Зәбур 81:1—16
Дирижер өчен: гитти́т.* Асафның+ мәдхиясе.
81 Безгә көч-куәт бирүче Аллаһыга шатлык белән аваз салыгыз.+
Ягъкуб Аллаһысына тантана белән кычкырыгыз.
2 Шалтыравык, аһәңле арфа һәм кыллы уен коралы алып,Көй уйный башлагыз.
3 Бәйрәм уңаеннан яңа ай көнендә,+Тулы ай вакытында быргы кычкыртыгыз.+
4 Чөнки бу — Исраи́л өчен күрсәтмә,Ягъкуб Аллаһысының карары.+
5 Мисыр җиренә каршы чыкканда,+Ул моны Йосыф өчен искә төшерү итеп урнаштырган.+
Мин ят тавыш* ишеттем:
6 «Мин аның җилкәсеннән йөкне алдым,+Куллары кәрзиннән бушады.
7 Җәфа чиккән чагыңда син чакырдың, һәм мин сине коткардым.+
Мин сиңа кара болыттан җавап бирдем,+Мәрибә́* сулары янында сине сынадым.+ (Села)
8 Тыңла, халкым, мин сиңа каршы шаһитлек итәм.
Их Исраил, мине тыңласаң иде.+
9 Синең араңда чит-ят илаһ булмасын,Чит илаһка табынма.+
10 Мин, Йәһвә, синең Аллаһың,Сине Мисыр җиреннән алып чыгучы.+
Авызыңны киң итеп ач, һәм мин сине туйганчы ашатырмын.+
11 Ләкин халкым тавышымны тыңламады,Исраил миңа күндәм булмады.+
12 Шунлыктан мин аларга үзләренең үҗәт йөрәкләре теләгәнчә эшләргә юл куйдым.
Алар үзләре дөрес дип санаганны эшләде.*+
13 Халкым мине тыңлаган булса иде,+Исраил минем юлларым буенча йөргән булса иде!+
14 Мин аларны күралмаучыларны бик тиз буйсындырыр идем,Кулымны дошманнарына каршы юнәлтер идем.+
15 Йәһвәне нәфрәт итүчеләр Аның алдында калтырап-куркып торыр,Аларның өлеше* гомерлек булыр.
16 Ә сине* ул иң яхшы бодай белән тукландырыр,+Кыядан чыккан бал белән туендырыр».+
Искәрмәләр
^ Яки «кемнеңдер ят телдә сөйләшкәнен».
^ Мәгъ. «талашу».
^ Сүзгә-сүз «Алар үз ниятләре буенча йөрде».
^ Сүзгә-сүз «вакыты».
^ Сүзгә-сүз «аны», ягъни Аллаһы халкын.