Юк. Җир беркайчан да юк ителмәчәк, утта да янмаячак, аның урынына башкасы да булмаячак. Изге Язмалардан күренгәнчә, Аллаһының башлангыч нияте буенча кешеләр җирдә мәңге яшәргә тиеш булган.

•   «Тәкъвалар җирне мирас итеп алачак Һәм анда мәңге яшәячәк» (Зәбур 37:29).

•   «[Аллаһы] җирне нигезләренә нык урнаштырган, Җир беркайчан да үз урыныннан кузгалмас» (Зәбур 104:5).

•   «Җир мәңге тора» (Вәгазьче 1:4).

•   «Җирне булдырган, аны нык урнаштырган Яратучы, аны юкка гына түгел, ә кешеләр яшәсен өчен булдырган» (Ишагыя 45:18).

 Аллаһы кешеләргә җирне — әйләнә-тирәдәге мохитны пычратыпмы, үзара сугыш башлапмы я башкача эш итепме — юк итәргә юл куймаячак. Дөресен генә әйткәндә, Аллаһы Тәгалә «җирне һәлак итүчеләрне» үзе «һәлак итәчәк» (Ачылыш 11:18). Ул моны ничек башкарачак?

 Аллаһы җирне кайгырта белмәгән барлык хөкүмәтләр урынына күктәге камил Патшалыгын урнаштырачак (Даниял 2:44; Маттай 6:9, 10). Бу Патшалыкның патшасы Аллаһының Улы — Гайсә Мәсих булачак (Ишагыя 9:6, 7). Җирдә яшәгәндә Гайсә могҗизалы рәвештә табигать афәтләрен тыя белгән (Марк 4:35—41). Патша роленә керешкәч, ул җир һәм аның бөтен өлешләре өстеннән хакимлек итәчәк. Гайсә җирне яңартачак, башка сүзләр белән әйткәндә, ул җирдәге шартларны элекке Гадән бакчасындагы кебек итәчәк (Маттай 19:28; Лүк 23:43).

 Юк, әйтелми. Андый нәтиҗәгә кешеләр 2 Петер 3:7 не укып килгән. Анда: «Бүгенге күкләр һәм җир... ялкын өчен саклана»,— дип язылган. Бу сүзләрнең мәгънәсенә төшенер өчен, ике нәрсәгә игътибар итик:

1.   Изге Язмаларда очраган «күкләр», «җир» һәм «ялкын» дигән сүзләр һәрвакытта да бер үк нәрсәне аңлатмый. Мәсәлән, Яратылыш 11:1 дә: «Кешеләр бөтен җир йөзендә... бер телдә сөйләшә иделәр»,— диелә. «Җир йөзе» диелгәндә, монда кешеләр күздә тотыла.

2.   2 Петер 3:7 дәге сүзләрнең контексты «күкләр», «җир» һәм «ялкын» нәрсә аңлатканын күрсәтә. 5 нче һәм 6 нчы шигырьләрдә Нух заманындагы Туфан искә алына. Ул вакытта борынгы дөнья «һәлак ителгән булса» да, җир планетыбыз юк булмаган. Туфанда «җир», ягъни явыз кешеләр һәлак булган (Яратылыш 6:11). Шулай ук «күкләр», ягъни кеше җәмгыяте тарафыннан куелган идарә итүчеләрдә һәлак ителгән булган. Шулай итеп, җир түгел, ә явыз кешеләр һәлак ителгән. Нух һәм аның гаиләсе генә исән калган, һәм Туфаннан соң аларның токымнары җир йөзен тутырган (Яратылыш 8:15—18).

 2 Петер 3:7 дә искә алынган «ялкынны» Туфан сулары белән чагыштырып була. Шулай итеп, җир түгел, ә явыз кешеләр юк булачак. Аллаһы Тәгаләнең вәгъдәсе буенча, «гаделлек хакимлек итә торган яңа күкләр һәм яңа җир» булачак (2 Петер 3:13). «Яңа җир», ягъни яңа кешелек җәмгыяте өстеннән «яңа күкләр», ягъни Аллаһы Патшалыгы идарә итәчәк. Патшалык идарәсе астында җир оҗмахка әйләнәчәк һәм кешеләр тыныч-тату яшәячәк (Ачылыш 21:1—4).