1  Синай чүлендә+ исраиллеләрнең Мисыр җиреннән чыгуының икенче елында, икенче айның беренче көнендә,+ Йәһвә очрашу чатырында+ Мусага болай диде: ²  «Бөтен исраиллеләр җәмгыятен санап чык:+ гаиләләре буенча, нәселләре буенча, аларның бар ир-атларын исемнәре буенча берәм-берәм исемлеккә керт. ³  Син һәм Һарун Исраи́л гаскәрендәге хезмәткә яраклы 20 яшь һәм аннан олырак яшьтәге+ ир-атларны, аларның төркемнәре буенча, исемлеккә кертегез. ⁴  Үзегез белән һәр кабиләдән бер кеше алыгыз, ул үз нәселендә башлык булырга тиеш.+ ⁵  Менә кем сезгә ярдәм итсен: Руби́н кабиләсеннән Шеду́р улы Илису́р,+ ⁶  Шимо́н кабиләсеннән Суришадда́й улы Шәлумии́л,+ ⁷  Яһүд кабиләсеннән Аминада́б улы Наһшу́н,+ ⁸  Иссаха́р кабиләсеннән Суа́р улы Нитани́л,+ ⁹  Зәбулу́н кабиләсеннән Хилу́н улы Илиа́б,+ ¹⁰  Йосыф улларыннан: Ифраи́м+ кабиләсеннән Амиһү́д улы Илишама́, Манашше́ кабиләсеннән Фәдхәсу́р улы Гамәлии́л, ¹¹  Биньями́н кабиләсеннән Гыйдәни́ улы Абида́н,+ ¹²  Дан кабиләсеннән Амишадда́й улы Әхиязә́р,+ ¹³  Әши́р кабиләсеннән Өхрә́н улы Фагы́йл,+ ¹⁴  Гәд кабиләсеннән Дәи́л улы Ильяса́ф,+ ¹⁵  Нәфтәли́ кабиләсеннән Ина́н улы Ахира́.+ ¹⁶  Болар — җәмгыятьтән чакырып алынган ир-атлар. Алар — үз аталары кабиләләренең башлыклары,+ Исраил меңнәренең башлары».+ ¹⁷  Шунда Муса һәм Һарун исемләп билгеләнгән ир-атлар белән бергә ¹⁸  икенче айның беренче көнендә 20 яшь һәм аннан олырак яшьтәге+ ир-атларны исемнәре буенча, гаиләләре буенча һәм нәселләре буенча берәм-берәм исемлеккә кертү өчен бар җәмгыятьне җыйды. ¹⁹  Алар нәкъ Йәһвә Мусага кушканча эшләде. Шулай итеп ул Синай чүлендә аларны исемлеккә кертте.+ ²⁰  Рубинның уллары — Исраилнең беренче улының токымнары+ — исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ²¹  Рубин кабиләсеннән исемлеккә кертелгән кеше саны 46 500 булды. ²²  Шимон+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ²³  Шимон кабиләсеннән исемлеккә кертелгән кеше саны 59 300 булды. ²⁴  Гәд+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ²⁵  Гәд кабиләсеннән исемлеккә кертелгән кеше саны 45 650 булды. ²⁶  Яһүд+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ²⁷  Яһүд кабиләсеннән исемлеккә кертелгән кеше саны 74 600 булды. ²⁸  Иссахар+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ²⁹  Иссахар кабиләсеннән исемлеккә кертелгән кеше саны 54 400 булды. ³⁰  Зәбулун+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ³¹  Зәбулун кабиләсеннән исемлеккә кертелгән кеше саны 57 400 булды. ³²  Йосыфның Ифраим+ аша токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ³³  Ифраим кабиләсеннән исемлеккә кертелгән кеше саны 40 500 булды. ³⁴  Манашше+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ³⁵  Манашше кабиләсеннән исемлеккә кертелгән кеше саны 32 200 булды. ³⁶  Биньямин+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ³⁷  Биньямин кабиләсеннән исемлеккә кертелгән кеше саны 35 400 булды. ³⁸  Дан+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ³⁹  Дан кабиләсеннән исемлеккә кертелгән кеше саны 62 700 булды. ⁴⁰  Әшир+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ⁴¹  Әшир кабиләсеннән исемлеккә кертелгән кеше саны 41 500 булды. ⁴²  Нәфтәли+ токымнары исемнәре буенча, гаиләләре буенча һәм нәселләре буенча исемлеккә кертелде. Гаскәри хезмәткә яраклы, 20 яшь һәм аннан олырак яшьтәге бөтен ир-атларны берәм-берәм санап чыктылар. ⁴³  Нәфтәли кабиләсеннән исемлеккә кертелгән кеше саны 53 400 булды. ⁴⁴  Боларны Муса, Һарун һәм Исраилнең 12 башлыгы исемлеккә кертте. Бу 12 башлыкның һәрберсе үз нәселенең вәкиле иде. ⁴⁵  Исраил гаскәрендәге хезмәткә яраклы, 20 яшь һәм аннан олырак яшьтәге бар исраиллеләр нәселләре буенча исемлеккә кертелде. ⁴⁶  Санап чыгарылган бар кешеләрнең саны 603 550 булды.+ ⁴⁷  Ләкин ле́вилеләр+ башкалар белән бергә үз нәселләре буенча исемлеккә кертелмәде.+ ⁴⁸  Йәһвә Мусага болай диде: ⁴⁹  «Ле́ви кабиләсен генә исемлеккә алма һәм аларның санын башка исраиллеләр санына кертмә.+ ⁵⁰  Ле́вилеләргә шаһитлек+ чатырын, аның бар кирәк-яракларын һәм аның бар нәрсәсен тапшыр.+ Алар чатырны, аның бар кирәк-яракларын күчереп йөртсен+ һәм анда хезмәт итсен,+ һәм аларның тукталу урыннары чатыр тирәли булыр.+ ⁵¹  Чатырны күчерергә кирәк булганда, ле́вилеләр аны сүтсен,+ ә чатырны җыярга кирәк булганда, ле́вилеләр аны яңадан корсын. Моңа хокукы булмаган* кеше чатырга якынлашса, ул үтерелсен.+ ⁵²  Һәр исраилле үзенең чатырын үзенә билгеләнгән тукталу урынына, үзенең өч кабиләле төркеме белән*+ куйсын. ⁵³  Минем Исраил җәмгыятенә көчле ачуым кабынмасын өчен, ле́вилеләр үз чатырларын шаһитлек чатыры тирәли куйсын.+ Шаһитлек чатыры турында кайгырту* өчен ле́вилеләр җаваплы булырга тиеш».+ ⁵⁴  Исраил халкы Йәһвә Мусага кушканның барысын эшләде. Алар нәкъ шулай эшләде.