Зәбур 6:1—10
Дирижер өчен: шеминитка* көйләнгән кыллы уен коралларында уйнап башкарыла. Давытның җыры.
6 И Йәһвә, мине ачуың белән шелтәләмә,Ярсуың белән мине төзәтмә.+
2 Илтифат* кыл миңа, и Йәһвә, чөнки мин хәлсезләнә барам.
Савыктыр мине, и Йәһвә,+ чөнки сөякләрем калтырый.
3 Әйе, җаным бик нык борчыла,+Синнән сорыйм мин, и Йәһвә: күпме тагын шулай булыр?+
4 И Йәһвә, килеп, җанымны коткар,+Тугры мәхәббәтең хакына мине сакла.+
5 Чөнки үлгәннәр сине искә алмый.
Кабердә* сине кем мактар?+
6 Көрсенүемнән мин алҗып беттем,+Төне буе ятагымны күз яшьләремә чылатам,*Яткан урынымны күз яшемә батырам.+
7 Кайгымнан күзләрем начарланды,+Газаплаучыларым аркасында күзләрем тоныкланды.*
8 Китегез янымнан, явызлык кылучылар,Чөнки Йәһвә елаган тавышымны ишетер.+
9 Йәһвә илтифат сорап ялваруымны ишетер,+Йәһвә догамны кабул кылыр.
10 Барча дошманнарым хурлыкка төшәр һәм каушап калыр.
Алар чигенер дә кинәт мәсхәрә ителер.+