Ата-аналарның зур җаваплылыгы бар. Алар балаларын Йәһвә турында өйрәтергә тиеш (Эфес. 6:4). Ата-аналарга ярдәм итәр өчен Йәһвә оешмасы күп мәкаләләр, видеолар һәм җырлар чыгара. Сез бу материалны балаларыгызны өйрәтер өчен ничек куллана аласыз?

• Материалны табыгыз. Сайтыбызда сабыйлар өчен дә, яшүсмерләр өчен дә күп материал, мәсәлән, видео һәм бастырып булган йөкләмәләр бар a. Бу материалны табар өчен эзләү юлына «сабыйлар» я «яшүсмерләр» дип җыегыз.

• Туры килгән материал сайлагыз. Балагыз өчен төрле видеоларны, җырларны һәм башка материалны «Сабыйлар» дигән разделда табып була. Ә йөкләмәләрне табар өчен шул ук разделда «Гаилә белән гыйбадәт кылу. Йөкләмәләр» дигән рубриканы сайлагыз.

• Үзегез дә катнашыгыз. Видеоларны һәм бастырып булган материалларны балагызның күңелен ачар өчен генә кулланмагыз. Балагыз белән бу материал нигезендә фикер алышыгыз һәм аңа Йәһвә белән дуслыгын ныгытырга булышыгыз.