Одвал исемле хатын-кыз Монголиядә яши. Ул кайчан дөньяга килгәнен белми, әмма 1921 елда туган дип саный. Бала чагында ул әти-әнисенең малын караган һәм мәктәпнең бер сыйныфын гына укып чыккан. Ул укый белми. Шулай да яңа гына чыккан бер рәсемле брошюрадан ул Аллаһы турында күбрәк белем ала алган, шулай ук Аллаһыны тыңлаган кешеләрне нинди бәхетле киләчәк көтә икәнен белгән. Бу белемнәр аның күңелен җылыткан.

Йәһвә Шаһитләре тарафыннан 2011 елда бастырылган шушы брошюраның ике варианты бар. Икесе дә рәсемнәр белән тулы, әмма беренчесендә икенчесенә караганда күбрәк текст өстәлә.

Беренче брошюра — «Аллаһыны тыңла һәм мәңге яшә». Тиздән аны 583 телдә укып булачак. Икенчесе — «Аллаһыны тыңла»; аны 483 телдә укып була. Мисал өчен: Кушма Штатларның кеше хокуклары декларациясен 2013 елның октябрь аена кадәр 413 телгә тәрҗемә иткән булганнар. Моннан тыш, бу брошюраның ике варианты 80 гә якын миллион данә белән чыккан.

Мәсәлән, Бразилиядә яшәүче олы яшьтәге бер хатын-кыз «Аллаһыны тыңла» дигән брошюраны шатланып алган. Ул болай ди: «Минем кебек кешеләр бер үзләре генә түгел, безнең турында кайгыртучылар бар. Бу мине бик юата. Укый белмәгәнгә мин журналларыгызны алмый идем. Әмма бу брошюраны мин алдым».

Франциядә яшәүче Бриджит исемле башка бер хатын-кыз да укый-яза белми. Ул: «Брошюраның рәсемнәрен мин көн дә карыйм»,— ди.

Көньяк Африка Республикасыннан бер хатын-кыз болай дип яза: «Бу брошюра ярдәмендә мин илебездә яшәгән кытайлыларны Изге Язмалардагы тәгълиматлар белән таныштырам. Бу брошюра булмаса, моны берничек тә эшләп булмас иде. Аны кулланып, мин белемнәре төрле булган кешеләр белән — университетта укып чыккан бик акыллы кешеләр белән дә, укый белмәүчеләр белән дә сөйләшә алдым. „Аллаһыны тыңла һәм мәңге яшә“ дигән брошюра ярдәмендә Изге Язмаларның төп тәгълиматларын җиткерү җиңел. Ярты сәгать эчендә „нигез“ салып була».

Германиядә яшәүче Йәһвә Шаһитләре бер укымышлы пар белән өйрәнгән. Брошюрада язылганнар ирен таң калдырган. Ул: «Ни өчен сез бу брошюраны миңа элегрәк китермәдегез? Аның ярдәмендә миңа Изге Язмаларда искә алынган вакыйгалар һәм анда очрый торган сүзләр аңлашыла башлаган»,— дип әйткән.

Австралиядән бер саңгырау хатын-кыз болай дигән: «Мин озак кына монастырьда монахинялар арасында яшәдем. Миннән башка монастырь башлыкларына якынрак кеше юк иде. Шулай да аларның берсе дә миңа Аллаһы Патшалыгы турында сөйләмәде. Әмма шушы брошюра бу хәлне үзгәртте. Аның рәсемнәренә карап, мин Маттай 6:10 дагы сүзләрнең мәгънәсен аңлый башладым».

Йәһвә Шаһитләренең Канададагы филиалы җибәргән хатта болай дип әйтелә: «Сьерра-Леонеда яшәүчеләрнең күбесе, креол телендәге „Аллаһыны тыңла“ дигән брошюраны күргәч, Йәһвә Шаһитләренең Изге Язмалардагы хәбәрне җиткерергә бик тырышканнарын танырга булган. Аларның кайберләре: „Башкалар безне кайгыртмаса, сез кайгыртасыз“,— дигән».