Ишагыя 54:1—17
54 «Балага уза алмаган, бала тудырмаган хатын, шатланып аваз сал!+
Сөен һәм шатлыктан кычкыр,+ беркайчан да бала тудыру газабын белмәгән хатын,+Чөнки ташлап калдырылган хатынның уллары*Ире* булган хатынныкыннан күбрәк+,— ди Йәһвә.—
2 Чатырыңның урынын киңәйт.+
Зур торагыңның тукымаларын зурайт.
Үзеңне чикләмә, чатырыңның бауларын озынайт,Казыкларын ныгыт.+
3 Чөнки син уңга һәм сулга таралырсың.
Токымың халыкларны биләп алырҺәм буш шәһәрләргә урнашыр.+
4 Курыкма,+ чөнки син оятка калмассың,+Кимсенмә, чөнки өметең өзелмәс.
Яшьлегеңдә оятка калганыңны онытырсың,Тол булганда хурлыкка төшкәнеңне бүтән искә төшермәссең».
5 «Чөнки синең Бөек Яратучың+ ирең* сыман.+
Аның исеме — Гаскәрләр Иясе Йәһвә,Исраилнең Изге Аллаһысы — Йолып Алучың.+
Ул бөтен җирнең Аллаһысы дип аталыр.+
6 Йәһвә сине ташлап калдырылган һәм кайгыга баткан хатынны чакыргандай,+Яшьлегендә өйләнеп, ире соңрак кире каккан хатынны чакыргандай чакырды»,— ди Аллаһың.
7 «Мин сине бер мизгелгә ташладым,Ләкин зур мәрхәмәт белән кире кайтарырмын.+
8 Ярсуым ташып торганда, мин синнән бер мизгелгә йөземне бордым,+Ләкин мәңгелек тугры мәхәббәт белән сиңа шәфкать күрсәтермен»+,— ди Йолып Алучың+ Йәһвә.
9 «Бу минем өчен Нух көннәре кебек.+
Мин Нух сулары бүтән җирне капламас дип ант иткән кебек,+Сиңа бүтән ярсымам һәм сине шелтәләмәм дип ант итәм.+
10 Таулар үз урыннарыннан кузгалырга,Калкулыклар какшарга мөмкин,Ләкин минем тугры мәхәббәтем синнән алынмас,+Тынычлык килешүем какшамас+,— ди сиңа мәрхәмәт күрсәтүче Йәһвә+.—
11 И мескен хатын,+ давыл эчендә бөтерелгән, юаныч күрмәгән хатын,+Мин синең ташларыңны махсус измә белән ныгытырмын,Нигезеңне сапфирлардан салырмын.+
12 Мин синең диварларыңның чыгынтыларын рубиннан ясармын,Капкаларыңны ялтырый торган* ташлардан,Бөтен чикләреңне кыйммәтле ташлардан ясармын.
13 Бөтен улларыңны* Йәһвә өйрәтер,+Улларыңның* тынычлыгы мул булыр.+
14 Син тәкъвалыкта ныгырсың.+
Җәберләүдән ерак булырсың,+Бернәрсәдән курыкмассың һәм котың алынмас,Чөнки болар сиңа якын килмәс.+
15 Әгәр берәрсе сиңа һөҗүм итсә,Бу минем боерыгым буенча булмас.
Сиңа һөҗүм иткән һәркем егылыр».+
16 «Менә, мин үзем һөнәрчене барлыкка китердем,Ул утлы күмерләрне өрдерәҺәм корал эшләп чыгара.
Җимерү өчен җимерүче кешене дә мин булдырдым.+
17 Сиңа каршы ясалган бер корал да уңышлы булмас,+Судта сиңа каршы чыккан һәр телне син хөкем итәрсең.
Бу — Йәһвә хезмәтчеләренең мирасы,Аларның тәкъвалыгы миннән килә»,— ди Йәһвә.+
Искәрмәләр
^ Яки «Хуҗасы».
^ Яки «балалары».
^ Яки «хуҗаң».
^ Яки «утлы».
^ Яки «балаларыңны».
^ Яки «балаларыңның».