Зәбур 20:1—9
Дирижер өчен. Давытның җыры.
20 Кайгылы көнеңдә Йәһвә сиңа* җавап бирсен.
Ягъкуб Аллаһысының исеме сине якласын.+
2 Ул изге урыннан сиңа ярдәмен җибәрсен,+Сионнан+ сиңа көч бирсен.
3 Ул синең бар бүләкләреңне исендә тотсын,Яндыру корбаныңны теләп кабул итсен.* (Села)
4 Ул күңелең теләгәнне үтәсен,+Бөтен уй-ниятләреңне уңышлы итсен.
5 Без синең коткару китергән эшләреңә шатланып аваз салырбыз,+Аллаһыбызның исемен мактарбыз.+
Йәһвә бөтен үтенечләреңне чынга ашырсын.
6 Йәһвәнең үз майланганын коткаруын мин хәзер беләм.+
Ул аның догасына үзенең изге күкләреннән җавап бирә,Уң кулы белән аны гаҗәеп итеп коткара.*+
7 Кемдер сугыш арбаларына, кемдер атларына өмет баглый,+Ә без Аллаһыбыз Йәһвәне исеме белән чакырабыз.+
8 Алар абынып егылды,Без исә, күтәрелеп, аякка бастык.+
9 И Йәһвә, патшаны коткар!+
Ярдәм сорап чакырган көнне ул безгә җавап бирәчәк.+
Искәрмәләр
^ 1—5 шигырьләрдә кешеләр, күрәсең, патшага мөрәҗәгать итә.
^ Сүзгә-сүз «майлы дип санасын».
^ Яки «аңа зур җиңүләр бирә».