NÉNACHI ÚRAASÏNI DONASIONICHANI
Ini pandemia jimbo interu parhakpini anapu erachichaksï jarhuajpexati
1 DE JULIU DE 2021
Marsu 2020 jimbo Organización Mundial de la Salud uandantaspti eska jarhaspkia pandemia COVID-19, nóksï uánikuecha eratsesïreendi eska jukari ma uéxurhini tátsekua japiringa útasï inde pʼamenchakua ka no sési úkuani interu parhakpini anapu kʼuiripuechani. Ini pandemia jimbo uánikua kʼuiripuecha asta Jeobaeri testiguecha, niáraxatiksï no sési nitamakuarhini ka máruksï niáraspti pʼirani ini pʼamenchakua, no sési pʼikuarherani ka astaksï no kánikua tumina jatsini. ¿Ambeksï xáni úskia Jeobaeri testiguechani para jarhuatani imeecheri erachichani ini pandemiani jimbo?
Jarhuatanhaxati imeechani engaksï uétarhinchajka
Grupu enga Jarhuajperata Íntspijka ima Grupueri enga Orhejtsïkuajka iámindu kúnguarhikuechani Jeobaeri Testiguecheri, sési exesti úni jukari 950 Grupuecha para Jarhuajpeni interu parhakpinirhu paraksï úni orhepani uérakuni pandemia COVID-19. Ka ménichanisï, máru lugaricharhu i grupuecha jarhuajperata íntsaaxati nani enga uétarhiaka ka ístu máteru lugaricha jimbo Jeobaeri testiguechaksï jiókuarhistia jarhuajperata engaksï íntspijka juramuticha. Grupuecha para Jarhuajpeni jarhuataxati uánikua k’uiripuechani.
Pori ejemplu, exeakachi na engaksï nitamakuarhini jaka Paraguay anapuecha. Periodiku ma uandantasïndi eska pandemiani jimbo, uánikua Paraguay anapuechani no jatsikuarheska para tʼireni. Peru Grupu para Jarhuajpeni Paraguay anapu, uénasti etsakuani paketicha t’irekua jingoni enga marhuapiringa para tsimani semana. Mándani paketi jindeesti para kuatru kʼuiripuecha, enga ma 30 dólarisï jukaparhaka, jatasti t’irekua, xapu ambe ka máteru ambe engaksï uétarhinchapiringa paraksï limpiu jarhani.
¿Ambeksï úsïni imeecha engaksï nirajka jarhuajpeni paraksï kuájchakukuarhini COVID-19 jimbo ka paraksï máteruechani kuájchakuani? Ómukuarhesïndiksï ka no xáni andarperasïndi. Ístu exesïndiksï eska imeecha engaksï pájka t’irekua ánchikuarhiaka lugari ma jimbo enga limpiu jauaka ka eskaksï kuájchakukuarhiaka. Exesïndiksï eska imeecha engaksï uaajka paketicha sésiksï kuájchakukuarhitini jauaka, limpiu jatsini ka desinfektarini imeecheri trokechani ka eskaksï jima perauaka paketichani t’irekueri nani enga desinfektadu jauaka. Ka imeecha engaksï íntsantajka paketicha erachichani, jánguarhintasïndiksï no xáni andarhierani.
Sési exenhasïndi néna úraani donasionichani
Eneru 2021 jimbo, Grupu enga Jarhuajperata Íntspijka sési exesti eskaksï úrakuarhepiringa jukari 25 miioni dólari para jarhuatani ima erachichani engaksï no sési nitamakuarhini japka COVID-19 jimbo. Betelicha ka Grupuecha para Jarhuajpini jánguarhintasïndiksï sési úraani donasionichani ka piásïndiksï imani ambe enga uétarhiaka ka no xáni jukaparhani. Pori ejemplu, jini Chile, erachicha engaksï enkargariakuaripka para jarhuatani imeecha engaksï no sési nitamakuarhini japka, uékasïrendiksï piáni 750 kilu (1,653 libras) lentejasï. Peru ma mesi jimbo, lentejasï tsimani uelta sánderu jukaparhasptia. Erachichaksï pakaraspti eskaksï piápiringa lentejasï ima jimbanhi presiu jimbo. Peru tsimani ora tátsekua, atarhantsti eianguasti eska máteru piári pántaspka lentejasï enga piápkia. Ísï jimbo atarantsti íntsaspti lentejasï ima presiu jimbo eska ima enga no xáni jukaparhapka.
Jiáni engaksï erachicha nípka jirinhani lentejasï, atarantsti nóteru uékasptia íntsaani. Arhiaspti eskaksï no pareju íntspixapka ísï eskaksï na úni japka máteru grupuecha. Erachi ma kómarhikua sapichu ma úspti imeeri eratsekuarhu ka tátsekua aianguspti atarantstini eskaksï kurhamarhiaspka iámindu kúnguarhikuechani né meru uétarhinchaxapi t’irekua. Erachichaksï ístu aianguspti eska engaksï uápiringa paketichani kuentasï pápiringa nani engaksï anapuepiringa erachicha engaksï uétarhinchani japka. Ísï jimbo, mándani paketi jimbo engaksï úpka, imani ambe jatsiraspti enga mándani familia uétarhinchani japiringa. Ka ístuksï aianguspti eska donasionicha engaksï intsïnhaska Jeobaeri testiguecha, ia sea sentabu jimbo o ánchikuarhita jimbo, imeecha engaksï íntspijka tsípikua jingonksï ísï úsïndi. Atarantsti ísku pakarasti enga indeni ambe kurhapka. Ísï jimbo, íntsaaspti lentejasï ima presiu jimbo engaksï pakarapkia, ka ístu intsïmbiaspti 400 kilu (882 libras) lentejasï máteru pedidu jimbo engaksï úpka.
ʻMeruksï xénchperasïndiʼ
Lusu pirenchi máesti enga jatirikia ka tsïndini enga Liberia irekaka sinku familiaricha jingoni. Ma tsípa engaksï desaiunarini japka ka arhintani karakata para mándani jurhiatikua, imeeri nimakua enga siete jatirika kuenta íntskukuarhespti eska nóteru jarhasptia t’irekua imeecho ka kurhamarhispti: “¿Ka iásïchi ambe tʼirea?”. Imeeri nanita k’éri arhispti eska ima kómarhispkia Jeobani ka eska kurhakuspka eska jarhuatapiringa ka eska ima segura jarhaspka eska Jeoba íntsaapiringa ambe engaksï uétarhinchani japka. Ima mismu jurhiatikua, inchatiru, kúnguarhikuarhu anapu orhejtsïkutichaksï uandajpaspti Lusuni ka arhisptiksï eska nipiringa pʼirani t’irekua ambe. Imajtsïni aiangusïndi: “Juchiiti nimakua uandasïndi eska iásï seguru jarhaska eska Jeoba kurhaasïndi kómarhikuechani, jimboka mókuntaska juchiiti kómarhikuani”.
República Democrática del Congo anapu sapiichaksï úspti dibujuecha paraksï diosmaiamukua arhini erachichani imani jarhuajperata jimbo engaksï intsïnhapka.
Uarhiiti ma enga República Democrática del Congo irekaka jatsiati besinuechani ma engaksï Jeobaeri testiguecheka. Enga exeapka máteru Testiguechani pákuani jarhani t’irekua ambe, ima uandaspti: “Enga na nitamakia pandemia, juchajtuchi Jeobaeri testigu úkuarhiaka, jimbokaksï imeecha uandanhiasïndi imeecheri ermanuecha jimbo ini tiempu jimbo enga xáni úkua jukaka”. Imeeri uámba kurhamarhispti: “¿Jeobaeri testigueri úkuarhiari nomasi ma bolsa arrosi jimbojku?”. Ima mókukuspti: “Nómbe, no inde ambe jimboesti. Peru inde bolsa arrosiri xarhatasïndi eskaksï meru xénchperasïnga”.
Imani sentabu jimbo engajtsï chá íntspijka, Jeobaeri testiguechaksï ústia jarhuatani imeeri erachichani ini pandemiani jimbo. Kánikua diosmaiamu imani sentabu jimbo engajtsï íntspijka úraparini mámaru ambe enga donate.pr418.com jimbo jaka.