Зәбур 13:1—6
Дирижер өчен. Давытның җыры.
13 И Йәһвә, кайчанга хәтле мин онытылган булырмын? Мәңгеме?
Кайчанга чаклы миннән йөзеңне борып торырсың?+
2 Кайчанга хәтле мин борчулы хафа эчендә яшәрменҺәм күңелем көн саен көенер?
Кайчанга чаклы дошманым минем өстән тантана итәр?+
3 И Ходаем Йәһвә, миңа күз сал һәм җавап бир.
Үлем йокысына китмәс өчен, күзләремә нур бир,
4 Шулчак дошманым: «Мин аны җиңдем!» — димәс.
Миңа каршы килүчеләр егылуымны күреп шатланмасын.+
5 Мин исә синең тугры мәхәббәтеңә таянам.+
Күңелем коткару китергән эшләреңә сөенер.+
6 Мин Йәһвәне мактап җырлармын, чөнки ул мине мул итеп бүләкләде.*+
Искәрмәләр
^ Яки «ул миңа игелек күрсәтте».