Йошуа 12:1—24
12 Исраиллеләр Үрдүннең көнчыгыш ягында, Арно́н үзәненнән*+ алып Хәрму́н тавына+ кадәрге җирләрне һәм көнчыгыштагы бөтен Арабаны+ биләп алды. Бу җирләрнең патшалары шул:
2 Хишбунда яшәгән аморлылар патшасы Сихо́н.+ Ул Арнон үзәненең*+ кырыенда урнашкан Аругырдан,+ үзәннең уртасыннан башлап амунлыларның чиге булып торган Йаббо́к үзәненә* кадәрге җирләр һәм Гиладның яртысы белән идарә итте.
3 Арабаның көнчыгыш ягы да Киннере́т диңгезенә*+ кадәр һәм Бәйтишимутка таба Араба́ диңгезе — Тозлы диңгезгә* кадәр һәм көньякта Пәсгә́х тавының+ итәгенә кадәрге җир аның карамагында иде.
4 Шулай ук Баша́н патшасы Ог.+ Ул соңгы рефалыларның берсе иде.+ Ул Аштаротта һәм Әдрәйдә яшәде.
5 Аның карамагында Хәрмун тавы, Сәлкә́, гашурлылар һәм магахлылар+ чигенә кадәрге бөтен Башан+ һәм Хишбу́н+ патшасы Сихонның җирләренә кадәр Гиладның яртысы иде.
6 Йәһвәнең хезмәтчесе Муса һәм исраиллеләр аларны тар-мар итте.+ Аннан соң Йәһвәнең хезмәтчесе Муса аларның җирен рубинлыларга, гәдлеләргә һәм Манашше́ кабиләсенең яртысына биләмә итеп бирде.+
7 Йошуа́ һәм исраиллеләр Үрдүннең көнбатыш ягында, Сәгы́йр+ янындагы Хала́к тавыннан+ алып Хәрмун тавы итәгендәге Лива́н үзәнлегендә+ урнашкан Багалгадка+ кадәр биләп алган җирләрнең патшаларын юк итте, һәм аннан соң Йошуа аларның җирен, өлешләре буенча, Исраи́л кабиләләренә биләмә итеп бирде.+
8 Аларга хитлеләр, аморлылар,+ кәнганлылар, пәризлеләр, хивлеләр һәм йәвүслеләрнең+ җирен — таулы өлкәне, Шәфелне, Арабаны, тау битләрен, чүлне һәм Нәгебне+ бирде. Ул җирләрнең патшалары болар:
9 Әрихә́ патшасы,+ Бәйте́л янындагы Гай патшасы,+
10 Иерусалим патшасы, Хебру́н патшасы,+
11 Ярму́т патшасы, Лаки́ш патшасы,
12 Әгълу́н патшасы, Газә́р патшасы,+
13 Дәби́р патшасы,+ Гедә́р патшасы,
14 Хорма́ патшасы, Ара́д патшасы,
15 Либна́ патшасы,+ Адулла́м патшасы,
16 Макида́ патшасы,+ Бәйтел патшасы,+
17 Тапуа́х патшасы, Хәфә́р патшасы,
18 Әпи́к патшасы, Лашару́н патшасы,
19 Мадо́н патшасы, Хасу́р патшасы,+
20 Шимру́н-миру́н патшасы, Акша́т патшасы,
21 Тагана́к патшасы, Мегиддо́ патшасы,
22 Кәде́ш патшасы, Кармилдагы Йокни́м патшасы,+
23 Дор калкулыкларындагы Дор патшасы,+ Гилгәлдәге Гаи́м патшасы,
24 Тирсә́ патшасы — барысы 31 патша.
Искәрмәләр
^ Яки «елгасы үзәненнән».
^ Яки «елгасы үзәненең».
^ Яки «елгасы үзәненә».
^ Ягъни Үле диңгезгә.
^ Ягъни Генисарет күленә (Гәлиләя диңгезенә).