Зәкәрия 9:1—17
9 Аллаһының хәбәре:
«Йәһвәнең сүзе Һадра́к җиренә каршы юнәлгән,Ул аеруча Дәмәшекъкә төбәлгән.+
(Чөнки Йәһвә адәмнәрнеҺәм Исраилнең бөтен кабиләләрен күздән кичерә.)+
2 Аның сүзе шулай ук аның белән чиктәш булган Хаматка+Һәм, үтә зирәк+ булсалар да, Тир+ белән Сидонга+ да кагыла.
3 Тир үзенә камау валы* төзеде.
Ул тузандай күп көмеш,Урам пычрагыдай күп алтын туплады.+
4 Йәһвә исә аның милкен тартып алачак,Гаскәрен диңгезгә ыргытачак.*+
Шәһәрне ут ялмап алачак.+
5 Ашкело́н, моны күреп, куркуга төшәчәк;Га́за каты газап кичерәчәк,Әкрунны да шул ук хәл көтә, чөнки аның өмете хурлыкка калачак.
Га́заның патшасы юк булачак,Ашкелон бөтенләй кешесез калачак.+
6 Ашдодта чит-ят халык кешеләре* җирләшәчәк,Һәм мин филистилеләр горурлыгын юк итәчәкмен.+
7 Мин аларның авызыннан — канлы итне,Тешләре арасыннан җирәнгеч нәрсәләрне алып ташлаячакмын.
Алардан кем калса, шул Аллаһыныкы булачак.
Ул — Яһүдтәге шәех*+ кебек,Әкру́н халкы исә йәвүслеләр шикелле булып китәчәк.+
8 Мин йортым янында каравыл кебек урнашачакмын,+Һәм берәү дә анда кереп-чыгып йөрмәячәк.
Ул җирдән һичнинди күзәтче* бүтән инде үтмәячәк,+Чөнки хәзер минем күзләрем моны* күреп тора.
9 Кызым Сио́н, чиксез куан!
Иерусалим, тантана белән аваз сал!
Кара! Синең патшаң сиңа килә.+
Ул тәкъва, ул коткаручы,*Ул басынкы,+ ишәккә утырып килә,Ул ишәккә,* ишәк баласына атланып утырган.+
10 Мин Ифраимның сугыш арбаларын,Иерусалимның атларын юк итәм.
Гаскәриләрнең ук-җәясе тартып алыначак.
Ул халыкларга тынычлык игълан итәчәк.+
Аның хакимлеге бер диңгездән икенче диңгезгә,Бөек елгадан* алып җир читенә кадәр җәеләчәк.+
11 Әй хатын,* сиңа килгәндә, минем белән синең арада төзелгән килешү каны нигезендәМин тоткыннарыңны сусыз чокырдан чыгарачакмын.+
12 Өметләре булган тоткыннар,+ ныгытмага кайтыгыз.
Бүген мин сиңа әйтәм:
„Әй хатын, мин сине икеләтә фатихалармын.+
13 Мин Яһүдне җәяне бөккәндәй бөгәрмен,Ифраимны җәя керешенә салырмын.*
Әй Сион, мин синең улларыңны күтәрермен,Греция, синең улларыңа каршы.
Сине* мин сугышчы кылычыдай итәрмен“.
14 Йәһвәнең үз халкы белән булуы ап-ачык күренәчәк,Аның угы яшен тизлегедәй очып чыгачак.
Аллаһы Тәгалә Йәһвә мөгез кычкыртып,+Көньяк давылыдай һөҗүм итәчәк.
15 Гаскәрләр Иясе Йәһвә аларны яклаячак,Алар дошманнарының пращ* ташларын йотачак, буйсындырачак.+
Алар сөенәчәк, шәраб эчкәндәй шатланып кычкырачак.
Алар корбанлык савытларыдай тулачак,Мәзбәх* почмаклары+ шикелле булачак.
16 Ул көнне Аллаһылары Йәһвә аларны —Үз көтүен, үз халкын коткарачак,+Чөнки алар аның җирендә таҗның асылташлары күк ялтырап торачак.+
17 Аның игелеге шундый бөек!+
Күркәмлеге шундый гаҗәеп!
Ашлыктан егетләр гөрләп үсәчәк,Яңа шәрабтан кызлар чәчәк атачак.+
Искәрмәләр
^ Яки «ныгытма».
^ Я, бәлки, «диңгездә һәлак итәчәк».
^ Яки «метислар».
^ Шәех — кабилә башлыгы.
^ Яки «залим».
^ Күрәсең, үз халкының бәлале хәлен.
^ Яки «иркәк ишәккә».
^ Яки «җиңүчән; коткарылган».
^ Ягъни Евфраттан.
^ Ягъни Сион, яисә Иерусалим.
^ Күрәсең, Сионга карый.
^ Ягъни укны җәя керешенә салгандай.
^ Гадәттә күн каештан ясалган таш ату коралы. Аңа таш салганнар һәм әйләндереп атканнар.