Зәбур 21:1—13
Дирижер өчен. Давытның җыры.
21 И Йәһвә, патша синең куәтеңә сөенә,+Коткару китергән эшләреңә чиксез куана!+
2 Аның күңел теләген син үтәдең,+Үтенечен кире какмадың. (Села)
3 Син аны мул фатихалар белән каршы аласың,Аның башына саф алтыннан таҗ кидерәсең.+
4 Ул синнән гомер сорады, һәм син аңа бирдең,+
Озын гомер бирдең мәңгегә.
5 Синең коткаруың аңа бөек дан китерә.+
Абруй һәм шөһрәт белән бүләклисең аны.
6 Син аны мәңгегә фатихалыйсың,+Янында булуың белән аңа шатлык китерәсең.+
7 Чөнки патша Йәһвәгә таяна,+Аллаһы Тәгаләнең тугры мәхәббәте аркасында ул беркайчан да какшамас.*+
8 Синең кулың бар дошманнарыңны эзләп табар,Уң кулың нәфрәт итүчеләреңне табар.
9 Билгеләнгән вакытта син аларга күз салгач, алар утлы мичкә ташланган төсле булыр.
Йәһвә аларны үзенең ачуы белән йотар, аларны ут ялмап кабар.+
10 Аларның токымнарын* син җир йөзеннән юк итәрсең,Нәселләрен адәм балалары арасыннан юкка чыгарырсың.
11 Алар бит сиңа каршы начарлык эшләргә ниятләде,+Нәтиҗәсез мәкерләр корды.+
12 Син ук-җәяңне йөзләренә төбәп,Аларны чигенергә мәҗбүр итәрсең.+
13 И Йәһвә, куәтең белән күтәрел.
Без синең кодрәтеңә мәдхияләр җырларбыз.*