales? Primera parte: Precauciones que deberías tomar
¿Qué debes saber sobre las agresiones sexuales? Segunda parte: Cómo puedes recuperarte
Biblia arhiasïndi taatiichani ambeksï uaa úni
Biblia ístu arhiasïndi taatiichani nénaksï uaa jarhuataani uájpeechani paraksï úni orhepani uérani engaksï problema ambe jatsiaka. Exea je máru artikuluechani engaksï Bibliarhu pʼitakata jaka.
¿Ambe uá úni engaksï juchiti sapini eskuela no sési kámajka oksï bullying úkuni?
Las redes sociales | Parte 1: ¿Deberían mis hijos usar redes sociales?
Las redes sociales | Parte 2: Enséñele a su hijo adolescente a usar con seguridad las redes sociales
Los hijos y los teléfonos inteligentes | Parte 1: ¿Debería darle un celular a mi hijo?