Әйе. Аллаһы үзенең авыручы хезмәтчеләре турында кайгырта. Бер тугры хезмәтче турында Изге Язмаларда: «Чирләп яткан урында Ходай аңа ял бирер; чирләп яткан урынында аны савыктырыр»,— дип әйтелә (Мәдхия 40:4). Берәр хроник авырудан интегеп яшәсәгез, монда китерелгән өч киңәш сезгә булышыр:

1.   Аллаһыга көч сорап дога кылыгыз. Бу сезгә «һәркайсы акылдан өстенрәк торучы Аллаһы тынычлыгы» бирәчәк, ә бу, үз чиратында, авырлыкка бирешмичә яшәргә булышачак (Филипиялеләргә 4:6, 7).

2.   Уңай караш саклагыз. Изге Язмаларда: «Шат-хозур күңел — тәнгә сихәт; ә сагышлы йөрәк сөякләрне корыта»,— дип әйтелә (Гыйбрәтле сүзләр 17:22). Юмор хисен саклагыз, чөнки бу авыр вакытларга ямь дә өстәп җибәрә һәм сәламәтлек өчен дә файдалы.

3.   Аллаһы вәгъдәләренең үтәлешенә өметләнеп яшә. Өмет, авыруга карамастан, шатланып яшәргә булыша ала (Римлыларга 12:12). Изге Язмаларда «җирдә яшәүчеләрнең берсе дә: „Мин авырыйм“,— дип әйтмәс» вакыт турында алдан әйтелгән булган (Ишагыйя 33:24). Шул вакытта Аллаһы бүгенге көннәрдә дәвалап булмаган авыруларны дәвалаячак. Мәсәлән, Изге Язмаларда карт кешеләр кабат яшь һәм сәламәт булачак дип әйтелә: «Тәне яшь чагыннан да сәламәтрәк булсын, ул куәтле яшьлек көннәренә кайтсын» (Әюб 33:25).

 Искәрмә. Йәһвә Шаһитләре Аллаһының ярдәм итәчәген белсә дә, дәваланыр өчен табибларга мөрәҗәгать итә (Марк 2:17). Шулай да без дәвалауның берәр төрен яклап чыкмыйбыз һәм һәр кеше дәвалауның төрен үзе сайларга тиеш дип саныйбыз.