¡MÉNTKISÏ JINGONTKU JA JE!
Ma uéxuriniistia enga ueenaka guerra Ucrania | ¿Ambe uandasïni Biblia? ¿Ma jurhianksï kʼamakurhia guerrecha?
Biernesï 24 de febreru 2023 jimbo, ma uéxurhiniuatia enga ueenaka no sési jánhaskuarhini Ucrania guerra jimbo. Máru informiichaksï uandasïndi eskaksï ma 300,000 sondaduecha Ucrania ka Rusia anapuecha uarhiska oksï máru atanhani. Ka uandasïndiksï eskaksï ma 30,000 kʼuiripuecha uarhiskia. Joperu jamberiksï sánderu uánikueti.
Joperu xáni no sési, jimboka peeringa inde guerra no kʼamakurhiaka iáiasï.
“Sáno ma uéxurhiniistia enga Rusia anapu Ejército inchaakuka Ucrania, méntku no ma ambe xarhatasïndi eska inde arhirperata kʼamarhuakia. Ka nójtuchi úsïnga exeni né andaa. Ka nójtuchi úsïnga uandani eskaksï uaaka sési pakatperani ambeksïsï uaa paraksï sési peentani ambe ma” (NPR [radio pública nacional de Estados Unidos], 19 de febreru de 2023).
Jimboksïsï uánikua kʼuiripuecha kánikua uandanhiani jati jimbokaksï jarhaska máru kʼuiripuecha engaksï no sési nitamakuarhini jaka iámu parhakpinirhu indeni guerra jimbo. ¿Ambe uandasïni Biblia? ¿Ma jurhianksï kʼamakurhia guerrecha?
Guerra ma enga kʼamajkuauaka iámindu guerrechani
Biblia uandasïndi eska guerra ma úkuarhiaka ka no para kʼamajkuani kʼuiripuechani, sino sánderu sési, para pʼímutaantani. I guerra ísï mítekuarhisti komueska Armajedoni, ka Biblia uandasïndi eska indeni guerra jimbo uarhiperanhaaka “Tata Diosïiri kʼéri jurhiatikua jimbo, ima Tata Diosï enga iámindu ambe újka úni” (Apocalipsis 16:14, 16, TNM). Ini uarhiperakua jimbo, Tata Diosï kʼamajkuauati juramutiichani, jimbokaksï indesï kulpa jatsika engaksï xáni ambe kʼamajkuni jaka guerrecha. Parajtsï míteni néna uaa Armajedoni sési peentani ambe ma, arhianta je arini artikuluechani: