Рухилык
Беренче мәкаләдә әйтелгәнчә, күпләр Изге Язмаларны дини китап дип саный. Аны укып һәм язылганны кулланып, алар Аллаһыга якынлашкан һәм тормыш мәгънәсен аңлаган.
Изге Язмаларда «рухилык» турында сүз барганда, кешенең тормышка карата карашы күздә тотыла (Яһүд 18, 19). Тән теләкләре буенча яшәүче кешедән аермалы буларак, рухи карашлы кеше Аллаһы нормаларын кадерли (Эфеслеләргә 5:1). Рухи карашлы булу тормышның күп кенә өлкәләрендә файда китерә.
ӨМЕТ
ИЗГЕ ЯЗМАЛАРДАГЫ ПРИНЦИП: «Кайгы-хәсрәт көнендә күңелең төшкән икән, көч-куәтең аз, димәк» (Гыйбрәтле сүзләр 24:10).
БУ НӘРСӘНЕ АҢЛАТА? Күңел төшенкелеге безне тормыш авырлыкларын чишәр өчен кирәкле көчтән мәхрүм итә ала. Өмет исә безгә бирешмәс өчен кыюлык бирә. Өмет булганда, без күпчелек проблемаларыбызның вакытлы гына икәнен аңлыйбыз. Чөнки авырлыклардан соң яхшы нәрсәләр дә булыр.
НӘРСӘ ЭШЛӘП БУЛА? Киләчәккә уңай караш сакларга тырышыгыз. Килеп чыга алган нәрсәләр турында борчылыр я яхшы шартларны көтәр урынына, максатларыгызга омтылыгыз. Әлбәттә, «очраклы хәл» дә килеп чыга ала (Вәгазьче 9:11). Ләкин еш кына хәлләр без көткәннән яхшырак була. Изге Язмаларда мондый метафора китерелә: «Орлыгыңны иртән дә чәч, кичен дә кулыңа ял бирмә, чөнки кайсысы — монысымы, тегесеме үсеп чыгачагын белмисең, ә, бәлки, икесе дә үсеп чыгар» (Вәгазьче 11:6).
БОРЧЫГАН СОРАУЛАРГА ҖАВАП
ИЗГЕ ЯЗМАЛАРДАГЫ ПРИНЦИП: «Миңа төшенүчәнлек бир. Сүзеңнең төп нигезе — хакыйкать» (Зәбур 119:144, 160).
БУ НӘРСӘНЕ АҢЛАТА? Аллаһының Сүзе — Изге Язмалар — һәркемне диярлек борчыган сорауларга җавап бирә. Мәсәлән, анда мондый сорауларга җавап бар:
-
Кеше ничек барлыкка килгән?
-
Тормыш мәгънәсе нинди?
-
Кеше үлгәч, аның белән нәрсә була?
-
Киләчәктә безне нәрсә көтә?
Бөтен дөнья буенча яшәүче миллионлаган кешеләр, Изге Язмалардан бу һәм башка күп сорауларга җавап табып, тормышларын яхшырткан.
НӘРСӘ ЭШЛӘП БУЛА? Изге Язмалар нәрсәгә өйрәтә икәнен белегез. Йәһвә Шаһитләреннән Изге Язмаларны аңларга ярдәм итүләрен сорагыз. jw.org дигән сайтыбызга керегез, очрашуыбызга килегез. Очрашуларыбызга һәркем бушлай килә ала.
ИЗГЕ ЯЗМАЛАРДАГЫ БАШКА ПРИНЦИПЛАР
jw.org сайтында «Ни өчен Изге Язмаларны өйрәнергә кирәк?» дигән видеоны карагыз. Ул 880 нән артык телдә бар
РУХИ ИХТЫЯҖЛАРЫГЫЗНЫ ТАНЫГЫЗ.
«Рухи нәрсәләргә сусаучылар бәхетле» (МАТТАЙ 5:3).
ИЗГЕ ЯЗМАЛАР АЛЛАҺЫСЫ ТУРЫНДА КҮБРӘК БЕЛЕГЕЗ.
«Аллаһыны эзләсеннәр... аны тапсыннар... Ул бит һәрберебезгә якын» (РӘСҮЛЛӘР 17:27).
ИЗГЕ ЯЗМАЛАРНЫ УКЫП УЙЛАНЫГЫЗ.
«Ул Йәһвә * кануныннан рәхәтлек таба һәм көне-төне аның кануны турында уйлана. [...] Ни генә эшләсә дә, ул уңышка ирешер» (ЗӘБУР 1:2, 3).
^ 23 абз. Изге Язмалар буенча, Йәһвә — Аллаһының исеме.
Сезгә бу да ошардыр
РУХИ СОРАУЛАРГА ҖАВАП
Нәрсә ул рухилык? Дини кеше булмыйча да, рухи кеше булып буламы?
Рухилыкны үстерер өчен өч киңәшне укыгыз һәм рухилыкка карата 4 ялгыш караш белән танышыгыз.
«КҮЗӘТҮ МАНАРАСЫ»
Изге Язмалар тормышымны ничек яхшырта ала?
Бу борынгы китапта акыллы киңәшләр бар.
