Йәзәкил 28:1—26
28 Йәһвә миңа тагын болай диде:
2 «Адәм улы, Тир җитәкчесенә болай дип әйт: „Аллаһы Тәгалә Йәһвә болай ди:
„Йөрәгең тәкәббер булып киткәнгә,+ син: „Мин илаһ.
Мин диңгез йөрәгендә, илаһ тәхетендә утырам“+,— дип торасың.
Ләкин үз күңелеңдә үзеңне илаһ дип санасаң да,Син илаһ түгел, син гади кеше генә.
3 Менә! Син үзеңне Даниялдан зирәгрәк дип саныйсың.+
Үзеңнән яшерен сер юк дип уйлыйсың.
4 Зирәклегең һәм үткен акылың сине бай итте,Син үз хәзинәләреңә алтын белән көмеш җыеп яшисең.+
5 Сәүдә эшләрен оста алып барып, син зур байлыкка ия булдың,+Байлыгың аркасында йөрәгең тәкәбберләнеп китте“.
6 „Шуңа күрә Аллаһы Тәгалә Йәһвә болай ди:
„Үз күңелеңдә үзеңне илаһ дип санаганга,
7 Мин сиңа каршы чит ил кешеләрен, халыкларның иң аяусызын алып килермен.+
Алар үз акылыңны кулланып ия булган матур бар нәрсәңә каршы кылычларын күтәрерҺәм шөһрәтле даныңны нәҗесләр.+
8 Алар сине гүргә төшерер,һәм син ачык диңгез йөрәгендә дәһшәтле үлем белән үләрсең.+
9 Үзеңне үтерүчегә: „Мин илаһ“,— дип әйтеп торырсыңмы?
Син үзеңне нәҗесләүчеләрнең кулларында илаһ түгел, ә гади кеше генә булырсың“.
10 „Син чит ил кешесе кулыннан сөннәтсез кешеләрнең үлеме белән үләрсең,Чөнки мин моны әйттем“,— ди Аллаһы Тәгалә Йәһвә».
11 Йәһвә миңа тагын болай диде:
12 «Адәм улы, Тир патшасы турында кайгылы җыр җырла һәм аңа әйт: „Аллаһы Тәгалә Йәһвә болай ди:
„Син камиллек үрнәге идең,Зирәклек белән тулы идең,+ матурлыгың камил иде.+
13 Син Гадәндә — Аллаһы бакчасында идең.
Син төрле кыйммәтле ташлар белән —Рубин, топаз һәм яшма, хризолит, оникс һәм жадеит, сапфир, фирәзә+ һәм зөбәрҗәт белән бизәлгән идең.
Аларның кысалары алтыннан ясалган иде.
Алар барлыкка китерелү көнеңдә әзерләнгән иде.
14 Мин сине яклап торучы майланган керубим итеп билгеләдем.
Син Аллаһының изге тавында идең+ һәм утлы ташлар арасында йөрдең.
15 Тәкъва булмаган эшләр кыла башлаганчы,+Син яратылган көнеңнән алып бар юлларыңда саф идең.
16 Сәүдә эшләреңне киң алып барганга,+Син җәбер-золым белән тулдың һәм гөнаһ кыла башладың.+
Шуңа күрә мин сине Аллаһы тавыннан нәҗес затны куып чыгаргандай куып чыгарырмын,+И яклаучы керубим, мин сине утлы ташлар арасыннан юк итәрмен.
17 Матурлыгың аркасында йөрәгең тәкәбберләнеп китте.+
Шөһрәтле даның аркасында син үз зирәклегеңне боздың.+
Мин сине җиргә бәреп төшерермен,+Патшалар өчен тамаша итәрмен.
18 Зур гаебең һәм намуссыз сәүдә итүең аркасында, син үз изге урыннарыңны нәҗесләдең.
Синең араңда ут чыгарырмын, һәм ул сине йотар.+
Сиңа карап торган бар затлар алдында сине җирдәге көлгә әйләндерермен.
19 Сине халыклар арасында белгән һәркем сиңа гаҗәпләнеп карап торыр.+
Ахыр сиңа кинәт килер, һәм ул коточкыч булыр.
Син мәңгегә юкка чыгарсың“».+
20 Йәһвә миңа тагын болай диде:
21 «Адәм улы, йөзеңне Сидонга+ таба бор һәм аның турында пәйгамбәрлек әйт.
22 Әйт: „Аллаһы Тәгалә Йәһвә болай ди:
„И Сидо́н, мин сиңа каршы чыгам. Сиңа каршы кылган эшләрем аша мин данланырмын.
Мин сине хөкемгә тарткач һәм синдә изге ителгәч, халыклар минем Йәһвә икәнемне белерләр.
23 Мин Сидонга үләт җибәрермен, һәм аның урамнарында кан агар.
Аңа бар яктан кылыч килгәч, кешеләре үләр.
Алар минем Йәһвә икәнемне белерләр.+
24 Шунда Исраи́л халкы тирәли җәрәхәтләүче чәнечкеләр һәм интектергеч чәнечкеле үсемлекләр үсмәс,+ ягъни якын тирәдә аларны ким-хур итүчеләр яшәмәс. Һәм кешеләр минем Аллаһы Тәгалә Йәһвә икәнемне белерләр“.
25 „Аллаһы Тәгалә Йәһвә болай ди: „Исраил халкы башка халыклар арасына таратылган иде. Мин аларны аннан җыйгач,+ алар арасында изге ителермен.+ Халыклар моны күреп торыр. Халкым үз җирендә — мин хезмәтчем Ягъкубка биргән+ җирдә яшәр.+
26 Алар шул җирдә иминлектә яшәр,+ йортлар төзер һәм йөзем бакчалары утыртыр.+ Мин алар тирәли яшәүче һәм аларны ким-хур итүче һәркемне хөкемгә тарткач,+ алар иминлектә яшәр. Һәм алар шуны белер: мин аларның Аллаһысы Йәһвә“».